1Akor 14:3 - ÎVUKU RÎA ÛVORO MWARO

³ Nwatî arîa managîrîra ndûmîrîri ya Ngai kûrî andû methagîrwa makîarîria andû acio makîmekîra vinya, makîmaûmîrîria na makîmavoreria.

1Akor 14:3 ပူးပေါင်းရင်းမြစ်များ

Luka 3:18

Johana nîwavunjîrie andû Ûvoro Mwaro agîtûmagîra njîra nyîngî akîmeeraga marûngarie mîthiîre yao.

Ciîko 13:15

Na rîrîa icunjî kuuma Wathorî wa Musa na mandîkorî ma arathi ciarîkirie kûthomwa, atongoria a îvoero nîmaatûmanire Paûlo na Baranaba meerwe atîrî, “Ariû a îthe wetû, ethîrwa mue mûrî na ciugo mûngîûmîrîria andû aya nacio, maarîrieni.”

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Ciîko 15:32

Nao Judasi na Sailasi, arîa maarî arathi, nîmaaririe maûndû meengî ma kûmîrîria etîkia na kûmekîra vinya.

Ciîko 4:36

Kwarî na mûndû ûmwe Mûlawi waciarîrîtwe îtûûrarî rîa Kuporo. Mûndû ûcio eetagwa Josefu. Atûmwa maamûtuîrîrîte rîîtwa Baranaba (naguo nî kuga “Ke ûrîa ûmanagîrîria.”)

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Aroma 12:8

Ûrîa ûrî na kîveo gîa kûûmanîrîria, nwanginya aûmanagîrîrie. Ûrîa ûrî na kîveo gîa kûvecana indo ciake, nî avecanage na ûtaana. Mûndû ûrîa ûrî na kîveo gîa ûtongoria nî atongoragie na kîîo. Mûndû ûrîa ûrî na kîveo gîa kwîgucanîra ntha nîegucanagîre ntha akenete.

Aroma 14:19

Kwoguo nîtûcaragie maûndû marîa maretaga thayû na marîa mangîtûtethia kwonganagîrîra vinya.

Aroma 15:2

Wa mûndû nîwagîrîrwe nî gûkenia mûndû ûrîa mariganîtie nake nîguo wîtîkio wa mûndû ûcio ûgîe na vinya.

1Akor 10:23

“Tue nîtwîtîkîrîtue gwîka maûndû monthe,” ûguo nîguo o maugaga. Nwatî tî maûndû monthe maro. “Tue nîtwîtîkîrîtue gwîka maûndû monthe,” nwatî tî maûndû monthe matethagia andû arîa metîkîtie kûgîa na vinya.

1Akor 14:12

Ûguo nwa guo mwîkariî. Ethîrwa nîmwîriragîria mûno kûgîa na iveo irîa Roho avecanaga, nwa nginya mûgeragie mûno makîria ûrîa mûngîvota gûtûmîra iveo irîa ciîkîraga kanitha vinya.

1Akor 14:17

Wana ethîrwa nîmûcokagia ngatho kûrî Ngai na njîra mbaro, nwatî mûndû ûrîa mûrî nake ndethagîrwa akîgunîka wana vanini.

1Akor 14:26

Kwoguo ariû na aarî a îthe wetû, vîndî îrîa mûcemanîtie vamwe nîûndû wa kûgooca, mûndû ûmwe nîethagîrwe arî na rwîmbo, wîngî ethagîrwe arî na kîthomo, wîngî ethagîrwe arî na ûguûrio kuuma kûrî Ngai, wîngî ethagîrwe akîaria na nthiomi na wîngî ethagîrwe nîaravota gûtaûra ûrîa nthiomi icio ciugîte. Mworoto wa maûndû mama monthe wagîrîrwe nî kwîthîrwa ûrî wa gwîkîra kanitha vinya.

1Akor 14:31

Muonthe nwa mûvote kwanîrîra ndûmîrîri ya Ngai, wa mûndû vuva ya ûrîa wîngî. Na njîra îo andû onthe nîmakaathoma na maûmîrîrue.

1Akor 8:1

Rîu nînîrenda kwaria ûvoro wîgiî irio irîa irutîrîtwe mîvuanano. Îni nîtîcî na ma atî tuonthe twîthagîrwa tûrî na ûmenyo. Ûmenyo ûcio wetû nîguo ûtûmaga mûndû ecûrwe nî mwîtîîo, nwatî wendani nîwîkanagîra vinya.

2Akor 1:4

Ke nîatûmagîrîria mathînarî metû monthe nîguo tûvotage kûmîrîria arîa engî marî na mathîna ma mîthemba yonthe, tûgîtûmagîra ûmîrîru wata ûrîa tue ene tûgwatîte kuuma kûrî Ngai.

2Akor 2:7

Nwatî rîu nîmwagîrîrîtwe nî kûmwovera na kûmûmîrîria nîguo ndakathiî mbere kûgîa na kîeva kîrîa kîngîtûma ata mwîvoko.

