1Akor 9:1 - ÎVUKU RÎA ÛVORO MWARO

¹ Na kinthî nie ndirî na wîyathi? Na kinthî nie ndirî mûtûmwa? Na kinthî nie ndionire Jesû Mwathani wetû? Na kinthî mue mûtirî maciaro ma wîra ûrîa Mwathani arutîte na njîra yakwa?

1Akor 9:1 ပူးပေါင်းရင်းမြစ်များ

Ciîko 13:2

Na rîrîa maagoocaga Mwathani na makîînyerekagia, Roho Mûtheru nîwamerire atîrî, “Nthurîrani Baranaba na Saûlo, nîguo makarute wîra ûrîa nie nîmetîrîte.”

Ciîko 14:14

Na rîrîa, Paûlo na Baranaba meegwire ûrîa andû meendaga gwîka, nîmaatembûrangire nguo ciao na makîvinyûra gatagatîrî ga kîrîndî makiugagîrîria atîrî,

Ciîko 14:4

Nao andû a îtûûra rîu nîmaagaûkanire. Amwe nîmeetîkanirie na Ayahudi, na acio engî magîtîkania na atûmwa.

Ciîko 23:11

Ûtukû ûcio Mwathani nîwarûngamire vakuvî na Paûlo na akîmwîra atîrî, “Ûmîrîria! Nîûndû wata ûrîa we waruta ûira ûmbîgiî kûrî andû arîa marî gûkû Jerusalemu nwa ta guo ûkaaruta ûira ûmbîgiî kûrî andû arîa marî Roma.”

Ciîko 9:15

Nwatî Mwathani nîwerire Anania atîrî, “We thiî, nîûndû nie nînthuurîte Saûlo nîguo atuîke ndungata yakwa. Ke nîke ûgûtûma rîîtwa rîakwa rîmenywe nî Andû a Ndûrîrî, athamaki na andû a Isiraeli.

Ciîko 9:17

Kwoguo Anania nîwathiîre, agîtonya mûciî kwa Judasi, akigîrîra Saûlo njara na akîmwîra atîrî, “Saûlo mûriû wa îthe wetû, nie nînatûmwa nî Mwathani Jesû ûrîa ûrakumîrîre vîndî îrîa we ûraûkîte gûkû. Ke andûma nîguo we ûvote kwona rîngî na wîcûrwe nî Roho Mûtheru.”

Ciîko 9:3

Na rîrîa Saûlo aakuvîvîrie Damesiki ûtheri nîwaumire îgûrû na ûkîmûmûrîka wa rîmwe kuuma mîena yonthe.

Ciîko 9:5

Nake nîwaûririe atîrî, “We wî û Mwathani?” Nake nîweguire mûgambo ûcio ûgîcokia atîrî, “Nie nînie Jesû ûrîa ûranyarira.”

Aroma 1:1

Kuuma kûrî nie Paûlo, ndungata ya Jesû Kristû na mûtûmwa ûrîa wîtîtwe na akamûrwa nî Ngai nîguo avunjagie ûvoro mwaro wake.

Aroma 1:5

Na njîra ya Jesû Kristû Ngai nîwatûmire ngîe na wega wake na agîtûma nduîke mûtûmwa nîguo andû a ndûrîrî cionthe metîkie na mathîke. Ndutaga wîra ûyû nîûndû wa Kristû.

Aroma 11:13

Rîu nîraria na mue andû a Ndûrîrî. Rîrîa rîonthe mbîthagîrwa nîrî mûtûmwa kûrî andû a ndûrîrî nînîrutanagîria ûtungatarî wakwa,

1Akor 1:1

Nie Paûlo, ûrîa wetirwe atuîke mûtûmwa wa Jesû Kristû na njîra ya wendi wa Ngai tûrî na Sosithene mûrû wa îthe wetû,

1Akor 10:29

Ngîaria ûvoro wîgiî thamiri, ndiraria ûvoro wîgiî thamiri cienyu, nwatî nîraria ûvoro wîgiî thamiri ya mûndû ûcio. Nwatî mue nwa mwîyûrie atîrî, “Wîyathi wa gwîka ûrîa nîngîenda nî wagîrîrwe nî gûtongorua nî thamiri ya mûndû wîngî?

1Akor 10:30

Ethîrwa nie nînjokagia ngatho kûrî Ngai nîûndû wa kîrîa ndîcaga, nîndûî gîtûmaga mbîguîrwe naaî nî mûndû?”

1Akor 11:16

Nwatî ethîrwa mûndû wana ûrîkû nîarenda gûkararia ûndû ûcio, nie ûrîa nguga nî atî, tue wana kana makanitha ma Ngai tûtiîthagîrwa tûrî na mûtugo wîngî vîndî ya kûvoya.

1Akor 3:6

Nie nînavandire mbegû, Apolo nîwetîrîrie mîmera manjî, nwatî Ngai nîke wamîvotithirie gûkûra.

1Akor 9:19

Nie ndirî ngombo ya mûndû wana ûmwe; nwatî nînîtuîte ngombo ya andû onthe nîguo ngucîrîrie andû eengî wa ûrîa nîngîvota.

2Akor 10:7

Taroria maûndû marîa marî mbere ya metho maku. Ethîrwa kûrî mûndû wicî atî nî wa Kristû, ke nîamenye atî wanatue tûrî a Kristû ta ke.

2Akor 11:5

Ndigwîciria atî atûmwa acio enyu metucaga a mwanya nî aro kûngîra.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Agal 1:1

Kuuma kûrî nie Paûlo mûtûmwa wa Jesû Kristû. Nie ndiathuurirwe nduîke mûtûmwa na njîra ya andû na ndiatûmwa nyumîte kûrî andû. Natuîkire mûtûmwa na njîra ya Jesû Kristû wa vamwe na Ngai Îthe, ûrîa wamûriûkirie.

Agal 5:1

Tue tûrî na wîyathi rîu nîûndû Kristû nîwatûrutire ûkomborî! Kwoguo îkaragani ta andû marî na wîyathi na mûtigetîkîre gûcoka ûkomborî rîngî.

1Ath 2:6

Tue tûtiacaria ûrîa tûngîkumua nîmue kana nî andû engî.

1Tim 2:7

na nîwatûmire nduîke mûtûmwa kûrî andû a ndûrîrî, nîguo mvunjie na nîmathomithie maûndû megiî wîtîkio na ûma. Ûndû ûrîa narîkia kwaria nî wa ma ndirathaana.

2Tim 1:11

Nie naathuurirwe nî Ngai nduîke mûtûmwa, mwarimû na mûvunjia wa ûvoro mwaro,