1Ath 2:19 - ÎVUKU RÎA ÛVORO MWARO

¹⁹ Mue nî mue mwîrîgîrîro wetû, gîkeno gîetû na nthûmbî îrîa tûgetîîa nayo rîrîa Mwathani wetû Jesû Kristû agaaûka.

1Ath 2:19 ပူးပေါင်းရင်းမြစ်များ

Nthi 12:4

Mûndûmûka mwaro nî nthûmbî ya mûthuuriwe, nwatî mûndûmûka ûrîa ûconorithagia mûthuuriwe nîta woru ûrî mavîndîrî ma mûthuuriwe.

Nthi 16:13

Mîario mîagîrîru nîîkenagia mûthamaki, na nî endete arîa maragia maûndû ma ma.

Nthi 17:6

Andû arîa akûrû nî makenaga rîrîa makwona ciana cia ciana ciao, wata ûrîa ciana ikenaga ikîona aciari a cio.

Nthi 4:9

Ûûgî ûgaagwîkagîra nthûmbî ng'emie kîongorî gîaku, na ûgwîkagîre ngovia îrî na riiri.”

Isaia 62:3

Nîûgaatuîka nthûmbî nthaka ya Ngai-Mûnene, na kîraûni Kîam ûthamaki Kîam Ngai waku.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Maariko 8:38

Mûndû wa wonthe ûnjonokagîra, na agaconokera ciugo ciakwa, rûciarorî rûrû rûtetîkîtie na rwîvia, Mûrû wa Mûndû wa nake nîakaamûconokera rîrîa agaaûka na riiri wa îthe marî na araika arîa atheru.”

Johana 21:22

Jesû nîwamûcokerie atîrî, “Wana ngenda ekare nginya rîrîa ngaaûka-î, îo nî thîna yaku? We ta nûmîrîra!”

1Akor 15:23

Wa mûndû nîakaariûkua kavinda gake gakinya. Kristû nîke warî wa mbere kûriûkua. Na rîrîa Kristû agaaûka, arîa mamwîtîkîtie nîmakaariûkua.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Akor 1:14

nîûndû rîu mûtaûkîrîtwe nî maûndû mamwe marîa matwîgiî. Rîrîa mûthenya wa Mwathani wetû Jesû ûgaakinya nîmûgetîîa nîûndû wetû wata ûrîa twîthagîrwa tûgîtîîa nîûndû wenyu.

Afil 2:16

rîrîa mûkûmava ndûmîrîri îgiî ûvoro wa mwoyo. Mweka ûguo, nîngaagîa na gîtûmi Kîam gwîtîîa nîûndû wenyu mûthenya wa gûka gwa Kristû. Ûndû ûcio nîûkoonania atî kîîo gîakwa wa vamwe na wîra wakwa itiarî cia mana.

Afil 4:1

Ariû na aarî a îthe wetû, nie nînîmwendete na nînîriragîria mûno kûmwona. Nîmûngenagia mûno na mûgatûma nîtîîe nîûndû wenyu. Kwoguo arata akwa nîmwagîrîrwe nî gwîkindîria mûtûûrîrerî wenyu, mûrî ndaarî ya Mwathani.

1Ath 2:20

Nîma mue nîmue riiri wetû na gîkeno gîetû.

1Ath 3:13

Na njîra îo Mwathani akamûva vinya namue nîmûkethîrwa mûrî atheru na mûtarî na ûcuke mbere ya Ngai îthe wetû rîrîa Mwathani wetû Jesû agaaûka na andû ake onthe.

1Ath 4:15

Maûndû mama tûramûthomithia nî ndûmîrîri ya Mwathani, nîûndû tue arîa tûkethîrwa tûrî mwoyo rîrîa Mwathani agaaûka, tûtikaathiî mbere ya arîa maakuire.

1Ath 5:23

Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.

2Ath 1:4

Kwoguo nîtwîtîîaga nîûndû wenyu tûrî makanitharî mengî ma Ngai. Twîtîîaga îgûrû rîgiî ûrîa mûmagîrîria na mûgetîkia wana ethîrwa nîmûranyarirwa na mûkathînua.

2Ath 1:7

amûvurûkie na atûme mûthirwe nî mathîna mue arîa mûthînagua wa vamwe natue. Ngai ageeka ûguo rîrîa Mwathani Jesû akeyumîria kuuma îgûrû arî na araika ake arîa marî ûvoti,

2Ath 2:1

Ariû na aarî a îthe wetû, ûvororî wîgiî gûka kwa Mwathani wetû Jesû Kristû na ûrîa tûgaacemania vamwe nîguo tûmûtûnge, nie nîngûmûria atî;

Tito 2:13

Nîtwagîrîrwe nîgwîkaraga ûguo wa tûgîetagîrîra mûthenya ûrîa mûrathime twîrîgîrîrîte. Mûthenya ûcio nîguo riiri wa Ngai ûrîa mûnene na mûvonokia wetû Jesû Kristû ûkoonekana.

Jakuvu 5:7

Kwoguo ariû na aarî a îthe wetû, kiragîrîriani nginya rîrîa Mwathani agaacoka. Taroriani ûrîa mûrîmi akiragîrîria etererete mûgûnda wake ûgîe na maciaro ma vata. Ke nîakiragîrîria maurîrwe nî mbura ya mbere na ya mûthiia.

Jakuvu 5:8

Wa namue nwa nginya mûkiragîrîrie. Îthagîrwani mûrî na kîîrîgîrîro nîûndû Mwathani arî vakuvî gûka.

1Pet 5:4

Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.

2Pet 1:16

Vîndî îrîa tue twamûmenyithirie ûvoro wîgiî gûka kwa Mwathani wetû Jesû Kristû arî na ûvoti mûnene, tî ng'ano cia gwîtungîra twamûganagîra. Nwatî nîtweyonere ûnene wake na metho metû.

2Pet 3:4

makiugaga atîrî, “Na kinthî ndaamwîrire nîagaaûka? Arî kû rîu? Nîûndû kuuma wa rîrîa methe metû ma tene maakwire, kwîthîrîtwe gwîkariî wa ta ûrîa gwekariî kuuma wa Kîammbîrîria gîa kûmbwa kwa nthî!”

1Joh 2:28

Na rîu twana twakwa, îkarani ndaarî yake nîguo vîndî îrîa agaaûka, tûkethîrwa tûrî na ûmîrîru, nîguo tûtikegue nthoni tûrî mbere yake mûthenya ûrîa agaaûka.

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,

Kûguû 1:7

Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!

Kûguû 22:12

Nake Jesû arauga atîrî, “Tathikîrîriani, nîmbûka warîu! Nie nîmbûka na iveo ciakwa nîguo mve wa mûndû kûringana na ûrîa ekîte.