1Ath 2:1 - ÎVUKU RÎA ÛVORO MWARO

¹ Ariû na Aarî a îthe wetû, mue nîmwîcî atî gûka gwetû kûrî mue gûtiarî kwa mana.

1Ath 2:1 ပူးပေါင်းရင်းမြစ်များ

Ayubu 39:16

Îverithagia twana twayo takwa tûtarî twayo, wana ethîrwa wîra wayo nî wa mana, ndîmakaga.

Thaburi 127:1

Tiga nyomba îtumirwe nî Ngai-Mûnene, arîa mamîtumaga marutaga wîra wa mana. Tiga Ngai-Mûnene amenyerere îtûûra, mûrangîri arutaga wîra wa mana.

Thaburi 73:13

Anga nî wîra wa mana kwiga ngoro yakwa îrî ntheru na ngemenyerera ndikevie?

Isaia 49:4

Nwatî nînaugire atîrî, “Ndutîte wîra wa mana! Ndûmîrîte vinya yakwa na gûtirî ûndû ng'unîkîte naguo.” Kûnarî ûguo Ngai-Mûnene nîke ûkaanduîra ciira wakwa na kîvooto; na nîke ûkaandîva wîra wakwa.

Isaia 65:23

Matikaarutaga wîra ûtarî na umithio, kana magîa na ciana cia kûnyitagwa nî mathîna; nîûndû nîngaamarathimaga o ene wa vamwe na njiarwa ciao.

Habakuku 2:13

Anga tî kuuma kûrî Ngai-Mûnene mwene vinya wonthe, wîra wao mwîngî ûragîra mwakirî, na mavûrûri menogagia mana.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

1Akor 15:2

Ûvoro ûcio nîguo ûtûmaga mûvonokue ethîrwa nîmûkûthiî na mbere kûwîtîkia. Ethîrwa tî mwîka ûguo, gwîtîkia kwenyu kwarî kwa mana.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Agal 2:2

Naathiîre kuo nîûndû Ngai nîwanguûrîrie atî nwanginya nthiî. Nînathiîre ndundu na atongoria a kanitha onga na ngîmava ûvoro mwaro ûrîa mvunjagia kûrî andû a ndûrîrî. Nekire ûguo nîguo wîra ûrîa naarutîte mbere na ûrîa ndutaga rîu ndûgatuîke wa mana.

Agal 4:11

Nîmûmakîtie mûno! Nwa gûtuîkîke atî wîra wakwa wonthe ûrîa naamûrutîre warî wa mana?

Afil 2:16

rîrîa mûkûmava ndûmîrîri îgiî ûvoro wa mwoyo. Mweka ûguo, nîngaagîa na gîtûmi Kîam gwîtîîa nîûndû wenyu mûthenya wa gûka gwa Kristû. Ûndû ûcio nîûkoonania atî kîîo gîakwa wa vamwe na wîra wakwa itiarî cia mana.

1Ath 2:13

Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.

1Ath 3:5

Nîûndû wa ûguo rîrîa naaremirwe nî kûmîrîria makîria nînaatûmire Timotheo nîguo amenye ûvoro wîgiî wîtîkio wenyu. Nînetigagîra Ngoma ndakethîrwe nîwamûgeririe na wîra wetû wonthe wîthîrwe warî wa mana.

2Ath 1:10

Ûguo gûgekîka mûthenya ûrîa Mwathani agaûka kwamûkîra riiri kuuma kûrî etîkia onthe. Mue mûkethîrwa mûrî gatagatîrî kao, nîûndû nîmwîtîkîtie ndûmîrîri îrîa twamwîrire.

2Ath 3:1

Ngîrîkîrîria ariû na aarî a îthe wetû, tûvoyagîreni nîguo ndûmîrîri ya Mwathani îtambe na îvenya na andû mamîamûkîre na gîtîîo wata ûrîa gwekîkire gatagatîrî kenyu.