1Ath 5:3 - ÎVUKU RÎA ÛVORO MWARO

³ Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.

1Ath 5:3 ပူးပေါင်းရင်းမြစ်များ

Ayubu 15:21

Egucaga mîgambo ya kûmakania matûûrî make; rîrîa agwîciria arî na thayû, nîrîo atharîkagîrwa nî acunani.

Ayubu 24:23

Atûmaga arîa aganu mone marî agitîre, nwatî ekaraga aroretie mîthiîre yao.

Thaburi 35:8

Maronyitwa nî mûthiro matevarîrîtie; maronyitwa nî mîtego yao îrîa maigîte, na mamîgwîre macûkangue!

Thaburi 48:6

Nîmaambîrîrie gûtetema na makînyitwa nî ruuo, ruuo ta rwa mûndûmûka arî vakuvî gûciara.

Thaburi 55:15

Nthû ciakwa irokua itakinyîtie; marothiî kwa arîa akuû marî mwoyo, nîûndû mecûrîtwe nî waganu ngororî ciao.

Thaburi 69:22

Irugo ciao irotuîka cia kûmanyitithia, irugo ciao irîa nyamûre irotuîka mûtego kûrî o.

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Isaia 20:6

Nao andû arîa matûûraga rûtererî rwa îria, mûthenya ûcio nîmakaauga atîrî, ‘Taroriani ûrîa gwekîkire kûrî andû arîa tûrevokete atî nîmagûtûgitîra kûrî mûthamaki wa Asîria! Rîu tue-î, nîtûkûvonoka?’ ”

Isaia 29:5

Nwatî gîkundi Kîam nthû ciaku gîkethîrwa gîkariî ta rûkûngû rûvinyu, nacio nthû ciaku irîa itarî ntha ikethîrwa ciîkariî ta macaki, makaagûrûkua nî rûkûngi wa rîmwe.

Isaia 30:13

kwoguo mevia nîmamûretera mûthiro, ta mwatûka wa rûthingo rûraca na îgûrû, rûkaagwa wa rîmwe.

Isaia 47:11

Nwatî nîûkaanyitwa nî maûndû macûku, na ndûkaavota kûmenya kûrîa maumîte. Nîûkaanyitwa nî mathîna, na ndûkaavota kûmathiria, maûndû ma gûkûthiria nîmagaaûka kûrî we wa rîmwe, marîa ûtanamenya ûvoro wamo.

Isaia 47:9

Maûndû mama moîrî magaaûka kûrî we wa rîmwe mûthenya ûmwe, gûkuîrwa nî ciana na gûtuîka mûndûmûka wa ndigwa, wana ethîrwa wî na ûrogi mwîngî, na wî na vinya mwîngî wa kûringa mbûgû.

Isaia 56:12

Meranaga atîrî, “Ûkani tûgacarie ndivei; tigani tûnyue njovi tûvae! Rûyû rûkaavana wata ûmûnthî, na rûyû ûkethîrwa ûrî mûthenya mûnene makîria!”

Jeremia 13:21

Ûkaauga atîa îgûrû rîgiî andû arîa weciragia nî arata aku, arîa we mwene wathomithirie rîrîa magaakûvoota na makwathe? Kinthî ndûgecûrwa nî ûrûrû ta wa mûndûmûka akîgîa na mwana?

Jeremia 14:19

Ngai-Mûnene nîkwa ûtiganîrîtie Juda viû? Nîkwa ngoro yaku îthûrîte andû a Zayuni? Nîndûî gîtûmîte ûtûgurarie naaî ûguo, ûndû tûtangîvona? Twacaragia thayû nwatî gûtirî ûndû mwaro twonire, twerîgîrîrîte nîtûkûvona nwatî twonire mathîna.

Jeremia 22:23

Mue muonthe mûtûûraga Lebanoni, mue arîa mwîkaraga nyombarî itumîtwe na mîtarakwe, nîmûkaarîra rîrîa mûkaagwatwa nî ruuo, ta rwa mûndûmûka agîciara!

