1Ath 5:13 - ÎVUKU RÎA ÛVORO MWARO

¹³ Mavecageni gîtîîo kînene na mûmendage nîûndû wa wîra ûcio wao. Îthagîrwani mûrî na thayû gatagatîrî kenyu.

1Ath 5:13 ပူးပေါင်းရင်းမြစ်များ

Kîam 45:24

Josefu nîwarekererie aa mûrwang'ina makîthiî, akîmerîra atîrî, “Mûtigatetanie mûrî rûgendorî.”

Thaburi 133:1

Kaî nî ûvoro mwaro na wî gîkeno-î, rîrîa andû a nyomba îmwe mekaranîtie marî na ûrûmwe!

Mathaayo 10:40

“Mûndû wa wonthe ûmûgwataga ûgeni nînie agwataga ûgeni; na mûndû wa wonthe ûngwataga ûgeni agwataga ûgeni ûrîa wandûmire.

Maariko 9:50

Cumbî nî mbaro, nwatî îngîthira mûcamo wayo, îngîcoka gwîkîrwa mûcamo nîndûî? “Îkaragani mwîgucanîte gatagatîrî kenyu ta cumbî na mûcamo wayo.”

Johana 15:17

Narîo rîathani rîakwa nî rîîrî: Endanagani.

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

Agal 4:14

Wana ethîrwa nîmwagîre na mathîna meengî nîûndû naarî mûrwaru, mûtiamena kana mûndiga. Nîmwanyamûkîre wata ûrîa mûngîamûkîra mûraika wa Ngai, kana ta Jesû Kristû ke mwene.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Agal 6:6

Mûndû ûrîa ûthomithagua ûvoro wa Kristû nîwagîrîrwe nî kûgaanaga maûndû monthe maro na mûndû ûrîa ûramûthomithia.

Aefeso 4:3

Geragiani na kîîo mûno gûtûûra mûrî na ûrûmwe ûrîa ûretagwa nî Roho na njîra ya thayû ûrîa ûmûnyitithanîtie vamwe.

Akol 3:15

Tigani thayû ûrîa Kristû avecanaga ûmûtongoragie mûkîthondeka matua menyu, nîûndû thayû ûcio nîguo watûmire Ngai amwîte vamwe nîguo mûtuîke mwîrî ûmwe na mûcokagie ngatho vîndî cionthe.

1Ath 5:14

Ariû na aarî a îthe wetû, tûramûthaitha mûkanagie igûta itige ûgûta, ûmagîrîriani iguoya, tethagiani arîa matarî na vinya na mûkiragîrîrie andû onthe.

2Ath 3:16

Mwathani ûrîa arî ke kiumo Kîam thayû, aromûva thayû vingo cionthe na maûndûrî monthe. Mwathani nîekare namue muonthe.

2Tim 2:22

Reganaga na maûndû marîa macûku meriragîrua nî andû ethî na wîrutanîrie kûgîa na ûthingu, wîtîkio, wendani na thayû, mûrî vamwe na andû arîa maumbûraga Mwathani marî na ngoro ntheru.

Ahib 12:14

Geragiani kwîthîrwa mwîgucanîte na andû onthe na mûgeragie gûtûûra ûtûûro mûtheru, nîûndû mûndû ûtarî naguo ndakoona Mwathani.

Jakuvu 3:18

Ûthingu nî maciaro ma mbegû ya thayû îrîa îvandagwa nî andû arîa macaragia thayû.