Zefania 3:16 - ÎVUKU RÎA ÛVORO MWARO

¹⁶ Mûthenya nîûgaûka rîrîa îtûûra rîa Jerusalemu rîkerwa atîrî, “Ndûkamake, we îtûûra rîa Zayuni! Ndûkareke njara ciaku ithira vinya!

Zefania 3:16 ပူးပေါင်းရင်းမြစ်များ

Ayubu 4:3

We nîûthomithîtie andû engî, na ûkaûmîrîria andû arîa matarî vinya.

Isaia 25:9

Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Isaia 40:9

Unûkia îgûrû rîa kîrîma kîraca na îgûrû we Zayuni, anîrîra ûvoro ûrîa mwaro! Ugîrîria na vinya we Jerusalemu, anîrîra ûvoro mwaro. Ugîrîria na ndûgetigîre na wîre matûûra ma Juda atî: “Ûyû nîke Ngai wenyu!”

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 44:2

Ngai-Mûnene ûrîa wakûmbire arauga atîrî, “Nakûmbire îvurî rîa nyûkwe na nînie ngûtethagia. Tiga gwîtigîra we Jakovu ndungata yakwa, Jeshuruni ûrîa nthurîte ndûgetigîre.

Isaia 54:4

Ndûgetigîre nîûndû ndûgaaconoka; ndûkegue nthoni nîûndû ndûgaaconorithua. Nîûkaariganîrwa nî gîconoko Kîam wîthî waku, na ndûkaaririkana rûmena rûrîa warî naruo rîrîa warî mwîthî, vîndî îrîa watûûraga wî wa ndigwa.

Joeli 2:21

“Ndûkegue guoya, we vûrûri, nwatî kena na ûcanjamûke, nîûndû wa maûndû monthe marîa Ngai-Mûnene ekîte nîûndû waku.

Zakaria 8:13

Mue andû a Juda na a Isiraeli, kavinda kavîtûku andû a ndûrîrî methîrîtwe makîmwona mûrî andû agwate nî kîrumi. Nîngaamûvonokia na nîmûgaatuîka kîrathimo. Kwoguo îyûmîrîrieni na mûtigetigîre.”

Zakaria 8:15

Rîu nînduîte mavinda mama gwîka Jerusalemu maûndû maro wa vamwe na nyomba ya Juda. Kwoguo mûtigetigîre.

Johana 12:12

Mûthenya ûcio warûmîrîrîte, andû eengî arîa maakinyîte kîrugorî Kîam pasaka, nîmegwire atî Jesû aarî njîrarî athiîte Jerusalemu.

2Akor 4:1

Tûrî na ûtungata ûyû tûvetwe nî Ngai nîûndû wa ntha ciake, kwoguo tûtingîûrwa nî thayû.

Agal 6:9

Kwoguo tûtikanoge nî gwîka waro, nîûndû îvinda rîrîa rîagîrîru rîakinya nîtûgaaketha twarega kûrwa nî vinya.

Aefeso 3:13

Kwoguo nîramûthaitha mûtigakue ngoro nîûndû wa mathîna marîa nîrona nîûndû wenyu. Nî magûtûma mûgîe na umithio.

Ahib 12:12

Kwoguo ûkîrîriani njara cienyu na îgûrû icio nogu na mûkûnjûre maru mau menyu maratetema.

Kûguû 2:3

Mue nîmûmîrîrîtie mûkirîrîrîtie, na mûkanyamarua nîûndû wakwa, na mûtirî mwandiganîria.