Aefeso 4:29

Tigagani kwaragia mîario îno mîcûku, nwatî aragiani mîario îrîa mîaro îrî na umithio kûrî andû na ya kûmatethia na kîrîa mavatarîte. Nao andû arîa makegucaga mûkîaria magekagwa waro nî mîario îo.

Aefeso 6:22

Kîu nîkîo kîratûma nîmûtûme kûrî mue nîguo amwîre ûrîa tuonthe twîkariî na amûûmîrîrie.

Akol 4:8

Kîu nîkîo gîatûma nîmûtûme kûrî mue, nîguo amwîre maûndû marîa tûrona na amûûmîrîrie.

1Ath 2:11

Nîmwîcî atî twekaga mûndû wa wonthe wata ûrîa îthe wa mûndû ekaga ciana ciake.

1Ath 2:3

Kûmûthaitha gwetû gûtiumanîte na mavîtia, ngoro njûku kana wara.

1Ath 3:2

na tûtûme kûrî mue mûrû wa îthe wetû Timotheo ndungata ya Ngai îrîa tûrutithanagia wîra ûyû wa kûvunjia ûvoro mwaro wîgiî Kristû nayo. Twamûtûmire nîguo amwîkîre vinya na amûûmîrîrie wîtîkiorî wenyu,

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

1Ath 4:18

Kwoguo ûmanagîrîriani na ciugo ino.

2Ath 3:12

Na rîîtwa rîa Mwathani wetû Jesû Kristû, nîtûkwatha andû acio na tûmere atî mekarage na mîtugo mîaro na marutage wîra nîguo meyonagîre kîndû gîa gwîtethia mûtûûrîrerî wao.

1Tim 1:4

Wana nîmerwe matige kûgana ng'ano itarî na vata na kûvecana mûtaratara mûraca wa methe ma tene. Maûndû mama nîmo maretage ngarari na matitungataga mûvango wa Ngai ûrîa ûmenyekaga na njîra ya wîtîkio.

1Tim 4:13

Thiî na mbere kûthomera andû mandîko matheru, kûmaûmîrîria na kûmathomithia nginya rîrîa ngaacoka.

1Tim 6:2

Ngombo itiagîrîrwe nî kûnyarara anene a cio nîûndû atî anene nî etîkia wata cio. Nwatî nîciagîrîrwe nî gûtungata athani a cio waro makîria. Nîûndû andû arîa magunîkaga kuumana na ûtungata ûcio wao, nî etîkia arîa o mendete. Nwanginya ûvunjagie na ûthomithagie maûndû mama.

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

Tito 1:9

Agîrîrwe nî kwîthîrwa arî mûndû mwîkindîriu ûvororî ûrîa ûngîîvokwa, na wîtîkanîtie na ûvoro wama ûrîa tûthomithagia. Kwoguo, akaavotaga kûmîrîria andû arîa engî na ûvoro wa ma na akavotaga kwonania mavîtia ma andû arîa maûregaga.

Tito 2:15

Thomithagia andû maûndû mama, makanagie na ûmekagîre vinya ûgîtûmagîra wathani waku. Ndûkanareke mûndû wana ûrî kû akwire.

Tito 2:6

Na njîra ta îno, îra anake wanao menyitagie maûndûrî.

Tito 2:9

Ngombo nacio nwa nginya ciathîkagîre athani acio na îmakenagie maûndûrî monthe. Itiagîrîrwe nî gûkararania nao,

Ahib 10:25

Tûtigatige gûcemanagia vamwe ta ûrîa andû amwe mamenyerete gwîkaga. Nwatî nîkava tûûmanagîrîrie mûndû na ûrîa wîngî nîûndû nîmûrona atî Mûthenya wa Mwathani nîûkuvîvîrîtie.

Ahib 13:22

Ariû na aarî a îthe wetû, nîngûmûria mûthikîrîrie ndûmîrîri îno ya kûmwîkîra vinya. Maarûa îno namwandîkîra tî ndaca mûno.

Ahib 3:13

Vandû va ûguo, ûmanagîrîriani mûndû na ûrîa wîngî mûthenya wa mûthenya rîrîa rîonthe kiugo “Ûmûnthî” gîkaagwetagwa gîkîaria ûvoro ûmwîgiî nîguo gûtikagîe mûndû wana ûmwe gatagatîrî kenyu ûkaaûmia ngoro nîûndû wa mevia.

1Pet 5:12

Namwandîkîra maarûa îno nini ûguo ngîtethagîrîrua nî Silivano, ûrîa mbîcî nî mûkristiano wa tatue na nî mwîvokeku. Nîrenda kûmûmîrîria na nîmûrutîre ûira wakwa nîmwîre atî, ûyû nîguo wega wa ma wa Ngai. Îkaragani mwîkindîrîtie ndaarî yaguo.

Juda 1:20

Nwatî mue arata akwa, îkaragani mûgîkûraga wîtîkiorî wenyu ûrîa mûtheru viû. Voyagani mûrî na vinya wa Roho Mûtheru.