Zefania 3:3 - ÎVUKU RÎA ÛVORO MWARO

³ Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Zefania 3:3 ပူးပေါင်းရင်းမြစ်များ

Nthi 28:15

Mûthamaki mwaganu akîatha athîni, nîta mûnyambû ûkîrarama kana ngatûnyi îkîtharîkîra kîndû.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 5:29

Athigari ao mararamaga ta mînyambû, mararamaga ta mînyambû mîthî, înyitîte kîndû na îgakîvira kûndû kûraca, na gûtirî mûndû ûngîmîcuna.

Jeremia 22:17

Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.

Jeremia 23:11

Ngai-Mûnene arauga atîrî, “Arathi na athînjîri-Ngai matirî na ûngai, nîrîmwonu magîka maûndû ma waganu nyombarî yakwa.

Jeremia 34:19

Andû acio nîo: atongoria a Juda, atongoria a îtûûra rîa Jerusalemu, andû arîa ngaramba, athînjîri-Ngai na andû onthe arîa maavîtûkîrîre gatagatî ga icunjî icio igîrî cia njaû îo.

Jeremia 5:6

Kwoguo mûnyambû kuuma werûrî nîûkamaûraga; Kîamthi kuuma werûrî nîgîkamacûkangia. Ngarî nîîtegete îtharîkîre matûûra mao, mûndû wonthe ûkauma kûu matûûrarî agaatarûrangwa icunjî, nîûndû mevia mao nî meengî, na mekaraga magîtiganagîria Ngai.

Ezek 22:6

Anene a Isiraeli arîa marî kûrî we, wa mûnene kûringana na vinya wake mendaga wa kûûragana.

Ezek 33:26

Mwîvokaga indo cienyu cia mbaara, na mûgeka maûndû marîa marî mûgiro. Arûme mekaga maûndû ma ûtharia na aka a andû arîa mariganîtie nao. Mûreciria nwa mûvewe vûrûri ûyû ûtuîke wenyu?

Habakuku 1:8

“Mbarathi ciao irî îvenya gûkîra itang'a; nînyûmîrîru gûkîra ciathi irî mvûtu. Itwîte mbarathi ciumîte kûndû kûraca; andû ao arîa mathiîcaga maumaga kûndû kûraca, igûrûkaga na îvenya ta nderi îkînyita gîa kûrîa.