1Akor 7:23 - ÎVUKU RÎA ÛVORO MWARO

²³ Mue nîmwagûrirwe na mûkîrîvîrwa thirî. Kwoguo mûtigatuîke ngombo cia andû.

1Akor 7:23 ပူးပေါင်းရင်းမြစ်များ

Alawi 25:42

Andû a Isiraeli nî ngombo ciakwa, na nînie naamarutire vûrûri wa Misiri. Matiagîrîrwe nî kwendua marî ngombo.

Mathaayo 6:24

“Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

1Akor 6:20

Mwagûrirwe na thogora wa goro. Kwoguo tûmîrani mîîrî yenyu na njîra îgûtûma Ngai agoocithue.

Agal 2:4

Andû amwe arîa meendaga Tito arue na meetucaga etîkia, nîmeetonyererie gîkundirî gîetû ta athigani. Meendaga gûtuîria ûvoro wîgiî wîyathi ûrîa wonekaga nîûndû wa kwîthîrwa tûrî kîndû kîmwe na Jesû Kristû. Andû acio meendaga tûtuîke ngombo.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.