1Ath 2:11 - ÎVUKU RÎA ÛVORO MWARO

¹¹ Nîmwîcî atî twekaga mûndû wa wonthe wata ûrîa îthe wa mûndû ekaga ciana ciake.

1Ath 2:11 ပူးပေါင်းရင်းမြစ်များ

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

Thaburi 34:11

Ûkani kûrî nie mue anake mûnthikîrîrie, nîngûmûthomithia kûgooca Ngai-Mûnene.

Nthi 1:10

Mwana wakwa, andû evia mangîkûgucîrîria meviarî, ndûgetîkîre.

Nthi 1:15

Mwana wakwa, ndûkathiîcanie nao, ndûkarûmîrîre mîthiîre yao.

Nthi 2:1

Mwana wakwa, rûmagîrîra ciugo ciakwa, na wige maûndû marîa ngwathaga ngororî.

Nthi 3:1

Mwana wakwa, ndûkariganîrwe nî kîrîra gîakwa, igaga maathani makwa ngororî yaku.

Nthi 6:1

Mwana wakwa, ûngîrûngamîrîra mûndû ûrîa mûtûûranîrîte nake agîkova kîndû, ûngîthîrwa wîranîrîte atî nîûkûrûngamîrîra mûndû ûcio agîkova kîndû;

Nthi 7:1

Mwana wakwa, nyitia kîrîra gîakwa, na wige maathani makwa ngororî yaku.

Nthi 7:24

Rîu mue ciana ciakwa, nthikîrîriani, thikîrîriani ûrîa ngûmwîra.

Ndari 27:19

Ûcoke ûmûrûngamie mbere ya Eliazaru, mûthînjîri-Ngai na mbere ya andû onthe a Isiraeli na ûmûve wathani makîonaga.

Luka 16:28

nîûndû nîrî na aa mûrwaiya atano nîguo athiî akamakanie matigeke ta ûrîa nekaga nîguo wa nao matigaûke gûkû mathînarî mama.’

Ciîko 20:2

Paûlo nîwaririe maûndû meengî ma kûmîrîria arutwa a kûndû kuonthe kûrîa ke aavîtûkîrîre akîthiî Makedonia. Nake nîwacokire akîthiî Ngiriki,

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

Gûco 3:28

Atha Joshua na ûmûmîrîrie na ûmwîkîre vinya; nîûndû nîke ûgûtongoria andû aya nginya maringe na megwatîre vûrûri ûcio ûkwona.’

Gûco 31:14

Ngai-Mûnene nîwacokire akîra Musa atîrî, “Îvinda rîaku rîa gûkua rîrî vakuvî. Îta Joshua na mûke nake îgemarî rîa Ngai-Mûnene, nîguo nîmwîre ûrîa agwîka.” Kwoguo Musa na Joshua nîmaathiîre na magîtonya îgemarî rîa gûcemanîrua.

1Ath 2:7

Wana ethîrwa nîtûngîekire ûguo na wathani wetû ta atûmwa a Kristû. Nwatî twekaranirie namue tûrî na ûvoreri wata ûrîa ng'ina wa ciana amenyagîrîra ciana ciake.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.

1Ath 5:11

Kwoguo ûmanagîrîriani na mwîkanagîre vinya wata ûrîa mûreka rîu.

1Ath 5:14

Ariû na aarî a îthe wetû, tûramûthaitha mûkanagie igûta itige ûgûta, ûmagîrîriani iguoya, tethagiani arîa matarî na vinya na mûkiragîrîrie andû onthe.

2Ath 2:5

Nie nîrî nama atî nîmûraririkana maûndû marîa naamwîrire monthe rîrîa naarî vamwe namue.

2Ath 3:12

Na rîîtwa rîa Mwathani wetû Jesû Kristû, nîtûkwatha andû acio na tûmere atî mekarage na mîtugo mîaro na marutage wîra nîguo meyonagîre kîndû gîa gwîtethia mûtûûrîrerî wao.

1Tim 5:21

Nîrî mbere ya Ngai na ya Jesû Kristû na mbere ya araika atheru, nîrakwatha ûvingagie maûndû mau nakwîra ûtagûcagûrania kana kîmenyano.

1Tim 5:7

Mathageni nîguo matikagîe na ûndû mangîcukwa naguo.

1Tim 6:13

Nîrakwatha nî mbere ya Ngai ûrîa ûvecaga indo cionthe mwoyo, na mbere ya Jesû Kristû ûrîa waumbûrire wîtîkio wake mbere ya Pontio Pilato,

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

1Tim 6:2

Ngombo itiagîrîrwe nî kûnyarara anene a cio nîûndû atî anene nî etîkia wata cio. Nwatî nîciagîrîrwe nî gûtungata athani a cio waro makîria. Nîûndû andû arîa magunîkaga kuumana na ûtungata ûcio wao, nî etîkia arîa o mendete. Nwanginya ûvunjagie na ûthomithagie maûndû mama.

Tito 2:15

Thomithagia andû maûndû mama, makanagie na ûmekagîre vinya ûgîtûmagîra wathani waku. Ndûkanareke mûndû wana ûrî kû akwire.

Tito 2:6

Na njîra ta îno, îra anake wanao menyitagie maûndûrî.

Tito 2:9

Ngombo nacio nwa nginya ciathîkagîre athani acio na îmakenagie maûndûrî monthe. Itiagîrîrwe nî gûkararania nao,

Ahib 13:22

Ariû na aarî a îthe wetû, nîngûmûria mûthikîrîrie ndûmîrîri îno ya kûmwîkîra vinya. Maarûa îno namwandîkîra tî ndaca mûno.

3Joh 1:4

Gûtirî ûndû wîngî ûngenagia tiga kwîgua atî ciana ciakwa nîitûûraga ûvororî wa ma.