1Ath 1:6 - ÎVUKU RÎA ÛVORO MWARO

⁶ Nîmwegerekanirie natue na mûkîîgerekania na Mwathani. Nwatî wana ethîrwa nîmwathînîkire mûno, nîmwamûkîre ndûmîrîri îo mûrî na gîkeno kîrîa kiumaga kûrî Roho Mûtheru.

1Ath 1:6 ပူးပေါင်းရင်းမြစ်များ

Hosea 2:14

Kwoguo ta roria, nîngûmûgucîrîria nîngûmûvira werûrî mbarie nake kavora.

Mathaayo 16:24

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Johana 8:12

Jesû nîwarîrie Afarisai rîngî akîmeera atîrî, “Nie nînie ûtheri wa nthî. Mûndû wa wonthe ûnûmagîrîra nîakûgîa na ûtheri wa mwoyo na ndakaathiîcagîrîra ndumarî.”

Ciîko 13:52

Nwatî etîkia nîmecûrirwe nî gîkeno na Roho Mûtheru.

Ciîko 5:41

Atûmwa nîmaaumire kûu Kîammarî macanjamûkîte nîûndû Ngai nîwonete marî agîrîru a kûverithua na njîra îrî na nthoni nîûndû wa Jesû.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Aroma 15:13

Nake Ngai, ûrîa arî ke kaumo ka mwîvoko wetû, aromwîcûria gîkeno na thayû nîûndû wa ûrîa mûmwîtîkie nîguo na njîra ya vinya wa Roho Mûtheru, wîtîkio wenyu ûthiî na mbere gûkûra.

1Akor 11:1

Îîgerekanagieni nanie wata ûrîa nîgerekanagia na Kristû.

1Akor 11:2

Nînîmûgathagîrîria nîûndû nîmûndirikanaga vingo cionthe na nîmûrûmagîrîra waro kîrîra kîrîa namûkinyîrie.

1Akor 4:16

Kwoguo nînîramûthaitha mwîgerekanie nanie.

2Akor 6:10

Wana ethîrwa nîtwîgwithagua kîeva, vîndî cionthe twîthagîrwa tûrî akenu. Twonekaga tûrî athîni, nwatî nîtûtûmaga andû eengî matonge. Twonekaga tûtarî na kîndû, nwatî nîma tûrî na indo cionthe.

2Akor 8:5

Meekire makîria ya ûrîa tûngîerîgîrîre! Mbere maambire makîîvecana kûrî Mwathani na magîcoka makîîvecana kûrî tue nîûndû wa wendi wa Ngai.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Aefeso 5:1

Nîûndû mûrî ciana mende cia Ngai, geragiani kûvanana nake.

Afil 3:17

Ariû na aarî a îthe wetû, îîgerekanagieni nanie. Rûmagîrîrani mîthiîre ya andû arîa marûmagîrîra maûndû marîa twamûonererie.

2Ath 1:4

Kwoguo nîtwîtîîaga nîûndû wenyu tûrî makanitharî mengî ma Ngai. Twîtîîaga îgûrû rîgiî ûrîa mûmagîrîria na mûgetîkia wana ethîrwa nîmûranyarirwa na mûkathînua.

2Ath 3:7

Nîûndû mue nîmwîcî waro atî nîmwagîrîrwe nî gwîka maûndû marîa twekaga. Tue tûtiarî igûta vîndî îrîa twekaraga namue.

2Ath 3:9

Twarî na ûvoti wa kûmûria mûtûtethie. Nwatî tûtiamûria mûtûtethie nîûndû twarutaga wîra nîguo tûtuîke kîonereria Kîam ûrîa mwagîrîrwe nî gwîka.

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

Ahib 10:34

Nîûndû nîmwanyitanîre mathîna na arîa moovetwe, na rîrîa mwacunirwe indo cienyu nîmweyûmîrîrie mûkenete nîûndû nîmwamenyaga atî mûrî na kîndû Kîamro makîria na gîa gûtûûra.

1Pet 1:6

Kenani nîûndû wa ûguo, wana ethîrwa kûrî na vata wa mûgîe na kîeva kavinda kanini nîûndû wa magerio ma mîthemba mîîngî marîa maramûthînia.

1Pet 1:8

Mue mûtianona Kristû, nwatî nîmûmwendete. Mue rîu mûtiramwona, nwatî nîmûmwîtîkîtie. Kwoguo nîmûkenaga gîkeno kînene mûno na gîtangîgweteka na ciugo,

1Pet 3:13

Nû ûngîmwîka naaî ethîrwa mûrî na kîîo gîa gwîka maûndû maro?

3Joh 1:11

Mûrata wakwa, ndûkarûmîrîre maûndû marîa macûku, nwatî rûmagîrîra maûndû marîa maro. Mûndû wa wonthe wîkaga waro nî wa Ngai, nake mûndû wa wonthe wîkaga maûndû macûku ndaanona Ngai.