1Akor 8:4 - ÎVUKU RÎA ÛVORO MWARO

⁴ Kwoguo nie ngîcokia kîûria kîgiî irio irîa ciîthagîrwa irutîrîtwe mîvuanano nîmbuga atî: tue nîtwîcî atî mîvuanano îrûngamaga îthenyarî rîa kîndû gîtarî vo, na nîtwîcî atî Ngai nî ûmwe tu.

1Akor 8:4 ပူးပေါင်းရင်းမြစ်များ

Thaburi 86:10

We wî mûnene na nîwîkaga maûndû ma magegania; we wenga tu nîwe Ngai.

Isaia 37:16

“We Ngai-Mûnene mwene vinya wonthe, Ngai wa Isiraeli, ûrîa wîkarîrîte gîtî Kîam ûthamaki îgûrû rîa akerubi, we wenga nîwe Ngai wa mothamaki monthe ma nthî; we nîwe waûmbire îgûrû na nthî.

Isaia 37:20

Kwoguo rîu, we Ngai-Mûnene, Ngai wetû, tûvonokie kuuma kûrî Sanakeribu, nîguo mothamaki monthe ma nthî mamenye atî we wenga tu nîwe Ngai-Mûnene.”

Isaia 41:24

Mue mûtirî kîene, na wîra wenyu nîwa mana, mûndû ûrîa ûmûgoocaga arî na mûgiro.

Isaia 44:24

“Nînie Ngai-Mûnene ûrîa wagûkûûrire; nînie nakûmbire ûrî nda ya nyûkwe. Nînie Ngai-Mûnene mûmbi wa indo cionthe. Nînie natambûrûkirie îgûrû na ngîûmba nthî na vinya wakwa, gûtirî mûndû wandethirie.

Isaia 44:6

Ngai-Mûnene mwene vinya wonthe Mûthamaki na Mûkûri wa Isiraeli arauga atîrî, “Nie nînie wa mbere na nînie wa mûthiia; gûtirî ngai îngî tiga nie.

Isaia 45:14

Ngai-Mûnene arera Isiraeli atîrî, “Ûtonga wa Misiri na indo cia Ethiopia ikethîrwa irî cienyu, nao andû arîa araca na îgûrû a Seba, nîmagaaûka kûrî we na methîrwe marî aku, na makûrûmîrîre. Nîmagaaûka kûrî we movetwe na mînyororo, na makwînamîrîrie mothiû mao makiugaga atî: ‘Ngai arî vamwe nawe, na gûtirî ngai îngî tiga ke.’ ”

Isaia 45:5

“Nie nînie Ngai-Mûnene na gûtirî ngai îngî tiga nie. Nînie ngûmenyagîrîra, wana ethîrwa ndûmbîcî,

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 10:14

Mûndû nî kîrimû na ndarî ûmenyo; arîa onthe marûthaga mîvuanano ya thaavu nîmaconorithagua nîyo; nîûndû mîvuanano îo nî ya maveeni na ndîrî mwoyo.

Maariko 12:29

Nake Jesû nîwamûcokerie atîrî, “Rîathani rîrîa rîrî vata gûkîra marîa mengî monthe nî rîîrî, ‘Tathikîrîriani mue andû a Isiraeli! Mwathani Ngai wetû nîke Mwathani tu.

Ciîko 14:15

“Mue andû aya, mûreka ûguo nîkî? Tue wa natue tûrî andû tu mekariî wa tamue. Tue twaûka kûmûretere Ûvoro Mwaro na kûmwîra atî mue nîmwagîrîrwe nî gûtigana na maûndû mama matarî na vata na mûgarûrûkîre Ngai mûtûûra mwoyo. Ke nîke waûmbire îgûrû, nthî, îria, na indo cionthe irîa irî ndaarî yacio.

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

Ciîko 19:26

Rîu mue nîmûreyonera na mûkeîguîra maûndû marîa Paûlo areka. Ke augaga atî ngai cia mîvuanano irîa ithondeketwe na njara cia andû tî ngai cia ma. Ke nîarîkîtie kwîgwithia na akagarûra andû eengî arîa marî gûkû Efeso na arîa marî Asia vakuvî yonthe.

1Akor 8:1

Rîu nînîrenda kwaria ûvoro wîgiî irio irîa irutîrîtwe mîvuanano. Îni nîtîcî na ma atî tuonthe twîthagîrwa tûrî na ûmenyo. Ûmenyo ûcio wetû nîguo ûtûmaga mûndû ecûrwe nî mwîtîîo, nwatî wendani nîwîkanagîra vinya.

1Akor 8:10

Ethîrwa mue mûrî na “ûmenyo” nîmûrîcaga irio mûrî hekarûrî ya mîvuanano, kinthî mûndû ûrîa ûrî na thamiri mvûthû angîmwona mûkîrîîra irio kuo ndakarîa irio irîa irutîrîtwe mîvuanano?

1Akor 8:11

Kwoguo mûndû ûcio ûrî na wîtîkio mûnini na wakuîrîrwe nî Kristû nîacûkangagua nîûndû wa “Ûmenyi” ûcio wenyu.

Agal 4:8

Tene mûtiaicî Ngai. Kwoguo mwatwîre ûkomborî wa ngai irîa itarî cia ma.

Aefeso 4:6

Kûrî Ngai ûmwe na nîke Îthe wa andû onthe. Ke athaga andû onthe, akaruta wîra na njîra ya andû onthe na agekara ndaarî ya andû onthe.

Gûco 3:24

‘Mwathani, Ngai-Mûnene, we nîwambîrîrîtie kûmonia, nie ndungata yaku ûnene na vinya waku. Nî ngai îrîkû gûkû nthî kana kûu îgûrû îngîvota gwîka ciîko cia vinya na maûndû manene ta mama wîkîte?

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

Gûco 4:35

Mwonirue maûndû mau nîguo mûmenye atî Ngai-Mûnene nî Ngai, na gûtirî wîngî tiga Ke.

Gûco 4:39

Kwoguo menyani kuuma ûmûnthî na mwige ûndû ûyû ngororî cienyu atî, Ngai-Mûnene nî Ngai wa îgûrû na nthî, gûtirî ngai îngî.

Gûco 6:4

“Tathikîrîriani mue andû a Isiraeli! Ngai-Mûnene, Ngai wetû nî Ngai-Mûnene ûmwe tu.

1Tim 1:17

Mûthamaki ûrîa ûtûûraga tene na tene, ûrîa ûtathiraga na ûtonekaga na nwake Ngai tu, arotîîwa na agakumua tene na tene! Ameni.

1Tim 2:5

Nîûndû Ngai nî ûmwe, nake ûrîa wîgwithanagia andû na Ngai nî ûmwe na mûndû ûcio nî Jesû Kristû.

Juda 1:25

Ke nîke Ngai mûvonokia wetû. Na njîra ya Mwathani wetû Jesû Kristû, Ke arogîa na riiri, ûnene, ûthamaki na wathani, kuuma Kîammbîrîria, rîu na nginya tene na tene! Ameni.