1Akor 15:34 - ÎVUKU RÎA ÛVORO MWARO

³⁴ Ambîrîriani gûtûmîra meciria menyu na njîra îrîa yagîrîrîte, na mûtige kwîvagia. Amwe gatagatîrî kenyu matiîcî Ngai. Nîrauga ûguo nîguo mûconoke.

1Akor 15:34 ပူးပေါင်းရင်းမြစ်များ

1Akor 6:5

Nie nîrauga ûguo nîguo nîmûconore. Na ma nwa kûvoteke atî gûtirî na mûndû mûûgî wana ûmwe gatagatîrî kenyu ûngîvota kwîgwithania Akristiano mavîtanîtie?

Aroma 13:11

Nwanginya mwîke maûndû mama nîûndû nîmwîcî atî mavinda menyu ma kûramûka muume tororî nî makinyu. Nîûndû îvinda rîetû rîa kûvonoka rîrî vakuvî mûno gûkîra vîndî ya mbere rîrîa twetîkirie.

Joeli 1:5

Ûkîrani mue mîrîu na mûrîre: ugîrîriani, mue muonthe anyui a ndivei, thavibu cionthe cia kûrûtha ndivei îno njerû nînjûkangie.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

1Akor 8:7

Nwatî tî andû onthe maicî ûvoro ûcio. Andû amwe nîmamenyerete mîvuanano mûno, na rîrîa makûrîa irio, monaga irio icio ta arî wa irio irîa irutîrîtwe mîvuanano. Na nîûndû thamiri ciao nî mvûthû vîndî îrîa marîa irio icio, nîmegucaga marî na ûcuke.

Aroma 1:28

Nîûndû andû acio nîmaaregire kûmenya Ngai, ke nîwamarekererie magîe na meciria macûku na mekage maûndû marîa matagîrîrîte.

Johana 8:11

Nake mûndûmûka ûcio nîwamûcokerie atîrî, “Mwathani, gûtirî mûndû wanduîra.” Jesû nîwamwîrire atîrî, “Wa nanie ndigûgûtuîra. Thiî na ndûgacoke kwîvia rîngî.”]

Johana 5:14

Vuva wa ûguo, Jesû nîwethîrîrie mûndû ûcio hekarûrî na akîmwîra atîrî, “Nîwona, rîu we nîwavona. Tiga kwîvagia nîguo ndûkone ûndû wîngî mûcûku makîria ya ûyû.”

Jona 1:6

Mûtwarithia wa meri nîwathiîre kûrî ke na akîmûria atîrî, “Ûngîvota kûmama ûguo atîa? Ûkîra ûvoye ngai waku! Ngai waku avota gûkwîguîra ntha na agatûvonokia tûtigakue.”

1Ath 4:5

na ndagîrîrwe nî kwîthîrwa na merirîria macûku ta andû arîa matecî Ngai.

Thaburi 119:11

Nîmbigîte kiugo gîaku ngororî yakwa, nîguo ndigakwîvîrie.

Thaburi 4:4

Ndûgatûme marakara maku matûme wîvie; îîcirie mûno îgûrû rîgiî ciugo ino, rîrîa ûmamîte ûrîrî gwaku ûkirîte.

Jeremia 9:3

Makonjaga nîmî ciao ta ûta, magîte na vinya nîûndû tî evokeku. Vûrûri ûgîte na vinya nîûndû wa maveeni nwatî tî wîvokeku, na matimbicî nie Ngai-Mûnene.

Mathaayo 22:29

Nake Jesû nîwamacokerie atîrî, “Na kaî mûrî avîtiu-î! Na gîtûmi nî atî mûtiîcî mandîko matheru kana vinya wa Ngai.

Ciîko 26:8

Mue muonthe mûrî ava mûrona arî vinya gwîtîkia nîkî atî Ngai nî ariûkagia arîa akuû?

1Akor 4:14

Ndirandîka maûndû mama nîguo nîmûconorithie. Nwatî nîramandîka nîguo nîmûtaare takwa mûrî ciana ciakwa irîa mendete.