Zefania 3:15 - ÎVUKU RÎA ÛVORO MWARO

¹⁵ Ngai-Mûnene nîathirîtie kûverithua kwenyu, na nîathengutîtie nthû cienyu cionthe. Ngai-Mûnene mûthamaki wa Isiraeli arî gatagatîrî kenyu; ndûgetigîra mathîna rîngî.

Zefania 3:15 ပူးပေါင်းရင်းမြစ်များ

Kîam 30:23

Nîwagîre îvu na agîciara kavîcî, na akiuga atîrî “Ngai nîanthengutîrîtie gîconoko na njîra ya kûmva kavîcî.

Thaburi 149:2

Isiraeli, kenerera Mûkûmbi, Andû a Zayuni canjamûkani nîûndû wa Mûthamaki wenyu.

Thaburi 19:9

Gwîtigîra Ngai-Mûnene nî ûndû mwaro, na nîgûtûûra tene na tene. Matuîro ma Ngai-Mûnene nî ma ma; na nî magîrîru vîndî cionthe.

Thaburi 85:3

Nîûthirîtie marakara maku monthe, nîûtigîte kûgîa na marakara marûrû.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 25:8

Ngai-Mûnene nîakaathiria gîkuû tene na tene, nîakaagiria methori mothiûrî monthe na kûthirîria andû ake gîconoko nthî yonthe. Ngai-Mûnene nîke ugîte ûguo.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 35:10

Arîa maakûûrirwe nî Ngai-Mûnene nîmagaacoka, magaaûka Zayuni magîkûngûagîra, makethîrwa marî na gîkeno gîa tene na tene. Nîmakethîrwa marî na gîkeno na marî acanjamûku, kîeva na kîrîro nîikaathira viû.

Isaia 51:22

Mwathani Ngai-Mûnene Ngai waku, ûrîa ûtetagîra andû ake arauga atîrî: “Taroria nîngûthengutîrîtie gîkombe Kîam gûgûtûgûgithia, ngakûthengutîria mbakûri ya marakara makwa, ndûgaacoka kûmînyuîra rîngî.

Isaia 52:9

Mue kûndû kûrîa gûcûkangu kwa Jerusalemu, ambîrîriani kwina vamwe mûkenete. Nîûndû Ngai-Mûnene nîavoreretie andû ake, nîakûûrîte Jerusalemu.

Isaia 54:14

Nîûkeevanda ûvororî wa ûthingu. Ndûkaavinyîrîrua rîngî na ndûkegua guoya; na ndûkaamaka nîûndû kîmako gîtikaagûkuvîvîria.

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Isaia 65:19

“Nanie nîngaakenaga nîûndû wa Jerusalemu, na ngenagîre andû akwa. Kûu Jerusalemu gûtigaacoka kwîguwa mûgambo wa kîrîro wana kana wa kîeva.

Jeremia 8:19

Tathikîrîria kîrîro Kîam andû akwa kuuma mîena yonthe ya vûrûrirî, “Anga Ngai-Mûnene ndatûûraga Zayuni? Anga mûthamaki wa Zayuni ndarî kuo? Nîndûî kîratûma mandakarie makîgooca ngai cia mîvuanano, wana magooce ngai ciao ng'eni?

Ezek 35:10

“Nîûndû waugire atî ndûrîrî icio igîrî, ‘Isiraeli na Juda’ nî mavûrûri maku na nîûkaamegwatîra, wana ethîrwa nie, Ngai-Mûnene ndûûraga kuo.

Ezek 36:15

Na ndikenda mwîgua irumi kuuma mavûrûri mau rîngî kana mamûnyûrûria kana matûme vûrûri wenyu ûvîngwe rîngî. Ûguo nîguo nie Mwathani Ngai-Mûnene mbugîte.”

Ezek 39:29

Nîngetîrîria andû a Isiraeli roho wakwa, na ndikaamatiganîria rîngî. Nînie Mwathani Ngai-Mûnene mbugîte ûguo.”

Ezek 48:35

Ûraca wa rûthingo rwa îtûûra rîu mîena yonthe îna rûkethîrwa rûrî rwa mita ngiri kenda (9,000). Îtûûra rîu kuuma vîndî îo rîgetagwa, “Ngai-Mûnene arî ava.”

