1Ath 1:3 - ÎVUKU RÎA ÛVORO MWARO

³ Tûrî mbere ya Ngai Îthe wetû, nîtûririkanaga tûtagûtigithîrîria maûndû marîa mwîkîte nîûndû wa gwîtîkia na wîra ûrîa mûrutîte nîûndû wa wendani wenyu. Natue nîtûririkanaga ûrîa mûtaanatigithîria kwîrîgîrîra Mwathani wetû Jesû Kristû.

1Ath 1:3 ပူးပေါင်းရင်းမြစ်များ

Kîam 29:20

Jakovu nîwarutire wîra mîaka mûgwanja nîguo anengerwe Rakeli. Kûrî ke, mîaka îo mûgwanja yonekaga ta mîthenya mînini, nîûndû wa ûrîa eendete Rakeli.

Mûvunjia 2:26

Ngai avecanaga ûûgî, ûmenyo na gîkeno kûrî andû arîa mamûkenagia, nwatî avecaga andû arîa evia wîra wa gûcaria na kwiga vamwe nîguo avecane indo icio kûrî andû arîa mamûkenagia. Ûcio wanaguo nî wîra wa mana na nîta kûvinyûrania na rûkûngi.

Rwîmbo rwa Nyîmbo 8:7

Manjî meengî matingîûvoria, kana mwîcûro wa manjî ûûtware. Mûndû angîruta ûtonga wake agûre wendo, agîcaga na gîconoko.

Johana 14:15

“Ethîrwa nîmûmendete, mûkaathîkagîra maathani makwa.

Johana 15:10

Mwathîkîra maathani makwa mûgekaraga mûrî wendorî wakwa, wata ûrîa mbathîkîrîte maathani ma Vava na ngekara nîrî wendorî wake.

Ciîko 10:31

na akîmbîra atîrî, ‘Korinelio! Ngai nîwîguîte mavoya maku na atî we nîûvothagîra athîni.

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Aroma 12:12

Îkaragani mûkenete nîûndû mûrî na kîîrîgîrîro. Kiragîrîriani vîndî ya mathîna na mûvoyage vîndî cionthe.

Aroma 15:13

Nake Ngai, ûrîa arî ke kaumo ka mwîvoko wetû, aromwîcûria gîkeno na thayû nîûndû wa ûrîa mûmwîtîkie nîguo na njîra ya vinya wa Roho Mûtheru, wîtîkio wenyu ûthiî na mbere gûkûra.

Aroma 15:4

Maûndû monthe marîa marî mandîkorî marîa matheru maandîkirwe matûthomithie, nîguo tûvote kûgîa na kîîrîgîrîro na njîra ya gûkirîrîria na kûmîrîria.

Aroma 16:26

Na rîu, maûndû marîa mandîkîtwe nî arathi nîmatûmîte ûndû ûcio ûmenyeke. Ngai ûrîa ûtûûraga tene na tene nîwathanire atî ûvoro ûcio ûmenyithue andû onthe a nthî nîguo onthe metîkie na mathîkîre Ngai.

Aroma 16:6

Na mûkethie Mariamu, ûrîa wîthîrîtwe akîruta wîra gatagatîrî kenyu arî na kîîo mûno.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

1Akor 13:13

Kwoguo maûndû mama mathatû nîmagaatûûra na nîmo: wîtîkio, mwîrîgîrîro na wendani. Nwatî ûndû ûrîa mûnene viû gatagatîrî ka mau mathatû nî wendani.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

2Akor 2:17

Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

Agal 1:4

Kristû nîwerutire ke mwene nîûndû wa mevia metû nîguo atûkûûre kuuma maûndûrî marîa macûku ma mavinda mama. Kristû eekire ûguo kûringana na wendi wa Ngai na nîke îthe wetû.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Agal 6:9

Kwoguo tûtikanoge nî gwîka waro, nîûndû îvinda rîrîa rîagîrîru rîakinya nîtûgaaketha twarega kûrwa nî vinya.

