1Ath 4:11 - ÎVUKU RÎA ÛVORO MWARO

¹¹ Îkaragani mûtarî na înegene, mûkîmenyagîrîra maûndû menyu na mûkîrutaga wîra na njara cienyu nîguo mwîyonagîre kîndû gîa kûrîa wata ûrîa twamwîrire.

1Ath 4:11 ပူးပေါင်းရင်းမြစ်များ

Nthi 17:1

Nîkava kûrîa tûirio tûnini andû marî na thayû, gûkîra kûrîa kîrugo na andû marî na ngucanio.

Nthi 17:14

Kîambîrîria Kîam ngucanio nîta gûtemera manjî mûkaro, kwoguo rigîrîria ngucanio mbere ya yumîra.

Mûvunjia 4:6

Nî kava kûgîa na indo nini ûrî na thayû wa ngoro gûkîra kûgîa indo nyîngî ûtarî na thayû. Kûu nîta kûvinyûrania na rûkûngi.

Maca 3:26

Nî waro mûndû gwîkara akirîrîrîtie, etererete ûvonokio wa Ngai-Mûnene.

Maariko 13:34

Gûkeethîrwa gwîkariî ta ûrîa mûndû akiuma mûciî athiî rûgendo atigaga agaîra ndungata ciake mawîra, wa ndungata wîra wake, na agacoka akeera mûrangîri arangîre mûciî.

Ciîko 18:3

na agîkarania akîrutithanagia wîra nao nîûndû ke aarî mûtumi wa magema wa tao.

Ciîko 20:35

Nie nînîmwonetie maûndûrî monthe atî wata ûrîa naarutaga wîra nîrî na kîîo kîîngî wa namue nwa nginya mwîkage guo nîguo mûtethagie andû arîa matarî na vinya. Nie nînîmwîrîte mûririkanage ciugo irîa Mwathani Jesû ke mwene aaugire atîrî, ‘Nîkwîthagîrwa kûrî na gîkeno makîria mûndû akîvecana gûkîra akîvewa.’ ”

Aroma 12:11

Rutagani wîra na kîîo na mûtigatuîke igûta; tungatagîrani Mwathani na ngoro cienyu cionthe.

Aroma 15:20

Vîndî cionthe mbîthîrîtwe ngîrirîria kûvunjia Ûvoro Mwaro kûrî andû arîa mataanegua ûvoro wîgiî Kristû, nîguo ndigatuîke ta mûndû ûtumaga îgûrû rîa mûcingi ûrîa wînjîtwe nî mûndû wîngî.

1Akor 4:12

Tue ene nîtwînogagia tûkîruta wîra na njara cietû. Vîndî îrîa tûkûrumwa nî andû nîtûmarathimaga na vîndî îrîa tûkûnyarirwa nî andû nîtûmagîrîria.

2Akor 5:9

Makîria ya maûndû monthe twendaga gûkenia Mwathani wana ethîrwa tûrî mûciî gûkû nthî kana kûu îgûrû.

Aefeso 4:28

Mûndû wa wonthe wîaga nîatigane na wîi na ambîrîrie kûruta wîra nîguo ethûkûmagîre na njîra îno mbagîrîru kîrîa avatarîte ûtûûrorî na avotage gûtethia athîni.

1Tim 2:2

Voyagîrani athamaki na anene onthe nîguo twîkarage tûkirîrîtie, tûrî na thayû, twînyivîtie mbere ya Ngai na tûrî na mîtugo mîaro.

1Tim 5:13

Wana nîmemenyagîria gûtuîka igûta, andû a kûrûraga mîciîrî yene, andû a ngutû, andû metonyagîrîria maûndûrî ma andû arîa engî na maragia maûndû marîa mataagîrîrwe nî kwarua.

Tito 3:14

Andû etû nîmagîrîrwe nî kwîruta gûtûmîra mavinda mao na gwîka ciîko mbaro nîguo matethagîrîria mavata ma andû arîa engî. Matiagîrîrwe nî gûtûûra mûtûûrîre ûtarî na maciaro.

1Pet 3:4

Vandû va ûguo tigani kîrîa kîrî ngororî cienyu kîmûtucage athaka. Ûthaka ûcio ûtathiraga umanaga na ngoro mvoreri na îkiragîrîria na ûrî vata mûnene mûno methorî ma Ngai.

1Pet 4:15

Gatagatîrî kenyu gûtikanonekane mûndû wana ûmwe ûrathînua nîûndû atî ke nî mûûragani, mwîi kana muni watho wana kana atî nîûndû ke nî mûtonyereri wa maûndû ma andû arîa engî.