Zefania 1:5 - ÎVUKU RÎA ÛVORO MWARO

⁵ Nîngaacûkangia arîa onthe magoocaga marî îgûrû rîa nyomba, makîgooca ciûmbe cia îgûrû. Nîngaverithia arîa mangoocaga makîîvîtaga na rîîtwa rîakwa na makevîta na rîîtwa rîa ngai îrîa îtagwa Moleku.

Zefania 1:5 ပူးပေါင်းရင်းမြစ်များ

1Atha 11:33

Ngeeka ûguo nîûndû Solomoni nîandiganîrîtie na akagooca ngai cia mavûrûri marîa mengî. Nacio nî: Ashitorethu, ngai ya nga ya Asidoni; Kemoshi, ngai ya Amoabu; na Milikomu, ngai ya Aamoni. Solomoni nîatigîte gwîka ta ûrîa Daudi eekaga. Nîatigîte kûnûmîrîra, na nîatigîte kûvingia mawatho makwa, na agatiga kûrûmîrîra irîra ciamo irîa naamwathire.

1Atha 11:5

Solomoni nîwagoocire Ashitorethu, ngai ya nga ya andû a Sidoni, na Milikomu, ngai ya mawîvia ya Aamoni.

1Atha 18:21

Nake Elija nîwathiîre kûrî andû acio na akîmaûria atîrî, “Nîmwîthîrwa mûrî na mathangania na nganja nginya rî? Ethîrwa Ngai-Mûnene nî Ngai, mûgooceni; nwatî ethîrwa Baali nîke Ngai, mûgooceni!” Nwatî andû matiamwîra wanarî ûndû.

2Atha 17:32

Andû acio nwamaagoocaga Ngai-Mûnene na nîmaathuurire kuuma gatagatîrî kao andû a mîthemba yonthe marî athînjîri-Ngai a kûthiîcaga kûndû kûrîa gûtûgîru gwa kûgoocerwa na kûrutagîra magongoona kuo vandûrî vao.

2Atha 17:33

Kwoguo nîmaagoocaga Ngai-Mûnene, nwatî nwa maagoocaga ngai ciao o ene, kûringana na mîtugo ya mavûrûri marîa maarutîtwe.

2Atha 17:41

Kwoguo andû acio nîmaagoocaga Ngai-Mûnene, nwatî nwa maagoocaga ngai ciao cia mîvuanano, na nginya ûmûnthî njiarwa ciao itwîre ciîkaga wata ûrîa methe mao ma tene meekaga.

2Atha 23:12

Nîwagwîthirie na akiunanga metha cionthe cia magongoona tûcunjî irîa athamaki a Juda maatumîte îgûrû rîa nyomba ya îgûrû ya mûthamaki Ahazi, wa vamwe na metha cia magongoona irîa mûthamaki Manase aatumîte ivaarorî cioîrî cia hekarû. Nîwacokire agîta tûcunjî tûu karûnjîrî ga Kidironi.

Isaia 22:1

Îno nî ndûmîrîri nene îgiî Kîanda gîa Kîoneki. Nîkwa kûrî na ndûî, rîu andû onthe maratwa nyomba îgûrû?

Isaia 44:5

“Mûndû ûmwe nîakaauga atîrî, ‘Nie nîrî wa Ngai-Mûnene,’ na wîngî nîageîtania na rîîtwa rîa Jakovu, nake wîngî nîakaandîka njararî yake, ‘Wa Ngai-Mûnene,’ na eîtanagie na rîîtwa rîa Isiraeli.”

Isaia 45:23

Nie nînîvîtîte ngîgwetaga rîîtwa rîakwa, maûndû marîa nîraria nî ma ma, na ndingîgarûrûkwa. Andû onthe nîmagaaturia maru mbere yakwa, na onthe mevîte atî makaanîvokaga.

Isaia 48:1

Tathikîrîriani ûndû ûyû, mue nyomba ya Jakovu, mue mwîtanîtue na rîîtwa rîa Isiraeli, mue mûrî a mûvîrîga wa Juda, arîa mwîvîtaga mûkîgwetaga rîîtwa rîa Ngai-Mûnene, na mugaga atî mûgoocaga Ngai wa Isiraeli, nwatî tîna njîra ya ma kana wagîrîru.

