1Akor 5:5 - ÎVUKU RÎA ÛVORO MWARO

⁵ nîmwagîrîrwe nî kûnenganagîra mûndû ta ûcio kûrî Caitani nîguo mwîrî wake ûcûkangue, naguo roho wake nîûkaavonokua mûthenya ûcio wa Mwathani.

1Akor 5:5 ပူးပေါင်းရင်းမြစ်များ

Ayubu 2:6

Kwoguo Ngai-Mûnene nîwerire Caitani atîrî, “Taroria Ayubu arî njararî ciaku, nwa ûmwîke ûrîa wonthe ûkwenda nwatî ndûkamûrage.”

Thaburi 109:6

Thuura mûcirithania mwaganu wa gûcirithia nthû yakwa, tiga mûmûthitangi amûvire îgootirî.

Nthi 23:14

Ûngîmûriva na kîthanju, nîûkaamûvonokia ndakathiî kwa arîa akuû.

Alawi 13:21

Nwatî mûthînjîri-Ngai angîroria îvûva rîu na one atî njuîrî ciarîo tî njerû na vethîrwe vatarî varikîru ngothirî na vatarî varendu, mûthînjîri-Ngai nîakaamûrania mûndû ûcio na andû acio engî îvinda rîa mîthenya mûgwanja.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Luka 22:31

Jesû nîwacokire akiuga atîrî, “Simoni, Simoni! Tathikîrîria! Caitani nîmûve rûtha rwa kûmûgeria muonthe na acagûranie andû arîa aro kuuma kûrî arîa acûku, wata ûrîa mûrîmi acagûranagia ngano kuuma kûrî macaki.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

1Akor 1:8

Nîakûmwiga amûmenyererete nginya mûthiia nîguo mûtikethîrwe mûrî na ûcuke mûthenya ûcio wa Mwathani wetû Jesû Kristû.

1Akor 11:32

Nwatî rîrîa Mwathani atûtuîra, nîatûverithagia nîguo mûthiiarî tûtigatuîrwe vamwe na nthî.

1Akor 5:13

Nîûndû mandîko matheru maugîte atîrî, “Îngatani andû arîa mekaga naaî maume gatagatîrî kenyu.”

2Akor 10:6

Na nîtûkaaverithia ûndû wa wonthe ûtathîkaga mue mwarîkia kwonania wathîki wenyu viû.

2Akor 12:7

Nwatî nîguo ndigetîîe mûno nîûndû wa maûndû mengî ma magegania marîa noonirue, nie nînaverwe mwîgua ûrî na ûrûrû mûno mwîrîrî wakwa. Naguo mwîgua ûcio ûrutaga wîra ta mûnjaama wa Caitani nîguo ûnthînagie na ûngiragie gwîtîîa mûno.

2Akor 13:10

Nîramwandîkîra ûguo nîrî kûraca namue, nîguo vîndî îrîa ngaaûka ndikamûvinyîrîrie ngîvûthîra vinya ûrîa mvetwe nî Mwathani. Mvetwe vinya ûcio nîguo mvote kûmûtethia nwatî tî kûmûcûkia.

Afil 1:6

Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

1Tim 1:20

Gatagatîrî ka andû acio, varî na Hîmenayo na Alekisanda. Aya nîo mverithîtie na njîra ya kûmanenganîra kûrî Caitani nîguo mathome atî matiagîrîrwe nî kûruma Ngai.

2Tim 1:18

Nie nîravoya Mwathani akeeguîra Onesiforo ntha mûthenya wa Mûthiia. Nîûndû we wanawe nîwîcî waro ûrîa aandethirie vîndî îrîa naarî Efeso.

2Pet 3:12

wa mûgîetagîrîra na mûkîîriragîria mûno Mûthenya wa Ngai ûkinye. Vîndî îrîa Mûthenya ûcio ûgaaûka, îgûrû nîrîkaavîvua na mwaki rîthire, nacio ciûmbe cionthe irîa irî îgûrû ivîe nî mwaki irarûke.

1Joh 5:16

Ûngîona mûndû agîka rîvia rîrîa rîtangîtûma mûndû aûragwe mûvoere, na Ngai nîakaava mûndû ûcio mwoyo. Ûndû ûyû wîkîkaga kûrî andû arîa mekîte wîvia ûtangîtûma makue. Nwatî kûrî na wîvia ûtûmaga mûndû akue. Ndirauga atî mûndû nwa avoe nîûndû wa rîvia rîu.