Zefania 2:14 - ÎVUKU RÎA ÛVORO MWARO

¹⁴ Nyamû cionthe cia kûrîthua nîikaamama kuo. Nyamû cionthe cia kîthaka nîikaamama kûrîa gûcûkangie. Ndundu ikaagambaga irî ndiricarî na ndiiû igambe irî matîrirî, nîûndû nyomba ciao cia mîtarakwe nîigaatiganîrua.

Zefania 2:14 ပူးပေါင်းရင်းမြစ်များ

Thaburi 102:6

Nie mbîkariî ta ndiiû ya werûrî, mbîkariî ta ndundu îrî îganjorî.

Isaia 14:23

Nîngaatûma îtûûra rîu rîtuîke rîa gûtûûrwa nî Tûtiti, na rîtuîke maria ma manjî. Ngaathiria indo cionthe Babuloni gwîkare ta kûvatîtwe na kîvati. Nie Ngai-Mûnene mwene vinya wonthe, nînie nauga ûguo.”

Jeremia 22:14

Augaga atî: ‘Nîngûtuma nyomba nene, îrî na nyomba nene cia ngorova.’ Acokaga akamîkîra ndirica, na agakunîka nthingo ciayo na mbaû cia mîtarakwe, na akamîvaka rangi ndune.

Amosi 9:1

Nînonire Ngai-Mûnene arûngamîte metharî ya kîgongoona. Nake nîwathanire atîrî, “Ringa ciongo cia itugî cia hekarû na vinya mûno, nginya mîcingi yayo inaine, mîomomore îgwîre andû arîa marî kuo, na arîa magatigara nîngaamaûraga na rûviû. Gûtirî mûndû wa naarî ûmwe ûkauma kuo, gûtirî wanarî ûmwe ûkaûra.

Zefania 2:6

Mue ndeererî cia îria nîmûgaatuwa kûndû gwa kûrîthua ng'ombe na ng'ondu, mûgatuîka ciomba cia arîthi na ciaga cia ng'ondu.

Kûguû 18:2

Nake nîwaugîrîrie na mûgambo mûnene atîrî: “Nî rîgwîte, Babuloni îtûûra rîrîa rînene nî rîgwîte! Nî rîtuîkîte gîîkaro Kîam ndaimono na îkurungu rîa roho mûcûku, na iconi cionthe njûku na irî mûgiro itûûraga kuo.