1Akor 13:1 - ÎVUKU RÎA ÛVORO MWARO

¹ Nie nwa mbarie nthiomi irîa ciaragua nî andû na irîa ciaragua nî araika. Nwatî ethîrwa ndirî na wendani, mîario yakwa îkariî ta ithaani irîa iringithanagua ikagamba kana ta ngengere îkîgamba.

1Akor 13:1 ပူးပေါင်းရင်းမြစ်များ

Thaburi 150:5

Mûkumieni na ithaani irîa iringithanagua, mûkumieni na ithaani irîa iringithanagua ikagamba, ikagamba na vinya mûno!

Mathaayo 25:45

Nake Mûthamaki nîakaamacokeria atîrî, ‘Nîramwîra nama atî vîndî îrîa mwaregire gûtethia mûndû ûrîa mûnini mûno, nînie mwaregire gûtethia.’

Maariko 16:17

Nao etîkia nîmakaavewa ûvoti wa kûringa ciama, wa kûrutûrûra ngoma kuuma kûrî andû na rîîtwa rîakwa na wa kwaria na nthiomi ng'eni.

Aroma 14:15

Ethîrwa irio irîa ûrîcaga nîitûmaga mûrwanyûkwe egue naaî, we ndûreka ciîko cia wendani. Ndûgetîkîre kîrîa ûkûrîa gîcûkie wîtîkio wa mûndû ûrîa Kristû aakwire nîûndû wake.

1Akor 12:10

Roho nîavecaga mûndû ûmwe kîveo gîa kûringa ciama; kûrî wîngî akavecana ûvoti wa kûvecana ndûmîrîri ya Ngai; na kûrî wîngî akavecana ûvoti wa kûthuurûkania nî iveo irîkû ciumanîte na Roho na nî irîkû itaumanîte na Roho. Roho nîavecaga mûndû ûmwe ûvoti wa kwaria na nthiomi cia mîthemba ngûrani, na kûrî mûndû wîngî akavecana ûvoti wa gûtaûra nthiomi icio.

1Akor 12:16

Gûtû nwa kuge atîrî, “Nîûndû tînie riitho, ndirî kîîga Kîam mwîrî.” Nwatî kuga ûguo gûtingîgiria riitho rîtige gûtuîka kîîga Kîam mwîrî.

1Akor 12:8

Roho nîavecaga mûndû ûmwe ndûmîrîri îcûrîte ûûgî, na Roho wa ûcio akava mûndû wîngî ndûmîrîri îcûrîte ûmenyo.

1Akor 13:8

Wendani ndûthiraga. Morathi nîmakaathira, kwaria na nthiomi nîgûkaathira na ûmenyo wa naguo nîûkaathira.

1Akor 14:2

Andû arîa maragia na nthiomi matiîthagîrwa makîarîria andû nwatî methagîrwa makîarîria Ngai, nîûndû gûtirî mûndû wîthagîrwa agîtaûkîrwa nî maûndû marîa maragia. Matongoragua nî Roho makîaria ûma ûrîa ûrî nthithorî.

1Akor 14:4

Andû arîa maragia na nthiomi metethagia o ene, nwatî arîa managîrîra ndûmîrîri ya Ngai matethagia kanitha yonthe.

1Akor 14:5

Nie nwa mende muonthe mwîthagîrwe mûkîaria na nthiomi, nwatî nwa mende mûno makîria mûgîe na kîveo gîa kwanîrîra ndûmîrîri ya Ngai. Andû arîa managîrîra ndûmîrîri ya Ngai methagîrwa marî vata gûkîra arîa maaragia na nthiomi; tiga nwanga vethîrîtwe varî na andû engî mangîvota gûtaûra ûrîa marauga nîguo kanitha yonthe îkîrwe vinya.

1Akor 8:1

Rîu nînîrenda kwaria ûvoro wîgiî irio irîa irutîrîtwe mîvuanano. Îni nîtîcî na ma atî tuonthe twîthagîrwa tûrî na ûmenyo. Ûmenyo ûcio wetû nîguo ûtûmaga mûndû ecûrwe nî mwîtîîo, nwatî wendani nîwîkanagîra vinya.

2Akor 12:4

Kûu ke nîwegwire maûndû matangîranwa, marîa mûndû atangîvota kwaria na kanyua gake.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

1Tim 1:5

Nîrakwatha ûguo nîguo mûrurumûkie wendo ûrîa umaga ngororî ntheru, thamirirî mbaro na wîtîkiorî wa ma.

1Pet 4:8

Îgûrû rîa maûndû monthe endaga mûndû ûrîa wîngî na ngoro yaku yonthe, nîûndû wendani nîûkunîkagîra mevia mengî.

2Pet 2:18

Nîecari na nîmaragia maûndû ma ûrimû. Na njîra ya merirîria mao macûku ma mwîrî, nîmathaagîrîria andû arîa mambîrîrîtie kûthengutîra andû arîa matûûraga mavîtagia.

Kûguû 14:2

Nanie nînegwire mûgambo kuuma îgûrû wagambaga ta ndurumo ya manjî, na ta mûrurumo mûnene wa ngwa. Mûgambo ûcio wagambaga ta mûgambo ûrîa aini magambagia makîvûra ngita ciao.