Jeremia 12:16

Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Jeremia 19:13

Nyomba cia Jerusalemu na nyomba cia athamaki a Juda, na nyomba cionthe irîa îgûrû rîa cio kwavîvagîrua ûbani kûrî njata irîa îtûûraga îgûrû na gûkarutîrwa matega ma ndivei kûrî ngai ciîngî, nîgûkaagwatwa nî mûgiro wata Tofethi.”

Jeremia 32:29

Akalidei arîa mararûa na îtûûra rîîrî nîmakaarîvîvia na mwaki. Nîmakavîvia nyomba kûrîa ngai cia Baali ivîvagîrua ûbani, na kûrîa ngai cia mîvuanano irutagîrwa matega ma ndivei, nîguo mbakanwe nî marakara.

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Jeremia 49:1

Ûvororî wîgiî andû a Amori, Ngai-Mûnene araûria atîrî, “Nîkwa Isiraeli gûtarî arûme? Gûtirî mûndû ûngîgaa vûrûri ûcio? Nîndûî gîtûmîte andû arîa magocaga ngai îrîa îtagwa Milikomu, megwatîre vûrûri wa Gadi makînatûûra kuo?

Jeremia 5:2

Wana ethîrwa nîmaugaga: “Wata ûrîa Ngai-Mûnene atûûraga mwoyo,” kwîvîta kwao nî kwa maveeni.

Jeremia 5:7

Ngai-Mûnene araûria atîrî, “Nîngîkûrekera atîa? Ciana ciaku nîindiganîrîtie, na nîmevîtîte na ngai cia maveeni. Rîrîa namaveere irio cia kwîgana, nîmekire ciîko cia ûtharia, na makîthiî nyombarî cia maraa.

Jeremia 7:10

Mûcokaga mûgaûka na mûkarûngama mbere yakwa, hekarûrî îno îtanîtue na rîîtwa rîakwa na mûkauga atî, ‘Tûrî agitîre.’ Na mûgacoka mûkathiî na mbere gwîka maûndû marîa nthûrîte.

Jeremia 7:9

Nî mwîaga, mûkaûragana, mûkatharia, mûkarutîra Baali magongoona na mûkagooca Ngai irîa mûtaicî.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Hosea 10:2

Ngoro ciao ciîcûrîte ûthani, Rîu nwa nginya maverithue nîûndû wa mevia mao. Ngai mûnene nîakoomomora metha cia magongoona, na omomore itugî cia mathiga ciakûvoyagîrwa.

Hosea 4:15

Wana ethîrwa nama mue andû a Isiraeli nîmûvûraga ûmaraa! mûtigatûme andû a Juda methîrwa na mavîtia! Mûtikathiî vandû varîa vatheru kûu Giligali, wana mûtikathiî Bethiaveni, na ndakevîte akiugaga, “Wa ta ûrîa Ngai-Mûnene atûûraga mwoyo.”

Amosi 5:26

Mue nîmûgaakuua mûvuanano wa Sakuthi mûthamaki wenyu, na mûvuanano wa ngai yenyu ya njata, indo irîa mue mwerûthîrîte.

Mathaayo 6:24

“Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.

Ciîko 10:9

Na kîndû ta thaa thita cia mûthenya ûcio warûmîrîrîte wa marî rûgendorî, nîmaakinyire vakuvî na Jopa, na Petero akîthiî nyomba îgûrû kûvoya.

Aroma 14:11

Nîûndû mandîko matheru maugîte atî: Mwathani augîte atîrî, “Wata ûrîa ndûûraga mwoyo, andû onthe nîmagaaturia maru mbere yakwa, na maumbûre atî nie nînie Ngai.”

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 4:19

Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.

Josh 23:7

Mûtikagwatanîre na mavûrûri marîa maatigirwe gûkû mûrî. Mûtikagooce ngai ciao cia mîvuanano kana mwîvîta mûkîigwetaga wana kana mwînamîrîre mûrî mbere yacio.