1Akor 5:9 - ÎVUKU RÎA ÛVORO MWARO

⁹ Maarûarî îrîa namwandîkîre, nie nînaamwîrire mûtikagîcage na ngwatanîro na andû arîa mavûraga ûmaraa.

1Akor 5:9 ပူးပေါင်းရင်းမြစ်များ

Nthi 9:6

Tiganani na andû arîa matarî na ûûgî, na nî mûgûtûûra mwoyo. Tiga ûmenyo ûkwonie mîthiîre mîaro.”

1Akor 5:10

Nwatî ngiuga ûguo na ma ndiaugaga andû gûkû nthî arîa matetîkîtie arîa mavûraga ûmaraa kana akoroku kana acunani wana kana avoi mîvuanano. Mue mûngîvota kwîthema andû ta aya ethîra nwa mûvote kuuma nthî îno viû.

1Akor 5:2

Na mue nîmwîtîîaga! Vandû va gwîtîîa mwagîrîrwe nî gwîcûrwa nî kîeva na mwîngate mûndû ûcio wîkîte gîîko kîu aume gatagatîrî kenyu.

1Akor 5:7

Kwoguo îrireni mevia menyu marîa mekariî ta ndawa îno ngûrû ya kwimbia nîguo mûtuîke andû acerû viû wata mûtu ûrîa ûkandîtwe ûtarî mwîkîre ndawa ya kwimbia. Na nîmbicî atî ûguo nîguo mwîkariî, nîûndû Kristû nîwarutirwe arî Gatûrûme ga kîgongoona îrugarî rîetû rîa pasaka.

2Akor 6:14

Mûtikanagerie kûrutithania wîra vamwe na arîa matetîkîtie ta mûrî ûndû ûmwe nao. Kûngîvoteka atîa waro na ûcûku igîe na ngwatanîro? Kûngîvoteka atîa ûtheri na nduma itûûre vamwe?

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

Aefeso 5:11

Tigagani kûgwatanîra na andû arîa mekaga maûndû marîa matarî vata na mekagîrwa ndumarî. Vandû va ûguo, tigagani maûndû mau mamenyekanage nî andû.

2Ath 3:14

Ethîrwa kûrî mûndû ûkaarega kwathîkîra ûrîa tûmwîrîte maarûarî îno, menyani mûndû ûcio na mûtikathiîcanie nake nîguo aconoke.

2Ath 3:6

Ariû na aarî a îthe wetû, tûramwatha na rîîtwa rîa Mwathani wetû Jesû Kristû atî mûtikathiîcanagie na ariû na aarî a îthe wetû arîa igûta na matarûmagîrîra maûndû marîa twamûthomithirie.