Zefania 3:18 - ÎVUKU RÎA ÛVORO MWARO

¹⁸ ta mûthenya wa kîrugo” Ngai-Mûnene arauga atîrî, “Nîngakûnthengutîria mathîna, nîguo ndûkegucage nthoni nîûndû wamo.

Zefania 3:18 ပူးပေါင်းရင်းမြစ်များ

Thaburi 43:3

Mva ûtheri na ûûma waku indongorie, na injokie Zayuni, kîrîmarî gîaku kîtheru, na hekarûrî yaku, kûrîa ûtûûraga.

Thaburi 79:4

Andû a ndûrîrî nî maratûnyarara, arîa tûriganîtie nao matûthekagîrîra na magatûnyûrûria.

Jeremia 23:3

Nîngaacoka nyûnganie matigari ma ng'ondu ciakwa kuuma mavûrûrirî monthe kûrîa nîinyaganîrîtie, na nîicokie ndîthiarî ciacio. Nîigaacoka iciarane na ciongerereke.

Maca 1:4

Varavara cia kûthiî Zayuni nîiracakaya, gûtirî mûndû ûthiîcaga irugorî irîa nyamûre. Mîvîrîga yakuo yonthe nîmîtiganîrie, athînjîri-Ngai akuo nîmaracaa. Erîtu akuo nîmarathînîka, nayo Zayuni nîrathînîka.

Maca 1:7

Vîndî îno Jerusalemu îrî nyomomoku nîîraririkana riiri ûrîa yarî naguo. Rîrîa rîagûîre njararî cia nthû ciarîo, nthû ciarîo nîciakenagîrîra kûgwa kwa rîo.

Ezek 34:13

Nîngaairuta kuuma kûrî andû a mavûrûri mageni, na nîicokie vûrûrirî wacio. Nîngaairîthia irîmarî cia vûrûri wa Isiraeli, tûrûnjîrî twakuo na kûndû kûrîa kuonthe andû matwîre vûrûrirî.

Ezek 36:24

Nîngaamûruta gatagatî ka andû a ndûrîrî na nîmûrute mavûrûrirî monthe nîmûcokie vûrûrirî wenyu.

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Hosea 1:11

Andû a Juda na Isiraeli nîmakaagomana vamwe na nîmakathuura mûtongoria wao ûmwe; nao nîmakoongereka kûu vûrûrirî wao. Mûthenya ûcio ûkethîrwa ûrî mûnene kûrî Jezireeli.

Hosea 9:5

Mûgeeka atîa mûthenya ûrîa mûtuîte wa kîrugo, na mîthenya ya kîrugo Kîam Ngai-Mûnene?

Zefania 3:20

Vîndî îo nîngaamûrete mûciî, vîndî îrîa ngamûngania vamwe; nîngaatûma mûmenyeke na mûkumue; gatagatîrî ka andû onthe a nthî, na ndûme mwîkare ta ûrîa mwekariî mbere.” Nînie Ngai-Mûnene nauga ûguo.