1Akor 15:3 - ÎVUKU RÎA ÛVORO MWARO

³ Ûvoro wa mbere na wa vata mûno ûrîa namûkinyîrie na ûrîa wa nanie naamûkîre nî atî: Kristû nîwakwire nîûndû wa mevia metû, wata ûrîa kwandîkîtwe Mandîkorî Matheru.

1Akor 15:3 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Ezek 3:17

“Mûndû nînagûtua mûrangîri wa andû a Isiraeli. Kwoguo thikîrîria ûrîa ngûkwîra na ûthiî ûgakaanie andû a Isiraeli vandûrî vakwa.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Mathaayo 26:24

Mûrû wa Mûndû nîagûkua wata ûrîa Mandîko Matheru maugîte. Nwatî kaî mûndû ûrîa ûgûcukanîrîra Mûrû wa Mûndû nîakûgîa na thîna-î! Nî kava mûndû ûcio atangîaciarirwe!”

Mathaayo 26:28

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

Luka 24:25

Nake Jesû nîwacokirie atîrî, “Mue irimû ino mûtaviûvaga gwîtîkia na ngoro cienyu maûndû monthe marîa maarirue nî arathi!

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Ciîko 17:2

Nake Paûlo nîwathiîre îvoerorî wata ûrîa aamenyerete gwîka. Na kwa îvinda rîa ciumia ithatû, nîwaranîrie na Ayahudi ûvoro wîgiî mandîko matheru.

Ciîko 3:18

Nwatî ûguo nîguo Ngai aavingirie ûrîa ke aarîtie na njîra ya tûnyua twa arathi ake onthe, atî nwa nginya Mesaya wake anyarirwe.

Ciîko 8:32

Nakîo gîcunjî Kîam mandîko matheru kîrîa mûndû ûcio aathomaga Kîamrî gîkî: Ke eekariî ta ng'ondu îthiîte kûthînjwa; na aakirire wata ûrîa ng'ondu îkiraga vîndî îrîa guoya wayo ûrenjwa. Ke ndaatumûra kanyua gake.

Aroma 3:25

Ngai aavecanire Jesû nîguo na njîra ya gîkuû gîake andû moverwe mevia mao nîûndû wa wîtîkio wao. Ngai ekire ûguo nîguo onanie ûrîa arî mûthingu. Mbererî îo Ngai aatûîre akiragîrîria andû mevia mao.

Aroma 4:25

Ke nî waûragirwe nîûndû wa mevia metû na agîcoka akîriûka nîguo tûtuîke athingu.

1Akor 11:2

Nînîmûgathagîrîria nîûndû nîmûndirikanaga vingo cionthe na nîmûrûmagîrîra waro kîrîra kîrîa namûkinyîrie.

1Akor 11:23

Kîrîra kîrîa namûveere nakîamûkîre kuuma kûrî Mwathani; atî Mwathani Jesû, ûtukû ûrîa aacukanîrîrwe nîwocire mûgate,

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Agal 1:12

Ûvoro ûcio ndiawamûkîra kuuma kûrî mûndû kana ngîthomithua nî mûndû. Jesû Kristû ke mwene nîke wanguûrîrie ûvoro ûcio.

Agal 1:4

Kristû nîwerutire ke mwene nîûndû wa mevia metû nîguo atûkûûre kuuma maûndûrî marîa macûku ma mavinda mama. Kristû eekire ûguo kûringana na wendi wa Ngai na nîke îthe wetû.

Agal 3:13

Nwatî Kristû nîwatuîkire kîrumi nîûndû wetû nîguo atûkûûre kuuma kûrî kîrumi kîrîa kîretagwa nî watho. Nîûndû Mandîko matheru maugîte atîrî “Mûndû wa wonthe mwambe mûtharavarî nî mûrume nî Ngai.”

Aefeso 1:7

Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Ahib 5:1

Mûthînjîri-Ngai mûnene wa wonthe athuuragwa kuuma kûrî andû na akavewa wîra wa gûtungatîra Ngai vandûrî va andû. Ke nîarutaga iveo na magongoona ma mevia.

Ahib 5:3

Nîûndû ke mwene ethagîrwa atarî na vinya, nwanginya arute îgongoona nîûndû wa mevia make, wata ûrîa arutaga îgongoona nîûndû wa mevia ma andû.

1Pet 1:11

Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Joh 2:2

Kristû ke mwene nîke ûtûmaga twoverwe mevia metû, na twa mevie metû tu, nwatî nî wana mevia ma andû onthe.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake