1Ath 5:15 - ÎVUKU RÎA ÛVORO MWARO

¹⁵ Geragiani kwona atî gûtirî mûndû wana ûmwe gatagatîrî kenyu ûkarîvagia naaî na naaî, nwatî vîndî cionthe geragiani gwîka ûndû ûrîa mwaro kûrî andû onthe.

1Ath 5:15 ပူးပေါင်းရင်းမြစ်များ

Kîam 45:24

Josefu nîwarekererie aa mûrwang'ina makîthiî, akîmerîra atîrî, “Mûtigatetanie mûrî rûgendorî.”

Thaburi 38:20

Acio mambîkaga naaî rîrîa ngûmeka waro, mareganaga nanie nîûndû mbîkaga maûndû marîa maro.

Thaburi 7:4

ethîrwa mbocete indo cia nthû yakwa na vinya gûtarî na gîtûmi, ethîrwa mbîkîte ûmwe wa maûndû mama,

Nthi 17:13

Ûngîrîvia wega na ûcûku, thîna ndîkaathira gwaku mûciî.

Nthi 20:22

Wekwa ûndû mûcûku nî mûndû ndûkerîvîrîrie, îîvoke Ngai-Mûnene na nîagaagûtethia.

Nthi 24:17

Ndûgakene rîrîa nthû yaku yagwa, na ndûgakene rîrîa nthû yaku yavîngwa.

Nthi 24:29

Ndûkauge atîrî, “Ngaamwîka wa ûguo aambîkire! Thirî ya kauga îrîvagwa na kauga!”

Nthi 25:21

Ethîrwa nthû yaku îrî mvûtu, mîve irio îrîe; na ethîrwa îrî nyondu, mîkundie manjî înyue;

Alawi 19:18

Mûtikerîvîrîrie kûrî mûndû ûrîa wîngî kana mûmûmena, nwatî endagani andû arîa engî wata ûrîa mwîyendete. Nie nînie Ngai-Mûnene.

Mathaayo 5:39

Nwatî nie nîramwîra atî: mûndû angîkûvîtîria ndûkanerîvîrîrie. Mûndû angîgûcamûra rûvî rûthîa rwaku rwa ûrîo mûvûgûrîre rûthîa rûu rwîngî wana ruo arûcamûre.

Luka 6:35

Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

Ciîko 16:28

Nwatî Paûlo nîwaugîrîrie na mûgambo mûnene akiuga atîrî, “We tiga gwîîka naaî! Tue tuonthe tûrî kuo!”

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

Aroma 14:19

Kwoguo nîtûcaragie maûndû marîa maretaga thayû na marîa mangîtûtethia kwonganagîrîra vinya.

1Akor 14:1

Geragiani na vinya mûno kûgîa na wendani. Îîriragîrieni na vinya mûno kûgîa na iveo cia kîîroho, na mûno makîria kîveo gîa kûvota kwanîrîra ndûmîrîri ya Ngai.

1Akor 16:10

Timotheo aûka kûrî mue, geriani kwona atî nîwekarania namue atarî na guoya nîûndû araruta wîra wa Mwathani wata ûrîa ndutaga.

1Akor 6:7

Kûvira nthitangano cienyu magootirî nîkwonanagia na ma atî mue nîmûremetwe viû. Wana tî kava mue mûvîtîrîtue kana mûcunîtwe?

Agal 6:10

Kwoguo, rîrîa rîonthe twagîa na kanya nîtwagîrîrwe nî gwîka andû onthe maûndû maro, na mûno makîria kûrî arîa metîkîtie wata tue.

Aefeso 5:15

Kwoguo menyagîrîrani mîkarîre yenyu. Tigagani gwîkara ta andû aritu, îkaragani ta andû aûgî.

Aefeso 5:33

Nwatî ciugo ino nwa iraria ûvoro ûmwîgiî atî: mûthuuri wa wonthe nwanginya endage mûka wata ûrîa eyendete, na mûndûmûka wa wonthe nwanginya atîîage mûthuuri wake.

Gûco 16:20

Mavinda monthe rûmagîrîrani kîvooto. Namue nîmûkegwatîra vûrûri ûrîa Ngai-Mûnene Ngai wenyu akûmûva na mûthiî na mbere gûtûûra kuo.

1Ath 2:12

Tue, nîtwamûûmagîrîria, nîtwamûthaithaga na nîtwekaraga tûkîmûringagîrîria mûtûûrage na mûtûûrîre ûrîa ûkenagia Ngai ûrîa ûmwîtaga ûthamakirî wake ûrîa ûrî na riiri.

1Ath 5:21

Tuîragiani maûndû monthe; menyagîrîrani maûndû marîa maro,

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

2Tim 2:24

Ta ndungata ya Mwathani ndwagîrîrwe nî kwîthîrwa ûrî wa înegene, nwatî wagîrîrwe nî kwîthîrwa ûrî mûndû wa ntha kûrî andû onthe, ûrî mwarimû mwaro na mûkirîrîria.

Tito 3:2

Merage matikaragie ûcûku wa mûndû wana ûrîkû, nwatî methagîrwe marî na thayû na mendanîte na monanagie ûvoreri kûrî andû onthe.

Ahib 12:14

Geragiani kwîthîrwa mwîgucanîte na andû onthe na mûgeragie gûtûûra ûtûûro mûtheru, nîûndû mûndû ûtarî naguo ndakoona Mwathani.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Pet 2:17

Tîîagani andû onthe, endagani aarî na ariû a îthe wetû, îîtigagîreni Ngai na mûvecage mûthamaki wa Roma gîtîîo.

1Pet 3:9

Mwekwa naaî tigagani kwîrîvîrîria na naaî. Mwarumwa tigagani kwîrîvîrîria na irumi. Vandû va ûguo rathimanagani, nîûndû kîrathimo nîkîo Ngai aamwîrîîre rîrîa aamwîtire.

3Joh 1:11

Mûrata wakwa, ndûkarûmîrîre maûndû marîa macûku, nwatî rûmagîrîra maûndû marîa maro. Mûndû wa wonthe wîkaga waro nî wa Ngai, nake mûndû wa wonthe wîkaga maûndû macûku ndaanona Ngai.

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.

Kûguû 22:9

Nwatî ke nîwambîrire atîrî, “Tiga gwîka ûguo! Nie nîrî ndungata wa tawe wana ta arathi arîa etîkia wa vamwe na arîa engî onthe maarûmagîrîra ciugo cia îvuku rîîrî. Gooca Ngai arî ke!”

1Sam 24:13

We nîwicî nthimo îrîa yugaga atîrî, ‘Waganu wîkagwa nî andû arîa aganu.’ Nwatî nie ndingîgwîka ûûru.