1Akor 2:12 - ÎVUKU RÎA ÛVORO MWARO

¹² Tue tûtiamûkîra roho wa gûkû nthî, nwatî twamûkîre Roho ûrîa umîte kûrî Ngai nîguo tûvotage kûmenya iveo cionthe irîa Ngai atûvete.

1Akor 2:12 ပူးပေါင်းရင်းမြစ်များ

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

1Akor 1:27

Nwatî Ngai nîwathuurire maûndû marîa andû matucaga nî ma ûrimû nîguo aconorithie arîa aûgî, na nîwathuurire arîa matucagwa nî andû atî matirî vinya nîguo aconorithie arîa methagîrwa marî na vinya.

1Akor 2:6

Kûnarî ûguo kûrî arîa marî na ûgima wa kîîroho, mbaragia maûndû ma ûûgî. Nwatî tî ûûgî ûrîa umîte gûkû nthî kana kûrî anene a gûkû nthî arîa marathira.

1Akor 3:22

Paûlo, Apolo, na Petero wana nthî îno, mwoyo, gîkuû, maûndû marîa marî kuo rîu na marîa magaaûka, mau monthe nî menyu.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

Jakuvu 4:5

Mûtigecirie atî gûtirî na ûma mandîkorî matheru marîa maugîte atîrî, “Ngai nîwîriragîria arî na wîru mwîngî Roho ûrîa eekîrire ndaarî yetû.”

1Joh 2:20

Nwatî mue mûrî etîrîrie Roho Mûtheru nî Kristû, kwoguo mue muonthe nîmûmenyete ûma.

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 22:6

Nake mûraika nîwacokire akîmbîra atîrî, “Ciugo icio cionthe nîciakwîvokeka na cia ma. Mwathani Ngai, Ûrîa ûvecaga arathi Roho wake, nîwatûmire mûraika wake kûrî ndungata ciake nîguo acionie maûndû marîa arî nwanginya mekîke narua.”