1Akor 1:7 - ÎVUKU RÎA ÛVORO MWARO

⁷ Kwoguo mue nîmwamûkîrîte iveo cia mîthemba yonthe irîa Roho wa Ngai avecanaga wa mwetererete mûthenya wa kûguûrua kwa Mwathani wetû Jesû Kristû.

1Akor 1:7 ပူးပေါင်းရင်းမြစ်များ

Kîam 49:18

“Mbetererete ûvonokio waku we Ngai-Mûnene.

Mathaayo 25:1

“Vîndî îo Ûthamaki wa îgûrû ûkaagerekanua na erîtu îkûmi arîa moocire mataa mao nîguo magatûnge mûvikania.

Luka 12:36

Tuîkani ta ndungata irîa cietererete mwathi wacio akiuma kîrugorî Kîam ûviki. Ciîkaraga ciîvarîrîtie nîguo vîndî wa yonthe îrîa angîûka na aringaringa mûrango, nwa imûrugûrîre wa rîmwe.

Luka 17:30

Ûguo nwaguo gûgeekara mûthenya ûrîa Mûrû wa Mûndû akoonanua.

Aroma 8:19

Indo cionthe irîa ciaûmbirwe cietererete mûno rîrîa Ngai akoonania ciana ciake.

Aroma 8:23

Nwatî twa ciûmbe cionga tu icaaga, wana tue ene arîa tûrî na Roho ûrî ta kîveo Kîam mbere Kîam iveo cia Ngai nîtûcayaga na kûu ndaarî yetû wa tûgîetagîrîra Ngai atûtue ciana ciake na atûkûûre viû kuuma ûkomborî.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Akor 12:13

Nîûndû ûrîkû mûcûku mwekirwe makîria ya makanitha marîa mengî, tiga atî nie ndiamûnogia ngîenda ûtethio wa mbeca? Njoverani nîûndû wa kûmûvîtîria!

Agal 5:5

Tue twîthagîrwa tûrî na mwîvoko atî Ngai nîagaatûtua athingu. Ûndû ûcio nîguo twîthagîrwa twetererete tûrî na wîtîkio na tûvotithîtue nî Roho wa Ngai.

Afil 3:20

Nwatî mûciî wetû ûrî îgûrû na nîkuo twetagîrîra mûvonokia wetû aume, na nîke Mwathani wetû Jesû Kristû.

Akol 3:4

Ûtûûro wetû wa ma nî Kristû na rîrîa ke agaaûka rîngî gûkû nthî, wa namue nîmûkoonekana mûrî vamwe nake na mûrî na riiri ta wake.

1Ath 1:10

Namue nîmwetererete Mûriû wake Jesû ûrîa ûgaaûka aumîte îgûrû na nîke wariûkirue. Ke nîke ûtûvonokagia kuuma kûrî marakara ma Ngai marîa magûka.

2Ath 1:7

amûvurûkie na atûme mûthirwe nî mathîna mue arîa mûthînagua wa vamwe natue. Ngai ageeka ûguo rîrîa Mwathani Jesû akeyumîria kuuma îgûrû arî na araika ake arîa marî ûvoti,

2Tim 4:8

Kwambîrîria rîu nîmbîrîgîrîrîte nthûmbî ya ûthingu îrîa ngaavewa mûthenya wa mûthiia nî Mwathani ûrîa ûtucaga ciira na kîvooto. Tî nie nienga ngaavewa kîveo kîu nwatî nîgîkaavewa andû onthe arîa metagîrîra gûka gwake marî na wendo.

Tito 2:13

Nîtwagîrîrwe nîgwîkaraga ûguo wa tûgîetagîrîra mûthenya ûrîa mûrathime twîrîgîrîrîte. Mûthenya ûcio nîguo riiri wa Ngai ûrîa mûnene na mûvonokia wetû Jesû Kristû ûkoonekana.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

1Pet 1:13

Kwoguo îcirieni waro îgûrû rîa ûrîa mûgeere gwîka. Îkaragani mwîîguîte na mwigîte mwîrîgîrîro wenyu wonthe kûrî kîveo Kîam Wega wa Ngai. Mûkaavewa kîveo kîu rîrîa Jesû Kristû akaaguûrua.

1Pet 4:13

Nwatî kenani nîûndû mûrathînua wata ûrîa Kristû aathînirue, nîguo mûkeethîrwa mwîcûrîtwe nî gîkeno rîrîa riiri wake ûkaaguûrua.

1Pet 5:4

Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.

2Pet 3:12

wa mûgîetagîrîra na mûkîîriragîria mûno Mûthenya wa Ngai ûkinye. Vîndî îrîa Mûthenya ûcio ûgaaûka, îgûrû nîrîkaavîvua na mwaki rîthire, nacio ciûmbe cionthe irîa irî îgûrû ivîe nî mwaki irarûke.

1Joh 3:2

Arata akwa, tue rîu tûrî ciana cia Ngai. Gûtiramenyekana waro ûrîa tûkethîrwa twîkariî. Nwatî nîtwîcî atî rîrîa Kristû akoonekana, tûkethîrwa twîkariî take nîûndû tûkaamwona nama ûrîa ekariî.

Juda 1:21

Îkaragani mwendete Ngai wa mûgîetagîrîra Mwathani wetû Jesû Kristû. Na nîûndû wa ntha ciake nîakaamûva mwoyo wa tene na tene.