1Atha 1:31 - ÎVUKU RÎA ÛVORO MWARO

³¹ Nake Bathisheba nîwenamîrîrie ûthiû wake na gîtîîo mbere ya mûthamaki na akiuga atîrî, “Mwathi wakwa mûthamaki Daudi, ûrotûûra tene na tene!”

1Atha 1:31 ပူးပေါင်းရင်းမြစ်များ

2Sam 9:6

Rîrîa Mefiboshethu mûvîcî wa Jonathani ûrîa warî ûmawe wa Saûlo aakinyire kûrî Daudi, nîwenamîrîre mbere ya Daudi na gîtîîo. Nake Daudi nîwamwîtire atîrî, “Mefiboshethu,” Nake nîwamûcokerie atîrî, “Îî nîrî ava nie ndungata yaku.”

1Atha 1:25

Nîûndû ûmûnthî nîathiîte na akathînja ndegwa, ng'ondu na tûcaû tûrîa tûnoru. Nîetîte avîcî aku onthe, Joabu mûnene wa athigari aku na Abiatharu mûthînjîri-Ngai, na rîu nîkwa mararîa kîrugo makiugagîrîria atî: ‘Ûrotûûratûûra mûthamaki Adonija!’

Nehemia 2:3

na ngîra mûthamaki atîrî, “Mûthamaki ûrotûûra tene na tene! Nîrî na kîeva nîûndû îtûûra rîrîa rînene kûrîa methe metû ma tene maathikirwe nîrîomomoku nacio ivingo nî njûkangie nî mwaki.”

Esita 3:2

Mûthamaki nîwathanire atî andû onthe arîa mamûtungatagîra menamagîrîre na mavecage Hamani gîtîîo. Andû ake onthe nîmeekaga guo nwatî Moridekai nîwaregire kwînamîrîra Hamani kana kûmûva gîtîîo.

Danieli 2:4

Akalidei acio nîmacokerie Mûthamaki na Kîhibirania atîrî, “Mûthamaki wetû ûrotûûratûûra! Ta twîre kîroto gîaku, na nîtûgûgûtaûrîra kîo.”

Danieli 3:9

Nîmaamwîrire atîrî, “Mûthamaki! Ûrotûûra tene na tene.

Danieli 5:10

Nake ng'ina wa mûthamaki nîwegwire înegene rîa mûthamaki na atongoria ake na agîtonya nyomba kûrîa kwarî na kîrugo akiuga atîrî, “Mwathi wakwa, ûrotûûratûûra! Nakûthaitha ûtige kûmaka na ûtige gûtukia kîthithi.

Danieli 6:21

Nake Danieli nîwacokerie mûthamaki atîrî, “Mûthamaki wetû, ûrotûûra tene na tene!

Danieli 6:6

Kwoguo arûngamîrîri na anene a thirikari nîmaagîre ndundu na makîthiî kûrî mûthamaki na makîmwîra atîrî, “Mûthamaki Dario, ûrotûûra tene na tene!

Mathaayo 21:37

Na mûthiiarî mûndû ûcio nîwatûmire mûvîcî akiugaga atîrî, ‘Nîmbîcî nîmakûva mûvîcîwa gîtîîo.’

Aefeso 5:33

Nwatî ciugo ino nwa iraria ûvoro ûmwîgiî atî: mûthuuri wa wonthe nwanginya endage mûka wata ûrîa eyendete, na mûndûmûka wa wonthe nwanginya atîîage mûthuuri wake.

Ahib 12:9

Methe metû ma gûkû nthî nîmaatûverithirie na tûkîmava gîtîîo. Kwoguo nîtwagîrîrwe kwathîkîra Vava wa kîîroho mûno makîria nîguo tûtûûre!

1Sam 20:41

Mwanake ûcio arîkia kûthiî, Daudi nîwaumîrire varîa eethithîte vuva ya kîrûndo Kîam mathiga, agîturia maru na akînamîrîra nthî maita mathatû. Nao oîrî, Jonathani na Daudi nîmaamumunyanire makîrîraga. Daudi aarî na kîeva kîngî gûkîra Jonathani.

1Sam 24:8

Vuvarî Daudi wanake nîwaumire ngurungarî na agîîta Saûlo, “Mwathi wakwa mûthamaki!” Saûlo nîwevûgûrire, nake Daudi nîwenamîrîre na agîturumithia ûthiû wake nthî na wînyivia