1Akor 2:3 - ÎVUKU RÎA ÛVORO MWARO

³ Kwoguo rîrîa naûkire kûrî mue, ndiarî na vinya na nînatetemaga nîûndû wa guoya.

1Akor 2:3 ပူးပေါင်းရင်းမြစ်များ

Isaia 19:16

Mûthenya ûcio andû a Misiri nîmakegua guoya ta aka, mainaine nî guoya rîrîa makoona Ngai-Mûnene mwene vinya wonthe aûkîrîrîtie njara yake nîguo amaverithie.

Ciîko 17:1

Nao Paûlo na Sailasi nîmaavîtîkîrîre Amufipolisi na Apolonia na magîkinya Thesalonike kûrîa kwarî na îvoero rîa Ayahudi.

Ciîko 18:1

Na vuva wa ûguo, Paûlo nîwaumire Athene na akîthiî Korinitho.

Ciîko 18:12

Na vîndî îrîa Galio aatwirwe mwarîrîria wa Akaia, Ayahudi marî vamwe nîmaanyitire Paûlo, makîmûvira Kîammarî,

Ciîko 18:6

Nao nîmaamûkararirie na makîmûruma. Kwoguo nîwarivarivire rûkûngû kuuma nguorî ciake na akîmeera atîrî, “Mwona mwarega kûvonoka, nî venyu! Nie ndirî vo! Kuuma rîu nie nîngûthiî kûrî andû a ndûrîrî.”

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

2Akor 10:10

Nîûndû amwe maugaga atî, “Maarûa cia Paûlo nî ndito na irî na vinya, nwatî rîrîa arî vamwe natue kîîmwîrî, ndarî vinya na ciugo ciake nî cia mana!”

2Akor 13:4

Nîûndû wana ethîrwa aambirwe mûtharavarî nîûndû wa ûvûthû wa ûmûndû, ke nîatûûraga mwoyo nîûndû wa ûvoti wa Ngai. Tûrî ûrûmwe na Kristû wa natue tûrî avûthû, nwatî tue wa vamwe namue tûgatûûra mwoyo na Kristû nîûndû wa ûvoti wa Ngai.

2Akor 13:9

Tue nîtûkenaga rîrîa tûtarî na vinya namue mûrî na vinya. Kwoguo ûrîa tûvoyaga nî atî mûtuîke agîrîru.

2Akor 4:1

Tûrî na ûtungata ûyû tûvetwe nî Ngai nîûndû wa ntha ciake, kwoguo tûtingîûrwa nî thayû.

2Akor 4:16

Nîûndû wa gîtûmi gîkî tûtikucaga ngoro. Wana ethîrwa mwîrî ûyû wonekaga nî ûthiîcaga wa ûkîoraga, ûtûûro wetû wa kîîroho nî ûcerûvagua wa mûthenya wa mûthenya.

2Akor 6:4

Vandû va ûguo, maûndûrî monthe marîa twîkaga twonanagia atî tûrî ndungata cia Ngai na njîra ya gûkirîrîria tûmîrîrîtie mathîna, morito na kûthînîka kwîngî.

2Akor 7:15

Nîûndû wa ûguo wendo wake kûrî mue nîûthiîte ûkîgîcaga vinya makîria aririkana ûrîa mue muonthe mwevarîrîtie kwathîkîra kîrîra gîake. Wana nîmwamûnyitire ûgeni mûrî na gîtîîo kînene.

2Akor 7:5

Vîndî îrîa twakinyire Makedonia, tûtianogoka. Kwarî na mathîna kûndû kuonthe, ngarari na andû arîa engî na tûkîgua guoya ngororî cietû.

Aefeso 6:5

Mue ngombo, athîkagîrani athani enyu mûrî na guoya na mûkinainaga. Îkagani ûguo mûrî na ngoro îmwe takwa mûrathîkîra Kristû.