1Ath 3:8 - ÎVUKU RÎA ÛVORO MWARO

⁸ Nîrî nama atî rîu nîtûgûtûûra mwoyo ethîrwa nîmûgûtûûra mwîkindîrîtie waro ndaarî ya Mwathani.

1Ath 3:8 ပူးပေါင်းရင်းမြစ်များ

Thaburi 30:5

Marakara ma Ngai-Mûnene nî ma kavinda kanini, na wega wake nî wa tene na tene. Nwa kwîthîrwe kûrî na kîrîro ûtukû, nwatî kîraûko kwîthîrwe na gîkeno.

Johana 15:4

Îkaragani ndaarî yakwa, nanie mbîkare ndaarî yenyu. Rûvûa rûgekara rûrî ruonga rûtingîgîa na maciaro; rûngîvota kûgîa na maciaro tu angîthîrwa nwa rwîkare mûthaviburî. Ûguo nwaguo wa namue mûtangîvota kûgîa na maciaro angîthîrwa tî mwîkara mûrî ndaarî yakwa.

Johana 15:7

Ethîrwa mûgekaraga ndaarî yakwa na ciugo ciakwa igekara ndaarî yenyu, ngaamûvecaga kîndû wa kîonthe kîrîa mûkaambîtagia.

Johana 8:31

Kwoguo Jesû nîwerire Ayahudi atîrî, “Mwona mwathîkîra ciugo ciakwa, nîmûgûtuîka arutwa akwa.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

1Akor 16:13

Îkaragani mwîvarîrîtie na mwîkindîrîtie wîtîkiorî wenyu. Gîani na ûmîrîru. Gîani na vinya.

Agal 5:1

Tue tûrî na wîyathi rîu nîûndû Kristû nîwatûrutire ûkomborî! Kwoguo îkaragani ta andû marî na wîyathi na mûtigetîkîre gûcoka ûkomborî rîngî.

Aefeso 3:17

Na nîmvoyaga atî Kristû ekarage ngororî cienyu na njîra ya wîtîkio wenyu. Mvoyaga atî maûndû monthe marîa mûgekaga, mûmekage nîûndû mûrî na wendo,

Afil 1:21

Nîûndû nie vakwa, ndûûraga nîguo ndungatîre Kristû na gûkua nî umithio.

Afil 1:27

Rîu, ûndû ûrîa ûrî na vata mûno nî atî mûtûûrage ta ûrîa ûvoro mwaro wa Jesû Kristû ûmwîraga mûtûûre, nîguo wana ethîrwa nîngûka kûmwona kana ndege gûka, nîngegua atî nîmûrûngamîte mwîkindîrîtie na mwî na ngoro îmwe, na atî nîmûrarûa mûnyitanîte vamwe nîûndû wa wîtîkio wa ûvoro ûrîa mwaro.

Afil 4:1

Ariû na aarî a îthe wetû, nie nînîmwendete na nînîriragîria mûno kûmwona. Nîmûngenagia mûno na mûgatûma nîtîîe nîûndû wenyu. Kwoguo arata akwa nîmwagîrîrwe nî gwîkindîria mûtûûrîrerî wenyu, mûrî ndaarî ya Mwathani.

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

1Ath 3:7

Kwoguo ariû na aarî a îthe wetû, wîtîkio wenyu nîwatûmîrîrie rîrîa twethîrîtwe tûkîgiîka na tûkîthînîka.

Ahib 10:23

Nîtûnyiteni na vinya kîîrîgîrîro gîetû kîrîa tumbûraga tûtarî na nganja, nîûndû Ngai nî mwîvokeku na ciîranîro ciake nî cia ma.

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

Ahib 4:14

Nîtûnyitie na vinya viû wîtîkio wetû ûrîa tumbûraga nîûndû tûrî na Mûthînjîri-Ngai ûrîa mûnene na nîke Jesû Mûriû wa Ngai. Ke nîwathiîre kûrî Ngai.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

2Pet 3:17

Nwatî mue arata akwa ende nîmûrîkîtie kûmenya ûguo. Kwoguo îîmenyagîrîreni mûtikaume wîtîkiorî ûcio wenyu ûrîa mwîkindîrîtie nîûndû wa kûvîtithua nî andû arîa mareganaga na watho.

Kûguû 3:11

Nie nîngûka vuva wa Kavinda kanini. Îkaragani mûrî evokeku nîguo mûndû wana ûrîkû ndakamûcune nthûmbî yenyu ya ûvootani.

Kûguû 3:3

Ta ririkanani maûndû marîa mwathomithirue na marîa mwegwire. Marûmagîrîreni na mwîrire. Ethîrwa mue tî mûkîra, nie ngaûka kûrî mue ta mwîi na mûtikaamenya îthaa rîrîa ngaûka.

1Sam 25:6

Ke nîwataarire anake acio makeere Nabali atîrî, “Daudi mûrataguo nîwagûkethia na nîarakûvoera thayû we mûnene, andû a mûciî waku na kîrîa kîonthe ûrî nakîo.