1Atha 1:37 - ÎVUKU RÎA ÛVORO MWARO

³⁷ Ngai-Mûnene aroethagîrwa arî na Solomoni wata ûrîa arethagîrwa arî na mwathi wakwa. Ngai-Mûnene arotûma ûthamaki wa Solomoni ûvua wana gûkîra waku.”

1Atha 1:37 ပူးပေါင်းရင်းမြစ်များ

2Sam 24:3

Nwatî Joabu nîwerire mûthamaki atîrî, “Mwathi wakwa, Ngai-Mûnene, Ngai waku arongerera andû a Isiraeli maita îgana makîria ya ûguo megana rîu, nawe ûrotûûratûûra nîguo ûkoona Ngai-Mûnene akîvingia ûndû ûcio. Nwatî mwathi wakwa mûthamaki ûrenda gûtara andû nîkî?”

1Atha 1:36

Nake Benaia mûvîcî wa Jehoiada nîwacokerie mûthamaki atîrî, “Ameni, Ngai-Mûnene, Ngai wa mwathi wakwa mûthamaki arouga wa ûguo.

1Atha 1:47

Nacio ndungata cia mûthamaki Daudi nîithiîre gûcokeria mwathi wetû mûthamaki Daudi ngatho na mauga atîrî, ‘Ngai waku arotûma Solomoni atîwe gûgûkîra, naguo ûthamaki wa Salomoni ûroneneva gûkîra waku.’ Nake mûthamaki Daudi nîwenamîrîrie ûthiû wake gîtandarî gîake

2Atha 2:9

Maringa rûnjî, Elija nîwerire Elisha atîrî, “Mbîra ûrîa ûkwenda ngwîkîre mbere ya nthengutue kûrî we.” Nake Elisha nîwaugire atîrî, “Nakûthaitha ûngaîre gîcunjî Kîam roho waku maita maîrî.”

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

1Maû 29:25

Ngai-Mûnene nîwatûmire Solomoni avewa gîtîîo mûno nî andû onthe a Isiraeli, na agîtûma agîa ngumo mûno gûkîra athamaki arîa maarî mbere yake vûrûrirî wa Isiraeli.

2Maû 1:1

Solomoni, mûvîcî wa mûthamaki Daudi nî watuîkire mûthamaki wîkindîrîtie ûthamakirî wake. Nake Ngai-Mûnene, Ngai wake nî wamûrathimire na agîtûma agîa na vinya mûno.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Thaburi 72:8

Aroathana kuuma îriarî nginya îriarî, kuuma rûnjîrî rwa Farati nginya mîthiia ya nthî.

Thaburi 89:27

Nîngaatûma atuîke mwana wakwa wa îrikithathi, mûthamaki mûnene gûkîra athamaki onthe a nthî.

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Isaia 8:10

Îîcûranieni vamwe, nwatî mîvango yenyu ndîkaavinga! Rûthani mîvango, nwatî ndîgaakinyanîra, nîûndû Ngai arî vamwe natue.

Danieli 7:14

Nake nîwaverwe wathani, riiri, wana ûthamaki, nîguo andû a iruka cionthe, mavûrûri monthe, na nthiomi cionthe mamûtungatagîre. Wathani ndûkaathira rî kana rî, na ndûgaacûkangua.

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Josh 1:17

Tue tûgaakwathîkagîra wata ûrîa twathîkagîra Musa. Ngai-Mûnene, Ngai waku nîethagîrwe nawe wata ûrîa eethagîrwa na Musa.

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

1Sam 20:13

Nwatî ethîrwa arî na mworoto wa gûgwîka ûûru, Ngai-Mûnene arombûraga ethîrwa nîngaarega gûkumbûrîra ûndû ûcio nîguo ûvonoke. Ngai-Mûnene aroîkara nawe wata ûrîa arekaraga na vava.