1Ath 3:6

Nwatî rîu Timotheo nîacokete aumîte kûrî mue na nîaratûveere ndeto mbaro ciîgiî wîtîkio na wendo wenyu. Nîatwîrîte atî vingo cionthe nîmûtûririkanaga na njîra mbaro na atî nîmwendaga mûno gûtwona wata ûrîa wa natue twendaga mûno kûmwona.

2Ath 1:11

Kîu nîkîo gîtûmaga tûmûvoere vingo cionthe. Nîtûvoyaga Ngai wetû nîguo amûtue agîrîru kûringana na ûrîa amwîtîte mûtûûre. Na njîra ya vinya wake, ke aratûma mûvingie maûndû monthe maro marîa mwîriragîria na mûvingie wîra wonthe ûrîa umanîte na wîtîkio wenyu.

2Ath 1:3

Ariû na aarî a îthe wetû, nwanginya tûcokagie ngatho kûrî Ngai vîndî cionthe nîûndû wenyu. Tue nîtwagîrîrwe nî gwîka ûguo nîûndû wîtîkio wenyu nîûrakûra mûno, na wendani gatagatîrî kenyu nî ûrongerereka.

1Tim 1:14

Nake Mwathani wetû nîamonetie wega wake mwîngî na nînîmwîtîkîtie na ngamwenda nîûndû wa kûgîa na ngwatanîro na Jesû Kristû.

1Tim 2:3

Ûndû ûyû nî mwaro na nîûkenagia Ngai Mûvonokia wetû,

Ahib 10:36

Mue nîmwagîrîrwe nî gûkirîrîria nîguo mûvotage gwîka wendi wa Ngai, na nîmûkaavewa kîrîa eeranîre.

Ahib 11:17

Nîûndû wa wîtîkio Iburahimu nîwavecanire mûvîcî Isaka atuîke îgongoona vîndî îrîa Ngai aamûgeririe. Iburahimu nîke wavetwe kîîranîro nî Ngai, nwatî ke nîwevarîrîtie kûvecana mwana wake wa mûmwe atuîke îgongoona.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!

Ahib 4:11

Kwoguo nîtûgerie mûno tûtonye kîvurûkorî kîu, nîguo gûtikethîrwe kûrî mûndû wanarî ûmwe gatagatîrî getû ûkaaremwa nî gûtonya kîvurûkorî nîûndû wa ûremi ta ûcio wao.

Ahib 6:15

Iburahimu nîwekarire etererete, kwoguo nîwamûkîre kîrîa Ngai aamwîrîrîte.

1Pet 3:4

Vandû va ûguo tigani kîrîa kîrî ngororî cienyu kîmûtucage athaka. Ûthaka ûcio ûtathiraga umanaga na ngoro mvoreri na îkiragîrîria na ûrî vata mûnene mûno methorî ma Ngai.

1Joh 3:18

Ciana ciakwa wendani wetû ndûgatuîke wa kanyua tu, nwatî nîwîthagîrwe ûrî wa ciîko na ûrî wa ma.

1Joh 3:21

Kwoguo arata akwa, ethîrwa thamiri cietû itiratûtuîra tûkethagîrwa tûrî na ûmîrîru tûrî mbere ya Ngai.

1Joh 3:3

Mûndû wa wonthe wîrîgîrîrîte Kristû nîethagîrwe arî mûtheru wata ûrîa Kristû arî mûtheru.

1Joh 5:3

Nîûndû wendo wetû kûrî Ngai nî atî twathîkîre Maathani make na maathani make tî mûrigo kûrî tue.

Kûguû 2:19

Nie nîmbîcî ciîko cienyu. Nie nîmbîcî wendani wenyu, wîtîkio wenyu, ûtungatîri wenyu, na kûmîrîria kwenyu mûkirîrîrîtie. Nie nîmbîcî atî ciîko cienyu irîa mwîkaga rîu nî nyîngî gûkîra irîa mwekaga mbere.

Kûguû 3:10

Mue nîmûrûmîrîrîte kîthomo gîakwa gîa kûmîrîria mûkirîrîrîtie na kwoguo nie nîngaamûgitîra kuuma kûrî îvinda rîa mathîna rîrîa rîgaûka kûgeria andû onthe arîa matûûraga gûkû nthî.