1Akor 7:9 - ÎVUKU RÎA ÛVORO MWARO

⁹ Nwatî ethîrwa matirî na ûvoti wa kwatha mîîrî yao, nîmagîrîrwe nî kûvikania. Wana nî kava mûndû avikanîtie gûkîra kûthînua nî merirîria ma kwenda kûmenyana kîîmwîrî.

1Akor 7:9 ပူးပေါင်းရင်းမြစ်များ

Ciîko 19:36

Na nîûndû gûtirî mûndû wana ûmwe ûngîvota kuga atî ûndû ûyû tî wa ma, mue mwagîrîrwe nî kûvoorera na mûtigeeke ûndû wana ûrîkû mûtagwîciria.

1Akor 7:2

Nwatî nîûndû ûmaraa nîguo wîngîvîte, mûndûmûrûme wa wonthe nî kava ethîrîtwe arî na mûka wake ke mwene, na mûndûmûka wa wonthe ethîrwe arî na mûthuuri wake ke mwene.

1Akor 7:28

Nwatî ethîrwa mûndû nîavikanîtie, ndavîtîtie. Ethîrwa mwîrîtu nîagûtua atî nîakûvika, ndavîtîtie. Nwatî andû arîa mavikanîtie nîmagîcaga na mathîna ma gûkû nthî, na nîmo nîramûgitîra kûrî mo.

1Akor 7:36

Ethîrwa mûndû nîareciria atî ndareka ûrîa kwagîrîrîte kûrî mwîrîtu ûrîa meranîrîte atî nîmakûvikania, na ethîrwa merirîria make nî manene ma kwenda kûvikania nîmagîrîrwe nî kûvikania ûrîa ke arenda. Gwîka ûguo tî wîvia.

1Akor 7:39

Mûndûmûka ûrîa mûviku ethagîrwa ovanîtue na mûthuuriwe vîndî yonthe îrîa mûthuuriwe arî mwoyo. Nwatî mûthuuriwe angîkua, nîwîtîkîrîtue kûvikua nî mûndûmûrûme wîngî wa wonthe ûrîa angîenda, nwatî mûndû ûcio nwa nginya ethîrwe arî Mûkristiano.

1Ath 4:4

Mûndû mûrûme wa wonthe nîwagîrîrwe nî kûmenya ûrîa agîrîrwe nî gûtûûrania na mûka na njîra ya ûthingu na gîtîîo,

1Tim 5:11

Nwatî ndûkandîke aka a ndigwa arîa ethî mûtaratararî ûcio, nîûndû vîndî îrîa magîa na merirîria ma mwîrî marîa matûmaga mende kûvika, nîmatiganagîria ûvoro wa Kristû.

1Tim 5:14

Kwoguo nîrona kwagîrîrîte aka a ndigwa arîa ethî mavike, magîe na ciana na mamenyerere mîciî yao. Meka ûguo, nthû cietû itikaagîa na kamweke ga gûtûruma.