1Akor 6:9 - ÎVUKU RÎA ÛVORO MWARO

⁹ Mue nîmwicî atî andû arîa aganu matikaagaîrwa ûthamaki wa Ngai. Mûtikeveenie; andû arîa mavûûraga ûmaraa kana mavoyaga mîvuanano kana matharagia, kana arûme arîa mamenyanaga kîîmwîrî na arûme arîa engî,

1Akor 6:9 ပူးပေါင်းရင်းမြစ်များ

Kîam 19:5

Nao nîmeetire Loti na makîmûria atîrî, “Arûme arîa maûkire gwîkara nawe ûmûnthî ûtukû marî kû? Marute na gûkû nja nîguo tûmenyane nao kîîmwîrî!”

Ntha 23:1

“Ndûkanatambie ndeto itarî cia ma, na ndûkanavecane wira wa maveeni nîguo ûtethie mûndû mwaganu.

Nthi 11:1

Ngai-Mûnene nîathûrîte andû arîa matûmagîra kîthimi Kîam maveeni, nwatî nîakenagua nî kîthimi kîrîa Kîamgîrîru.

Nthi 22:8

Mûndû ûrîa ûtarûmagîrîra kîvooto nîanyitagwa nî thîna, na kûvinyanîrîria gwake nîgûkinyaga mûthiia.

Nthi 7:27

Nyomba yake nî njîra ya kûthiî kwa arîa akuû, nî njîra ya kûthiî mbîrîrarî.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Ezek 18:11

marîa îthe atekaga nîûndû nî arîcaga irio irîa irutîtwe irî cia magongoona ma ngai cia mîvuanano irîmarî, nîacûkagia mûka wa mûndû ûrîa mariganîtie nake.

Alawi 18:20

Mûtikamenyane kîîmwîrî na mûka wa mûndû wîngî; ûndû ûcio nwa ûtûme we wîthîrwe ûtarî mûtheru.

Alawi 18:22

Gûtirî mûndûmûrûme ûkaamenyana kîîmwîrî na mûndûmûrûme ûrîa wîngî ta ûrîa amenyanaga kîîmwîrî na mûndûmûka, nîûndû ûcio nî ûndû mûcûku.

Alawi 19:15

“Tuithanagiani maciira na kîvooto; mûtikonanie kîmenyano kûrî athîni kana mwîtigagîre itonga, nwatî tucagîrani andû arîa engî ciira na kîvooto.

Alawi 20:13

Mûndûmûrûme angîkaamenyana kîîmwîrî na mûndûmûrûme wîngî, andû acio oîrî makethîrwa mekîte ûndû mûcûku, nao oîrî nîmakaaûragwa. Ikuû ciao ikaaumana na gîîko Kîamo o ene.

Zakaria 5:3

Nîwacokire akîmbîra atîrî, “Îvukuurî rîu rîa gîkûnjo nîkwandîke kîrumi kîrîa gîkaanyita vûrûri wonthe. Îvuku rîu rîa gîkûnjo, mwena ûmwe riugîte mûndû wa wonthe ûkaîa nîakaaûragwa. Naguo mwena ûcio wîngî riugîte mûndû wonthe ûkevîta na njîra ya maveeni nîakaaûragwa.

Mathaayo 19:29

Na mûndû wa wonthe ûtigîte nyomba ciake, aa mûrwang'ina, aa mwarwang'ina, îthe, ng'ina, ciana, kana mîgûnda nîûndû wakwa, nîakaavewa indo icio maita îgana na acoke agîe na mwoyo wa tene na tene.

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Luka 21:8

Jesû nîwamerire atîrî, “Îîmenyagîrîreni mûtikavîtithue. Nîûndû andû eengî nîmagaaûka makîvûthagîra rîîtwa rîakwa na makiugaga atîrî, ‘Nie nînie Kristû!’ na ‘Îvinda nîrîkinyu!’ Nwatî mue mûtikamarûmîrîre.

Ciîko 20:32

“Rîu nie nîramwiga njararî cia Ngai na ûvororî wîgiî wega wake. Wega ûcio wake nwa ûvote kûmûva vinya na wavota gûtûma mûgîe na îgai rîa irathimo irîa Ngai aigîrîte andû onthe ake atheru.

Ciîko 24:25

Nwatî vîndî îrîa Paûlo aathiîcaga na mbere kwaria ûvoro wîgiî ûthingu, ûvoti wa kwatha merirîria ma mwîrî na mavinda marîa Mûthenya wa îtuîro ûgaakinya, Feliki nîwanyitirwe nî guoya na akiuga atîrî, “We nwa ûthiî rîu. Nagîa na kanya nîngaagwîta rîngî.”

Aroma 1:18

Marakara ma Ngai nîmonekete kuuma îgûrû, nîûndû wa andû arîa matarî na ûngai na arîa mekaga maûndû macûku. Njîra ciao irîa njûku nîigiragia ûma ûmenyekane.

1Akor 15:33

Tigani kûveenua. “Nî ûndû mûcera na mûkûndû akûndûkaga wata guo.”

1Akor 15:50

Ariû na aarî a îthe wetû, ûrîa nîrenda kuga nî atî kîrîa kîthondeketwe na mwîrî na nthakame gîtingîvota kûgaa Ûthamaki wa Ngai. Kîrîa nakîo kîoraga gîtingîvota kûgaa kîrîa gîtoraga.

