Zefania 1:15 - ÎVUKU RÎA ÛVORO MWARO

¹⁵ Ûcio ûkethîrwa wî mûthenya wa marakara, nî mûthenya wa mathîna na marûrû, nî mûthenya wa nduma na kîeva, nî mûthenya wa gûcûkangua, nî mûthenya wa matu na nduma nene,

Zefania 1:15 ပူးပေါင်းရင်းမြစ်များ

Isaia 13:9

Taroria, mûthenya wa Ngai-Mûnene nîûgaakinya, mûthenya mûcûku wa marakara meengî na mang'ûrîka. Nthî nîgaacûkangua, nao andû evia arîa marî kuo mathirue viû.

Isaia 22:5

Nîûndû ûmûnthî Ngai-Mûnene mwene vinya wonthe, nîatûreterete kîmako, gûcindwa na kîvîngîcî, gûkû Kîandarî gîa Kîoneki. Nthingo cia îtûûra nî nyomomore, na înegene rîa andû akuo nî rîreguîka nginya irîma.

Isaia 8:22

na marorie nthî, nwatî makeegua kîeva, mone thîna na nduma. Magaaikua ndumarî ndumanu.

Jeremia 30:7

Nama mûthenya ûcio nî mûnene, gûtirî mûthenya wîngî ta guo, nî mûthenya wa kîeva kûrî andû a Jakovu; kûnarî ûguo nîmakavonokua kuuma thînarî ûcio.”

Joeli 2:11

Ngai-Mûnene nîathaga athigari ake, athigari ake nî engî mûno, arîa mamwathîkagîra nî eengî mûno. Mûthenya wa Ngai-Mûnene nî mûnene na nîwakûmakania, nîûrîkû ûngîvota kûwîtirîria?

Joeli 2:2

Ûcio nî mûthenya wa nduma na kîeva, mûthenya wa matu na nduma nene. Ngige nyîngî nîciûkîte, ciîkariî ta nduma îtambûrûkîte irîmarî. Gûtianethîrwa kûrî na tayo wanarî vanini, na ndîkoonekana rîngî kûrî njiarwa cionthe igaûka.

Joeli 2:31

Riûa nîrîgakûnîkwa rire, naguo mweri nîûgatunîva ta nthakame, mbere ya mûthenya wa Ngai-Mûnene ûkinya.

Zefania 1:18

Mûthenya ûcio wa marakara ma Ngai-Mûnene sîlûva ciao kana thaavu ciao itikaavota kûmavonokia. Nîûndû wa mwaki wa wîru wake, nthî yonthe nîîkavîa. Nîakaathiria na îvenya arîa onthe matûûraga nthî.”

Zefania 2:2

mbere ya mûgûrûkue ta macaki makîgûrûkua nî rûkûngi, mbere ya marakara ma Ngai-Mûnene maûka kûrî mue, mbere ya mûkinyîrwa nî mang'ûrîka ma Ngai-Mûnene.

Mathaayo 24:29

“Na warîo vuva wa vîndî îo ya mathîna, riûa nîrîgaatuîka nduma, mweri ûtige kwara, njata igwe nthî kuuma îgûrû, na maavinya marîa marî îgûrû mainainue.

Aroma 2:5

Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.

Gûco 28:52

Andû acio nîmakaarigicîria matûûra menyu monthe marîa marî vûrûrirî ûrîa Ngai-Mûnene Ngai wenyu amûveete, na momomore nthingo irîa imagitîrîte irîa mwîvokete atî ikaamûgitagîra.

2Pet 3:7

Nwatî îgûrû na nthî irîa irî kuo rîu cigîtwe na njîra ya rîathani wa rîu rîa Ngai nîguo ikaathirua na mwaki. Nacio cigîtwe nîûndû wa mûthenya ûrîa andû arîa matarî na ûngai magaatuîrwa na mathirue.

Kûguû 6:17

Nîûndû mûthenya wao Mûnene wa marakara nîmûkinyu. Nû ûngîvota kûmîrîria îverithania rîu?”