Zefania 1:7 - ÎVUKU RÎA ÛVORO MWARO

⁷ Kirani mbere ya Ngai-Mûnene, nîûndû mûthenya ya Ngai-Mûnene ûrî vakuvî. Ngai-Mûnene nîavarîrîtie kîgongoona, na akamûra ageni ake a gîtîîo.

Zefania 1:7 ပူးပေါင်းရင်းမြစ်များ

Ayubu 24:1

Ngai mwene vinya wonthe aregaga kwiga mavinda ma gûtucanîra ciira nîkî? Arîa mamwîcî maregaga kwona agîtuîra evia nîkî?

Thaburi 46:10

Augaga atîrî, “Vorerani, na mûmenye atî nînie Ngai, nînie mvetwe gîtîîo mavûrûrirî monthe, nînie ndîîtwe nthî yonthe.”

Isaia 13:3

Nie mwene nîmbathîte arîa nyamûrîte, nîmbîtîte andû akwa arîa njamba arîa makenaga rîrîa navootana, makarûe na arîa mandakarîtie.”

Isaia 13:6

Rîrani, nîûndû mûthenya wa Ngai-Mûnene ûrî vakuvî, ûgaaûka wîkariî ta mûthiro kuuma kûrî mwene vinya wonthe.

Isaia 2:12

Mûthenya wa Ngai-Mûnene, mwene vinya wonthe nîûgaakinya, nîakaaverithia arîa onthe metîîaga na meyonaga marî aro, na arîa onthe metûgagîria.

Isaia 29:2

Kûnarî ûguo nîngaatûma Jerusalemu kûgîe kîeva, na nîgûkaagîa kîrîro na macakaya, na kûrî nie îtûûra rîu rîkethîrwa rîkariî ta metha ya kîgongoona îrî na nthakame.

Isaia 34:5

Nîûndû rûviû rwa Ngai nî rûvarîrîrie îgûrû, taroriani, rûranyûrûrûka rûthiîte kûverithia Edomu, andû arîa avangîte kûthiria.

Isaia 34:6

Ngai-Mûnene arî na rûviû na rwîcûrîte nthakame, nî rûvake maguta, na rûrî na nthakame ya ng'ondu na ya mbûri, na maguta ma mbigo cia ndûrûme. Nîûndû Ngai-Mûnene arî na îgongoona kûu Bozira, nîakaaûraga andû eengî mûno kûu vûrûrirî wa Edomu.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Jeremia 46:10

Mûthenya ûcio nî wa Ngai-Mûnene Mwene Vinya Wonthe, nî mûthenya wa kwîrîvîrîria; mûthenya wa kwîrîvîrîria kûrî nthû ciake. Rûviû nîrûkamathiria na rwîganîre, na rûnyue nthakame yao rûvae. Nîûndû Ngai-Mûnene mwene vinya arî na îgongoona, kûu mwena wa rûgûrû vakuvî na rûnjî rwa Farati.

Ezek 7:10

“Taroriani, mûthenya nîmûku; mûthiro wenyu nîmûkinyu. Mbûkanîrîro îcûrîte kûndû kuonthe na mwîtîîo ûkengîva.

Ezek 7:7

Mue arîa mûtûûraga vûrûrirî ûyû, mûthiro wenyu nî ûkîte! Kavinda nî gakinyu, na mûthenya ûrî vakuvî; mûthenya wa thîna nwatî tî mûthenya wa kugîrîria na gîkeno irîmarî.

Joeli 1:15

Kaî twî na thîna-î; mûthenya ûcio wa Ngai-Mûnene nîûkîte; ûkîte vamwe na maûndû ma gûcûkangia, kuuma kûrî Ngai-Mûnene.

Joeli 2:11

Ngai-Mûnene nîathaga athigari ake, athigari ake nî engî mûno, arîa mamwathîkagîra nî eengî mûno. Mûthenya wa Ngai-Mûnene nî mûnene na nîwakûmakania, nîûrîkû ûngîvota kûwîtirîria?

Joeli 2:31

Riûa nîrîgakûnîkwa rire, naguo mweri nîûgatunîva ta nthakame, mbere ya mûthenya wa Ngai-Mûnene ûkinya.

Amosi 6:10

Mûndû ûrîa makonenie na ûcio mûkuû angîgaaûka kûruta kimba nyomba nîguo akîvîvie, nîakeera ûrîa ûkethîrwa atigîtwe nyomba atîrî, “Kûrî mûndû mûrî nake kûu nyomba?” Nake nîagaacokia auge atîrî, “Naarî!” Nake nîakaauga atîrî, “Kira, tûtiagîrîrwe nî kûgweta rîîtwa rîa Ngai-Mûnene.”

Amosi 8:3

Mûthenya ûcio mûciî kwa mûthamaki gûkainwa nyîmbo cia macakaya. Gûkethîrwa na ciimba nyîngî, ikanyagarûkua kûndû kuonthe gûkirîtwe kivi.”

Habakuku 2:20

Nwatî Ngai-Mûnene arî hekarûrî yake ntheru; nthî yonthe nî îkare îkirîte îrî mbere yake.

Zefania 1:14

Mûthenya mûnene wa Ngai-Mûnene nîûkuvîvîrie, ûrî vakuvî na ûraûka narua mûno. Mûgambo wa mûthenya wa Ngai-Mûnene nî mûrûrû mûno, athigari arîa aûmîrîru mûno nîmakaarîra na mûgambo mûnene.

Zakaria 14:1

Taroria! Mûthenya wa Ngai-Mûnene nîûgakinya. Mûthenya ûcio, mue andû a Jerusalemu indo cienyu nîigaatavwa na igaanwe mûkîonaga.

Zakaria 2:13

Andû onthe kirani mûrî mbere ya Ngai-Mûnene, nîûndû nîagûka aumîte kûndû gwake kûrîa kûtheru.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Mathaayo 22:4

Nake nîwacokire agîtûma ndungata ciîngî na agîciîra atîrî, ‘Îrani andû arîa metîtwe kîrugorî atî: Îruga rîakwa nîrîvarîrie. Ndegwa na njaû irîa noru nî nthînje na irio nî mvîu; ûkani îrugarî rîa ûviki!’

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.

Aroma 9:20

Nwatî we nîwe û mûrata wakwa atî nîguo ûcokerie Ngai? Nyûngû ya yûmba ndîagîrîrwe nî kûria ûrîa wa mîûmbire atîrî, “Wanyûmbire ûguo nîkî?”

Afil 4:5

Gûkirîrîria kwenyu nîkûmenywe nî andû onthe. Mwathani arî vakuvî gûka.

Akol 1:12

Cokagîriani Îthe wenyu ngatho nîûndû nîamûvotithîtie gûtuîka agîrîru a kûgîa na îgai rîrîa aigîrîte andû ake ûthamakirî wa ûtheri.

1Sam 16:5

Nake nîwacokirie atîrî, “Îî naûka nîrî na thayû. Naûka kûrutîra Ngai-Mûnene kîgongoona. Îîtherieni na mûke tûthiî.” Nîwacokire akîîra Jesse na anake ake metherie wanao, na akîmeeta kîgongoonarî.

1Sam 20:26

Saûlo ndaagweta wanarî ûndû mûthenya ûcio, nîûndû eeciragia atî Daudi arî na ûndû ûmûgwatîte kana nîkwa atetheretie.