1Akor 3:16

Mue nîmwicî atî mûrî hekarû ya Ngai na Roho wa Ngai atûûraga ndaarî yenyu.

1Akor 5:1

Rîu kûrî na ûma atî kûrî na wîvia wa kûmenyana kîîmwîrî ûrerîkana gatagatîrî kenyu. Wîvia ûcio nî wa mûthemba mûcûku mûno wana nginya makîria ya wîvia ûrîa wîkagwa gatagatîrî ka andû arîa mataicî Ngai. Nîmbîrîtwe atî mûndû mûrûme nîaramenyana kîîmwîrî na mûka wa îthe.

1Akor 5:10

Nwatî ngiuga ûguo na ma ndiaugaga andû gûkû nthî arîa matetîkîtie arîa mavûraga ûmaraa kana akoroku kana acunani wana kana avoi mîvuanano. Mue mûngîvota kwîthema andû ta aya ethîra nwa mûvote kuuma nthî îno viû.

1Akor 5:11

Ûndû ûrîa naugaga nî atî mûtiagîrîrwe nî kûgîa ngwatanîro na mûndû wa wonthe ûrîa wîîtaga mûriû kana mwarî wa îthe wetû na ethîrwe nî mûvûûri ûmaraa, kana nî mûkoroku, kana nî mûvoi mîvuanano kana nî mûrumani, kana nî mûrîu wa njovi, wana kana nî mûcunani. Mue wana nginya mûtikaarîcanagîre na mûndû ta ûcio.

1Akor 6:10

kana maîaga kana arîa akoroku, kana mîrîu ya njovi, kana arumani wana kana acunani gûtirî mûndû wana ûmwe gatagatîrî ka acio ûkaagaîrwa ûthamaki wa Ngai.

1Akor 6:18

Ûrîrani wîvia wa kûmenyana kîîmwîrî. Wîvia wîngî wonthe ûrîa wîkagwa nî andû wîthagîrwa ûrî nja ya mwîrî, nwatî mûndû ûrîa wîvagia na njîra ya kûmenyana kîîmwîrî nîevagîria mwîrî wake ke mwene.

1Akor 6:19

Anga mue mûtiîcî atî mîîrî yenyu nî hekarû ya Roho Mûtheru ûrîa ûrî ndaarî yenyu? Mue nîmwamûkîre Roho Mûtheru kuuma kûrî Ngai. Mûtirî enyu mue ene.

1Akor 9:24

Nie nîrî na ma nîmwîcî atî avinyûri eengî marî îvenyarî makîvinyûra nî ûmwe tu gatagatîrî kao wamûkagîra kîveo. Kwoguo vinyûrani nîguo wa namue mûkaamûkîra kîveo.

2Akor 12:21

Nînîramaka atî rîrîa ngaaûka rîngî Ngai wakwa nîagaatûma njonoke nîrî mbere yenyu. Nanie nîngeguîra andû engî kîeva arîa meevirie na matirî merira maûndû macûku marîa meekire ta ûmaraa na merirîria macûku ma mwîrî.

Agal 6:7

Mûtikaveenue, Ngai ndanyûrûragua. Nîûndû mûndû agaaketha kîrîa avandaga.

Gûco 22:22

“Mûndûmûrûme angîkaanyitwa akîmenyana kîîmwîrî na mûka wa mûndû wîngî, wa oîrî nîmakaaûragwa. Ûguo nîguo mûkaathiria wîvia ûcio gatagatîrî kenyu.

Gûco 22:5

“Aka matigekagîre nguo cia arûme kana arûme mekagîre nguo cia aka. Ngai-Mûnene Ngai wenyu nîathûrîte ûndû ûcio.

Gûco 23:17

“Gûtirî Mûisiraeli, mûndûmûrûme kana mûndûmûka ûgatuîka îraa rîa ndini.

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

Ahib 12:14

Geragiani kwîthîrwa mwîgucanîte na andû onthe na mûgeragie gûtûûra ûtûûro mûtheru, nîûndû mûndû ûtarî naguo ndakoona Mwathani.

Ahib 12:16

Mûndû wana ûrîkû ndakanatuîke mûmaraa kana mûndû ûtarî na Ûngai ta Esaû. Esaû nîwendirie ûrikithathi wake irio cia îrîa rîmwe.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.

Jakuvu 1:16

Arata akwa ende, mûtikaaveenue!

1Joh 3:7

Ciana ciakwa mûtikanetîkîre kûevenua nî mûndû wana ûrîkû. Mûndû wa wonthe wîkaga maûndû ma ûthingu nî mûthingu wata ûrîa Kristû arî mûthingu.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.

Atir 19:22

Vîndî wa îo maakenaga, wa rîmwe gîkundi Kîam andû marî na mîtugo mîcûku maumîte îtûûrarî nîmaathiûrûrûkîrie nyomba îo na makîambîrîria kûrumia mûrango makîraga mûthuuri ûcio atîrî, “Ruta mûndû ûcio mûkire nake na gûkû nja! Tûrenda kûmenyana nake kîîmwîrî na vinya!”