Zefania 2:4 - ÎVUKU RÎA ÛVORO MWARO

⁴ Gûtirî mûndû ûgaatigwa îtûûrarî rîa Gaza. Ashikeloni nîrîgaatigwa rîrî rîtheri, Andû a Ashidodi nîmakaarutwa kuo mûthenya, na andû a Ekironi nîmakengatwa îtûûrarî rîao.

Zefania 2:4 ပူးပေါင်းရင်းမြစ်များ

Thaburi 91:6

kana mîthiro îrîa yûkaga ûtukû kana maûndû macûku marîa maûkaga mûthenya.

Isaia 14:29

“Mue andû onthe a Filisiti, mûtigakene, atî nîûndû mûragi ûrîa mwarivirwe naguo nî munîkangu; nîûndû njoka îtarî ûrogi nîgaaciara kîmvuva, nakîo kîmvuva nîgîgaaciara njoka mbaganu makîria.

Jeremia 15:8

Nîndûmîte aka ao a ndigwa mongerereke, na mengîve gûkîra mûthanga ûrîa ûrî îriarî. Aciari a andû ethî nînîmareterete, ûndû wa kûmacûkangia mûthenya. Nîndûmîte manyitwe nî ûrûrû na kîmako wa rîmwe.

Jeremia 25:20

na ageni onthe arîa matûûraga Misiri. Athamaki onthe a vûrûri wa Uzi, athamaki onthe a vûrûri wa Filisiti na nîmo: Ashikeloni, Gaza, Ekironi na matigari ma Ashidodi.

Jeremia 6:4

Îîvarîrieni tûrûe narîo, ûkani tûrîtharîkîre mûthenya varigici! “Kaî tûrî na thîna-î! mûthenya ûthiîte kûthira, kîruru gîa kîvwaî nî kîraneneva.