1Akor 10:1 - ÎVUKU RÎA ÛVORO MWARO

¹ Ariû na aarî a îthe wetû nîrenda mûririkane maûndû marîa meekîkire kûrî methe metû ma tene arîa maarûmîrîre Musa. Onthe nîmaakunîkîrwe nî îtu na rîkîmagitîra na makîringa îria Îtune.

1Akor 10:1 ပူးပေါင်းရင်းမြစ်များ

Nehemia 9:19

Nwatî ndwamatiganîria kûu werûrî, nîûndû ntha ciaku nî nyîngî. Îtu rîrîa rîamatongoragia mûthenya rîtîamathengutîra, na ndwamathengutîria mwaki kuuma îtuurî ûrîa wamamûrîkagîra njîra ûtukû.

Thaburi 105:39

Ngai nîwatambûrûkirie îtu îgûrû rîa andû ake, na mwaki wa kûmamûrîkîra ûtukû.

Thaburi 66:6

Aagarûrire îria rîgîtuîka nthî nyûmû; andû nîmaaringire rûnjî na magûrû. Natue tûrî kûu nîtwakenire nîûndû wake.

Thaburi 78:53

Aamatongoririe amagitîrîte na matagwîtigîra, nwatî nthû ciao nîciaûrîre îriarî.

Ntha 14:29

Nwatî andû a Isiraeli maavîtûkîrîre îriarî kûrî nthî nyûmû, na nthingo cia manjî irî mîena yoîrî.

Ntha 40:34

Îtu nîrîacokire rîgîkunîkîra îgema rîa Ngai-Mûnene, naguo riiri wa Ngai-Mûnene ûgîcûra kuo.

Ndari 14:14

nîmakeera andû arîa matûûraga vûrûri ûyû. Andû a vûrûri ûyû nîmarîkîtie kwîgua atî we, Ngai-Mûnene, wîthagîrwa ûrî vamwe natue, na atî we nîwonekaga rîrîa îtu rîaku rîarûngama îgûrû rîetû. Nîmeguîte atî ûthiîcaga ûrî mbere yetû na gîtugî Kîam îtu mûthenya, na ûtukû ûkathiî na gîtugî Kîam mwaki.

Ndari 33:8

Nîmaaumire Pi-hahirothi makîvîtûkîrîra Îria Îtune nginya werûrî wa Shuri. Vuva wa rûgendo rwa mîthenya îthatû kûu werûrî nîmaakinyire Mara na magîkara vo.

Johana 4:20

Methe metû ma tene ma Samaria maagoocagîra Ngai kîrîmarî gîkî, nwatî mue Ayahudi mugaga atî îtûûrarî rîa Jerusalemu nîkuo twagîrîrwe nî kûgoocera Ngai.”

Aroma 1:13

Ariû na aarî a Îthe wetû, nîngwenda mûmenye atî mavinda meengî nanavanga gûka kûrî mue nwatî ûndû ûkaga ûkandigîrîria. Mendaga gûka nîguo ndûme andû arîa engî matuîke arûmîrîri a Jesû Kristû wa ta ûrîa nekire kûrî andû a ndûrîrî.

Aroma 11:21

Ethîrwa Ngai ndaacaîra mvûa irîa ciarî mûtîrî ûrîa wa mbere na nîyo Ayahudi, angîmûcaîra atîa?

Aroma 4:11

Nakuo kûrua gwake kwarî ta rûûri rwa kwonania atî nîwatuirwe mûthingu nî Ngai nîûndû wa wîtîkio wake wana mbere ya arue. Nake Iburahimu nîwatuirwe nî Ngai îthe wa Kîîroho wa arîa onthe metîkîtie, wana ethîrwa o tî aruu. Andû acio nîo Ngai atuîte athingu.

1Akor 12:1

Rîu ariû na aarî a îthe wetû, nîrenda mûtaûkîrwe nî ûvoro wîgiî iveo kuuma kûrî Roho Mûtheru.

1Akor 14:38

Nwatî ethîrwa nî kûrî mûndû wana ûmwe ûtaramenya ûguo wa nake ndakamenyekane.

Agal 3:29

Ethîrwa mûrî a Kristû, mûrî a rûciaro rwa Iburahimu na nîmûkagaa kîrîa Ngai eeranîre.

Gûco 1:33

ûrîa wathiîcaga amûtongoretie njîrarî akîmwonagia varîa mûkwamba magema menyu. Ngai-Mûnene nîwamûtongoragîria na kîmûrî Kîam mwaki ûtukû nîguo mwone gwa kûthiîra na akamûtongoreria na îtu mûthenya.

Ahib 11:29

Wîtîkio nîguo watûmire andû a Isiraeli maringa îria îtune takwa maathiîrîrîte nthî nyûmû. Rîrîa andû a Misiri maageririe kûringa, onthe nîmaaûrîre manjîrî.

Josh 4:23

Nîûndû Ngai-Mûnene, Ngai wenyu nîwatûmire manjî ma rûnjî rwa Jorodani matiga kûnyûrûrûka nginya rîrîa mwaringire. Ûguo nwaguo Ngai-Mûnene, Ngai wenyu eekire rîrîa aatûmire manjî ma Îria Îtune mamûkane na tûkîringîra nthî nyûmû.