1Ath 2:15 - ÎVUKU RÎA ÛVORO MWARO

¹⁵ arîa maaûragire Mwathani Jesû na arathi na magîtûnyarira. Matiakenia Ngai na nîmaareganaga na andû onthe.

1Ath 2:15 ပူးပေါင်းရင်းမြစ်များ

Esita 3:8

Kwoguo Hamani nîwerire mûthamaki atîrî, “Kûrî andû a mûvîrîga mûna manyagarûkîrîte vûrûrirî waku wonthe na methagîrwa makîoneka icunjîrî cionthe cia wathani waku. Andû acio marî na mawatho ngûrani na marîa marûmagîrîrwa nî mavûrûri marîa mengî na matiathîkagîra watho wa mûthamaki, kwoguo gûtirî na vata wa kûmarekereria matûûre vûrûrirî waku.

Thaburi 109:20

Ngai-Mûnene arorîva nthû ciakwa na maûndû mau, andû acio maragia maûndû macûku na njîra îtagîrîrîte!

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Amosi 7:12

Amazia nîwacokire akîîra Amosi atîrî, “We Mûrathi, uma gûkû ûthiî vûrûri wa Juda, ûrîcage irio kuo na ûrathage maûndû ûrî kuo.

Mathaayo 23:37

“Jerusalemu, Jerusalemu! We nî ûragaga arathi na ûkariva na mathiga andû arîa onthe Ngai agûtûmîra! Nî maita megana nie nanenda gûcokanîrîria andû aku vamwe, wata ûrîa ngûkû îcokanagîrîria tûciiû rungu rwa mathagu mayo nwatî ndwanambîtîkîria!

Mathaayo 27:25

Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”

Mathaayo 5:12

Kenani na mûcanjamûke, nîûndû îgai rîrîa mwigîrîtwe kûu îgûrû nî rînene. Ûguo nîguo arathi arîa maarî kuo mbere yenyu maanyaririrwe.

Luka 24:20

Nao athînjîri-Ngai etû arîa anene na atongoria nîmaramûnenganîre kûrî anene a Roma, arîa maramûtuîrîre aûragwe na ambwe mûtharavarî.

Ciîko 12:3

Na rîrîa Herode oonire atî ûndû ûcio nîwakenirie Ayahudi, nîwanyitithirie Petero wana ke. (Ûndû ûyû wekîkire vîndî ya Kîrugo Kîam Mîgate îrîa îtarî mîkîre ndawa ya kwimbia.)

Ciîko 2:23

Kûringana na mûvango wake ke mwene, Ngai nîwatuîte atî Jesû nîakanenganîrwa kûrî mue. Namue nîmwamûragire na njîra ya gwîtîkîria evia mamwambe mûtharavarî îgûrû.

Ciîko 3:15

Mue nîmwaûragire Mûvecani wa mwoyo, nwatî Ngai nîwamûriûkirie. Tue tûrî aira a ûvoro ûyû.

Ciîko 4:10

Tûrenda mue muonthe na andû onthe a Isiraeli mûmenye atî, mûndû ûyû aravonirue na rîîtwa rîa Jesû Kristû wa Nazarethi. Mue mwambire Jesû mûtharavarî îgûrû, nwatî Ngai nîwamûriûkirie. Mûndû ûyû ûronjete magûrû arûngamîte ava mbere yenyu nîûndû wa vinya wa Jesû.

Ciîko 5:30

Mue nîmwaûragire Jesû na njîra ya kûmwamba mûtharavarî îgûrû. Nwatî Ngai wa methe metû ma tene nîwamûriûkirie.

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

1Akor 10:5

Nwatî wana vuva wa ûguo eengî gatagatîrî kao matiakenia Ngai na kwoguo nîmaakuîrîre werûrî.

2Akor 11:26

Ng'endorî ciakwa nyîngî nanethîrwa nîrî na ûgwati kuuma kûrî mwîcûro wa manjî na kuuma kûrî mîkora. Nanethîrwa nîrî na ûgwati kuuma kûrî andû etû Ayahudi na kuuma kûrî andû a Ndûrîrî. Nanethîrwa nîrî na thîna matûûrarî manene, werûrî, îriarî na nanethîrwa nîrî na thîna kuuma kûrî arata maveeni.