1Ath 3:2 - ÎVUKU RÎA ÛVORO MWARO

² na tûtûme kûrî mue mûrû wa îthe wetû Timotheo ndungata ya Ngai îrîa tûrutithanagia wîra ûyû wa kûvunjia ûvoro mwaro wîgiî Kristû nayo. Twamûtûmire nîguo amwîkîre vinya na amûûmîrîrie wîtîkiorî wenyu,

1Ath 3:2 ပူးပေါင်းရင်းမြစ်များ

Ciîko 16:1

Nake Paûlo nîwathiîre Deribe na agîcoka akîthiî Listra, kûrîa Mûkristiano ûmwe wetagwa Timotheo aatûûraga. Ng'ina, ûrîa wa nake warî Mûkristiano, aarî Mûyahudi, nwatî îthe aarî Mûngiriki.

Ciîko 16:5

Kwoguo makanitha nîmeekîrirwe vinya wîtîkiorî na nîmongererekaga wa mûthenya wa mûthenya.

Ciîko 18:5

Na rîrîa Sailasi na Timotheo maakinyire maumîte Makedonia, Paûlo nîwambîrîrie gûtûmîra mavinda monthe make na wîra wa kûvunjia na akarutaga ûira kûrî Ayahudi akiugaga atî Jesû nîke Mesaya.

Aroma 16:21

Nîmwakethua nî Timotheo, ûrîa tûrutaga wîra vamwe nake, wana Lukio, na Jasoni, na Sosipateri arîa tûrî a rûrîra rûmwe nîmamûkethia.

1Akor 3:10

Na ngîtûmagîra kîveo kîrîa naveerwe nî Ngai, nie nînatumire mûcingi wa nyomba îo nîrî ta mûtumi ûrî na wara mwîngî. Nake mûndû wîngî nîaratuma îgûrû rîaguo. Nwatî wa mûndû nwanginya amenyerere ûrîa atumaga îgûrû rîaguo.

1Akor 4:17

Na kîu nîkîo kîratûma ndûme Timotheo kûrî mue. Ke nî mwana wakwa ûrîa mendete na nîmwîvokeku mûtûûrîrerî wake wa Ûkristiano. Nîakûmûririkania maûndû marîa nûmagîrîra mûtûûrîrerî wakwa mûcerû nîrî ûrûmwe na Jesû Kristû. Maûndû mau nîmo nthomithanagia makanitharî monthe marîa marî kûndû kuonthe.

2Akor 1:1

Nie Paûlo, mûtûmwa wa Kristû Jesû nîûndû wa wendi wa Ngai na kuuma kûrî mûrwaiya Timotheo. Tûramwandîkîra mue kanitha wa Ngai ûrîa ûrî Korinitho, na kûrî andû onthe a Ngai arîa marî Akaia kuonthe:

2Akor 1:19

Nîûndû Jesû Kristû Mûriû wa Ngai, ûrîa twamûvunjîrie tûrî nie, Sailasi, na Timotheo, ndarî “Ii” na “naarî”. Kûrî Kristû kwîthagîrwa vîndî cionthe kûrî “Ii”,

2Akor 2:12

Vîndî îrîa nie naakinyire Toroasi kûvunjia Ûvoro mwaro wîgiî Kristû nînoonire atî Mwathani nîwavingûrîte njîra nîûndû wa wîra wake kuo.

2Akor 2:13

Nwatî nînatangîkire nîûndû ndiona mûrwaiya Tito kuo. Kwoguo nînaugîre andû ûvoro kuo na ngîthiî Makedonia.

2Akor 8:23

Ûvororî wîgiî Tito, nîtûthiîcanagia na tûkarutithania wîra nake wa kûmûtethia. Ûvororî wîgiî ariû a îthe wetû acio engî marathiîcania nake, matûmîtwe nî makanitha na maretaga riiri kûrî Kristû.

Afil 1:25

Nîrî na ma ya ûndû ûyû na kwoguo nîmbîcî nî ngûtûûra mwoyo. Nîndûûrania namue muonthe, nîguo ndûmage mûthiî na mbere na mûgîe na gîkeno kîîngî wîtîkiorî wenyu,

Akol 1:1

Nie Paûlo mûtûmwa wa Jesû Kristû nîûndû wa wendi wa Ngai, tûrî na mûrû wa îthe wetû Timotheo nîtwamûkethia.

Akol 1:7

Mwathomire ûvoro wîgiî wega wa Ngai kuuma kûrî Epafara, ndungata îrîa twendete na tûrutithanagia wîra nayo. Ke ethagîrwa arî mwîvokeku rîrîa araruta wîra wa Kristû vandûrî vetû.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

Akol 4:9

Nîmaûka marî na mûrû wa îthe wetû Onesimo, ûrîa twendete na twîvokete na umîte kûu kwenyu. Nîmakûmwîra maûndû monthe marîa marekîka gûkû.

1Ath 3:13

Na njîra îo Mwathani akamûva vinya namue nîmûkethîrwa mûrî atheru na mûtarî na ûcuke mbere ya Ngai îthe wetû rîrîa Mwathani wetû Jesû agaaûka na andû ake onthe.

1Ath 3:5

Nîûndû wa ûguo rîrîa naaremirwe nî kûmîrîria makîria nînaatûmire Timotheo nîguo amenye ûvoro wîgiî wîtîkio wenyu. Nînetigagîra Ngoma ndakethîrwe nîwamûgeririe na wîra wetû wonthe wîthîrwe warî wa mana.

2Ath 2:17

Ke aromûmîrîria na amûve vinya vîndî cionthe, nîguo mwîkage na mwaragie maûndû marîa maro.