1Akor 7:4 - ÎVUKU RÎA ÛVORO MWARO

⁴ Mûndûmûka ndathaga mwîrî wake ke mwene, nwatî wathagwa nî mûrûme. Na njîra wata îo mûthuuri nake ndathaga mwîrî wake ke mwene, nwatî wathagwa nî mûka.

1Akor 7:4 ပူးပေါင်းရင်းမြစ်များ

Hosea 3:3

Nwatî nînamwîrire atîrî, “Nwa nginya ûtûûre ûrî wakwa mîthenya mîngî ûtagwîka ciîko cia ûtharia kana gûtuîka mûka wa mûndûmûrûme wîngî; na wananie nîngûtuîka mwîvokeku kûrî we.”

Mathaayo 19:9

Nie nîramwîra atî mûndûmûrûme wa wonthe ûtecaga mûka, tiga nwa amûteere nîûndû wa kûrega kwîvokeka, angîvikia mûndûmûka wîngî, mûndû ûcio ethagîrwa atharîtie.”

1Akor 7:3

Mûthuuri wa wonthe nîavingagie vata wa kûmenyana kîîmwîrî na mûka. Mûka wa wonthe nake nîavingagie vata wa kûmenyana kîîmwîrî na mûthuuri wake.

1Akor 7:5

Mûtikaaimanage mîîrî yenyu, tiga nwanga mûrîkanîrîte atî nîmûgwîkara mûtakûmenyana kîîmwîrî gwa kavinda kanini nîguo mûgîcage na kavinda ga kûvoya. Nwatî vuva wa kavinda kau cokanagîrani wa rîngî nîguo Caitani ndakamûgerie nîûndû wa gûtura ûvoti wa kwatha merirîria ma mwîrî.