1Akor 3:1 - ÎVUKU RÎA ÛVORO MWARO

¹ Ariû na aarî a îthe wetû, nie ndingîavotire kûmwarîria ta ûrîa mbaragîria andû arîa marî na Roho. Vandû va ûguo namwarîrie ta mûrî andû a nthî wata ûrîa nîngîarîria andû arîa methagîrwa mekariî ta tûkenge wîtîkiorî wa Kristû.

1Akor 3:1 ပူးပေါင်းရင်းမြစ်များ

Mathaayo 16:23

Jesû nîwavûgûkire akîroria Petero na akîmwîra atîrî, “Uma vakuvî na nie, Caitani! We wî mûvînga kûrî nie, nîûndû meciria maku matiumîte kûrî Ngai maumîte kûrî andû.”

Aroma 7:14

Nîtwîcî atî watho uumaga kûrî Ngai, nwatî nie nîrî mûndû wî na mwîrî na wendetue agatuîka ngombo ya mevia.

1Akor 14:20

Ariû na aarî a îthe wetû, tigani gwîciiragia ta ciana. Maûndûrî marîa macûku tuîkani ta twana twa tûkenge, nwatî meciriarî menyu tuîkani ta andû agima.

1Akor 14:37

Mûndû wa wonthe wîciragia atî ke nî mûrathi, kana atî ke arî na kîveo gîa kîîroho, nîwagîrîrwe nî kûmenya atî nie nîramwandîkîra maûndû marîa mbathîtwe nî Mwathani.

1Akor 2:6

Kûnarî ûguo kûrî arîa marî na ûgima wa kîîroho, mbaragia maûndû ma ûûgî. Nwatî tî ûûgî ûrîa umîte gûkû nthî kana kûrî anene a gûkû nthî arîa marathira.

Agal 6:1

Ariû na aarî a îthe wetû, mûndû ûmwe wa gîkundi kîenyu angîka ûndû mûcûku, mue arîa matongoragua nî Roho nîmwagîrîrwe nîkûmûrûnga na njîra ya thayû. Îîmenyagîrîreni mue ene nîguo mûtikagwe mageriorî.

Ahib 5:13

Mûndû wa wonthe ûtûûragua nî îriia nî kaana na ndangîtaûkîrwa nî maûndû maro kana macûku.

1Joh 2:12

Nîramwandîkîra mue ciana ciakwa, nîûndû mûrî overe mevia menyu nîûndû wa ûrîa Kristû eekire.