Jeremia 4:31

Nie nîneguire kîrîro ta Kîam mûndûmûka arî na ûrûrû wa gûciara, mûcao ta wa mûndûmûka agîkivîra mwana wa îrikithathi, Kîamrî kîrîro gîa Zayuni akîvevûka agîcaragia mîvevû, agîtambûrûkagia njara akiugaga atîrî, ‘Kaî nîrî na thîna-î! Nîmaûkîte kûmbûraga!’ ”

Jeremia 6:14

Mavonagia ironda cia andû akwa îgûrû, makiugaga atî: ‘Kûrî na thayû, kûrî na thayû,’ wa rîrîa gûtarî thayû.

Jeremia 6:24

Andû a Jerusalemu marauga atîrî, “Nîtwîguîte ûvoro wao, njara cietû ikathira vinya; nîtûgîte na ûrûrû ta rwa mûndûmûka agîciara.

Jeremia 8:11

Mavonetie ironda cia andû akwa îgûrû, makiugaga, ‘Kûrî na thayû,’ rîrîa gûtarî na thayû.

Ezek 13:10

“Arathi acio nîmavîtithîtie andû akwa makîmeeraga atî kûrî na thayû wa rîrîa gûtarî thayû. Andû akwa matumîte rûthingo na mathiga matarî manyitanu nao arathi makarûvaka rangi ûyû mûcerû.

Hosea 13:13

Ûrûrû ta wa mûndûmûka akîgîa na mwana nîûmûkinyîrîte. Nwatî ke nî mwana mûritu; kavinda gake ga gûciarwa ke nîwaregire kuuma ndarî ya ng'ina!

Nahumu 1:10

Mue mîrîu mûkaavîvua ûthire; mûkaavîvua ta kîthaka Kîam mîgua, kana ta macaki maûmû.

Mathaayo 23:33

Mue njoka na ciana cia njoka! Mûkaavota atîa kûûra nîguo mûtikathiî îcuarî!

Johana 16:21

Rîrîa mûndûmûka ageerie kûgîa na mwana nîagîcaga na kîeva nîûndû îvinda rîake rîa kwîgua ûrûrû nîrîkinyu, nwatî agîa na mwana nîakenaga na akariganagîrûa nî ûrûrû nîûndû mwana nî mûciare gûkû nthî.

Ciîko 13:41

‘Tathikîrîriani anyûrûrania aya! Makani na Mûkue! Nîûndû ûndû ûrîa nie ngwîka ûmûnthî ûyû mue tî mwîtîkia, wana mwataarîrua guo, nî mûndû!’ ”

Gûco 29:19

Na gûtikethîrwe kûrî na mûndû gatagatîrî kenyu ûregua kîrîkanîro gîkî mwevîta, nwatî eîre na ngoro atî wana angîrega gûkîvingia, ndangîona ûndû mûcûku. Mûndû ûcio agaatûma muonthe mûverithue, arîa aro wana arîa acûku.

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.

Ahib 12:23

Nîmûkîte kîgomanorî Kîam andû arîa akenu, na nîo marikithathi ma Ngai. Marîîtwa mao nîmandîkîtwe kûu îgûrû. Nîmûkîte kûrî Ngai ûrîa ûtucagîra andû onthe, na kûrî maroho ma andû arîa athingu arîa maatwirwe akinyanîru.

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.

2Pet 2:4

Ngai ndeeguîra araika arîa meevirie ntha, nwatî nîwamaikirie îcuarî kûrîa maigîtwe ndumarî movetwe na mînyororo metererete mûthenya wa îtuîro.

Atir 8:11

Gideoni nîwathiîrîre njîrarî ya andû arîa matûûraga magemarî, erekerete mwena wa îrathîro wa Noba na Jogibeha na akîtharîkîra athigari acio a mbaara wa rîmwe matakûmenya.