1Akor 1:13 - ÎVUKU RÎA ÛVORO MWARO

¹³ Anga Kristû nî agaûkanîtue? Paûlo nîke wambirwe mûtharavarî nîûndû wenyu? Mue mwavatithirue na rîîtwa rîa Paûlo?

1Akor 1:13 ပူးပေါင်းရင်းမြစ်များ

Mathaayo 28:19

Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Mathaayo 3:6

Andû acio nîmaaumbûrire mevia mao, na Johana akîmavatithîria rûnjîrî rwa Jorodani.

Ciîko 10:48

Kwoguo Petero nîwathanire akiuga andû acio mavatithue na rîîtwa rîa Jesû Kristû. Nao nîmaaûririe Petero ekaranie nao mîthenya mînini.

Ciîko 19:5

Na rîrîa arutwa acio meegwire ûguo, nîmaavatithirue na rîîtwa rîa Mwathani Jesû.

Ciîko 2:38

Nake Petero nîwamerire atîrî, “Mûndû wa wonthe gatagatîrî kenyu nwanginya erire mevia make na avatithue na rîîtwa rîa Jesû Kristû, nîguo overwe mevia make. Namue nîmûkwamûkîra Roho Mûtheru arî kîveo kuuma kûrî Ngai.

Ciîko 8:16

Etîkia acio nîmaavatithîtue na rîîtwa rîa Mwathani Jesû, nwatî Roho Mûtheru ndaarî mûnyûrûrûkîru wa naarî ûmwe wa ciao.

Aroma 14:9

Nîûndû Kristû aakwire na agîcoka akîriûka nîguo atuîke Mwathani wa arîa akuû na arîa marî mwoyo.

1Akor 1:15

Kwoguo gûtirî mûndû wana ûmwe gatagatîrî kenyu ûngiuga atî mue mwavatithirue na rîîtwa rîakwa.

1Akor 10:2

Onthe nîmaavatithirue marî îtuurî na îriarî na magîtuîka arûmîrîri a Musa.

2Akor 11:4

Nîûndû mue nîmûkiragîrîria mûndû wa wonthe ûrîa ûkaga kûrî mue na akamûvunjîria Jesû wîngî tiga ûrîa twamûvunjîrie. Na nîmwamûkagîra roho na mûgetîkîra ndûmîrîri îngî ngûrani mûno kuuma kûrî Roho na ûvoro mwaro ûrîa mwamûkîre kuuma kûrî tue.

Agal 1:7

Nî ma atî gûtirî “Ûvoro Mwaro wîngî.” Nîrauga ûguo nîûndû kûrî andû maramûthînia na makageria kûgarûra ûvoro mwaro wa Kristû.

Aefeso 4:5

Kûrî Mwathani ûmwe, wîtîkio ûmwe na ûvatithio ûmwe.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.