Joeli 3:17

Vîndî îo nîrîo we Isiraeli ûkaamenya atî, nînie Ngai-Mûnene Ngai waku, ndûûraga Zayuni, kîrîmarî gîakwa kîtheru. Jerusalemu îkethîrwa îrî ntheru, na ageni matikaarîvoota rîngî.

Amosi 9:15

Nîngatûma andû akwa mekare vûrûrirî wao, na matikaarutwa kuo rîngî.” Ûguo nîguo Ngai-Mûnene augîte.

Mika 7:10

Nthû ciakwa nîikona ûguo, na ciîcûrwe nî gîconoko, nîûndû cianthekagîrîra îkîmbûragia atîrî, “Arî kû Ngai-Mûnene, Ngai waku?” Nîngoona nthû ciakwa ikîgwa nthî, na nîigaakinyangwa ta ndaka îrî njîrarî.

Habakuku 2:17

Maûndû macûku marîa wîkîte Lebanoni nîmagagûcokerera. Nîwaûragire nyamû ciakuo; nacio nîikaamwîgwithia guoya. Maûndû mama nîmagagûkinyîra, nîûndû wa ûûragani na maûndû macûku marîa wîkîte gûkû nthî, îni, maûndû marîa wîkîte matûûra, na arîa matûûraga kuo.

Habakuku 2:8

We nîwîîte andû na mavûrûri meengî, nwatî arîa onthe matigarîte nîmagaakwîa, nîûndû wa ûragani na maûndû macûku marîa wîkîte gûkû nthî, matûûrarî na andû arîa matûûraga kuo.

Zefania 3:17

Ngai-Mûnene Ngai wenyu arî gatagatîrî kenyu, vinya wake nîûvecanaga ûvootani; ke nîagaagûkenerera na gîkeno kînene, ke nîagaakûva ûtûûro mûcerû na kwenda gwake, nîagaakwambararia akinaga augîrîrîtie mûno,

Zefania 3:5

Nwatî Ngai-Mûnene ûrîa ûrî îtûûrarî rîu nî mwîvokeku, ekaga maûndû marîa magîrîru nwatî tî marîa macûku. Onanagia kîvooto wa kîraûko kûrî andû ake. Kûnarî ûguo, arîa aganu mathiîcaga na mbere gwîka naaî matarî na nthoni.

Zakaria 12:3

Vîndî îo nîngaatûma Jerusalemu îtuîke ta îthiga rîrito kûrî andû onthe. Arîa makaageria kûrîûkîrîria nîmagaativua nîrîo. Mavûrûri monthe ma nthî nîmakaarîtharîkîra.

Zakaria 14:11

Andû nîmagaatûûra Jerusalemu nîûndû gûtigaacoka kûgîa mûthiro rîngî, gûkethîrwa kûrî na thayû.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 12:15

“Tigani gwîtigîra mue andû a îtûûra rîa Zayuni! Oneni Mûthamaki wenyu nîaûkîte, atwîte njaû ya mvunda.”

Johana 19:19

Pilato nîwandîkithirie kîmenyithia na akiuga gîcuurue mûtharavarî wa Jesû. Nakîo kîmenyithia kîu Kîamndîkîtwe atîrî, “Jesû wa Nazarethi, Mûthamaki wa Ayahudi.”

Johana 5:30

“Gûtirî ûndû nîngîka na vinya wakwa. Nducanagîra ciira kûringana na ûrîa Ngai ambîraga mbîke. Kwoguo îtua rîakwa nî rîa kîvooto nîûndû nie ndirageria kûvingia wendi wakwa, nwatî nîrageria kûvingia wendi wa ûrîa wandûmire.

Kûguû 12:10

Nînacokire ngîgua mûgambo mûnene kuuma îgûrû ûkiuga atîrî, “Ûvonokio, ûvoti, Ûthamaki wa Ngai wetû na wathani wa Mesaya wake rîu nîûrîkîtie gûka! Nîûndû mûcukani ûrîa warûngamaga mbere ya Ngai wetû na agacuka ariû na aarî a îthe wetû ûtukû na mûthenya nîaikîtue nthî

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”

Kûguû 7:15

Kîu nîkîo gîtûmaga marûngame vau mbere ya gîtî Kîam Ûthamaki Kîam Ngai na mamûtungatîre ûtukû na mûthenya marî hekarûrî yake. Nake ûcio wîkarîrîte gîtî Kîam ûthamaki akaamagitagîra nîûndû akethagîrwa arî vamwe nao.