1Akor 7:5 - ÎVUKU RÎA ÛVORO MWARO

⁵ Mûtikaaimanage mîîrî yenyu, tiga nwanga mûrîkanîrîte atî nîmûgwîkara mûtakûmenyana kîîmwîrî gwa kavinda kanini nîguo mûgîcage na kavinda ga kûvoya. Nwatî vuva wa kavinda kau cokanagîrani wa rîngî nîguo Caitani ndakamûgerie nîûndû wa gûtura ûvoti wa kwatha merirîria ma mwîrî.

1Akor 7:5 ပူးပေါင်းရင်းမြစ်များ

Ntha 19:15

Musa nîwamerire atîrî, “Îîvarîrieni mbere ya mûthenya wa kathatû na andû matikamenyane kîîmwîrî.”

Ntha 21:10

Mûndûmûrûme angîvikia mûka wa kaîrî, ndagîrîrwe nî kûnyivanyivîria ûrîa wa mbere irio ciake, kana nguo, kana arege kûmenyana nake kîîmwîrî ta ûrîa eekaga mbere.

Joeli 2:16

Ûnganiani andû vamwe; varîrîriani andû nîûndû wa kîûngano kîtheru; reteni andû arîa akûrû, ûnganiani ciana vamwe, wana ciana irîa ironga. Andû arîa maravikanirie nîmaume kwao nyomba maûke.

Zakaria 7:3

na maûrie athînjîri-Ngai arîa matungataga hekarûrî ya Ngai-Mûnene mwene vinya wonthe na arathi atîrî, “Nîwaro tûthiî na mbere gûcakaya na kwînyerekia mwerirî ûyû wa gatano ta ûrîa tûtwîre twîkaga mîaka mîîngî?”

Mathaayo 17:21

Ndaimono ya mûthemba ûyû ndîngîrutûrûrîka na njîra îngî tiga na njîra ya mavoya na kwînyerekia.]”

Mathaayo 19:11

Nake Jesû nîwamacokerie atîrî, “Kîthomo gîkî gîtingîtîkîrwa nî andû onthe, tiga andû arîa tu Ngai avotithîtie gûtaûkîrwa nîkîo.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

1Akor 7:4

Mûndûmûka ndathaga mwîrî wake ke mwene, nwatî wathagwa nî mûrûme. Na njîra wata îo mûthuuri nake ndathaga mwîrî wake ke mwene, nwatî wathagwa nî mûka.

1Ath 3:5

Nîûndû wa ûguo rîrîa naaremirwe nî kûmîrîria makîria nînaatûmire Timotheo nîguo amenye ûvoro wîgiî wîtîkio wenyu. Nînetigagîra Ngoma ndakethîrwe nîwamûgeririe na wîra wetû wonthe wîthîrwe warî wa mana.