Zefania 1:13 - ÎVUKU RÎA ÛVORO MWARO

¹³ Nîmagacunwa ûtonga wao na indo ciao cia nyomba. Matigatûûra nyombarî irîa maratuma, kana manyue ndivei ya mîtî îrîa maravanda rîu.”

Zefania 1:13 ပူးပေါင်းရင်းမြစ်များ

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Jeremia 15:13

Ngai-Mûnene arauga atîrî, “Nîngatûma ûtonga wenyu na mîthithû yenyu îtavwe, nîûndû ûcio nîguo mûcara wa mevia menyu marîa mwîkîte vûrûrirî wonthe.

Jeremia 17:3

na îgûrû rîa irîma irîa irî kûndû kwaraganu. Nîngarekereria ûtonga wenyu na mîthithû yenyu îtavwe rîrî îrîvi rîa mevia marîa mwîkîte vûrûrirî wonthe wenyu.

Jeremia 4:20

Mûthiro ûrarûmîrîra mûthiro wîngî, vûrûri wonthe nîmûcûkangie viû. Magema metû nîmacûkangua wa rîmwe; mbathia cietû igatarûrangwa wa rîmwe.

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 5:17

Nao nîmakaarîa maketha na irio cienyu, nîmakaaûraga anake na erîtu enyu, nîmakaaûraga mbûri na ng'ombe cienyu; nîmagaacûkangia mîthavibu na mîkûyû yenyu. Matûûra menyu marîa mairigîre na mwîvokete, nîmakaamacûkangia na rûviû.

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Jeremia 9:19

Nîûndû mûgambo wa kîrîro nîûreguîka kûu Zayuni ûkiuga atîrî, “Tûrî acûkangie viû! Tûrî aconorithie viû! Nwanginya tume vûrûrirî wetû; nîûndû mîciî yetû nîmîomomore.”

Maca 5:2

Vûrûri wetû nîwocetwe nî ageni, mîciî yetû îtûûrîtwe nî andû engî.

Ezek 22:31

Kwoguo nînîmetîrîrîtie marakara makwa. Nîmaavîvîtie na mwaki wa mang'ûrîka makwa kûringana na mavîtia mao ngamathiria.” Ûguo nîguo nie Ngai-Mûnene mbugîte.

Ezek 7:19

Nîmagaikia sîlûva njîrarî, na thaavu yao igaatuîka ta kîndû gîtarî kîtheru. Sîlûva na thaavu ciao itikaavota kûmavonokia mûthenya ûrîa Ngai-Mûnene akaametûrûrîra marakara make. Itikaamathiria vata kana imavaithie, nîûndû mbeca icio na thaavu nîcio ciatûmire matonye waganurî.

Ezek 7:21

“Nîngaanenganîra indo ciao kûrî mavûrûri mageni na ndûme ituîke ta indo itavîtwe na vinya nî andû arîa aganu. Nao nîmakaaûgwatia mûgiro.

Ezek 7:24

Kwoguo nîngaarete mavûrûri maganu mûno megwatîre nyomba ciao, naguo mwîtîîo wa andû arîa marî vinya ûthire; nakuo kûndû kwenyu gwa kûgoocera kûgwatue mûgiro.

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Mika 6:15

Mûkaavanda nwatî mûtigaaketha kîndû, mûkaaviva ndamaiyû ciume maguta nwatî mûtigaatûmîra maguta mau. Mûkaaviva thavibu nwatî mûtikaanyua ndivei.

Zefania 1:9

Mûthenya ûcio ngamaverithia onthe, arîa onthe magoocaga ngai cia mîvuanano; na arîa onthe mecûragia nyomba ya mwathi wao, na indo irîa macunanîte na vinya na kwîa.”

Gûco 28:30

“Mûndû akaarîkanagîra na mwîrîtu atî nîakûmûvikia, nake mûndûmûrûme wîngî akamenyana nake kîîmwîrî. Mûndû agaatumaga nyomba na ndagaatûûra kuo. Mûndû akaavandaga mîthavibu, nwatî ndakaarîa thavibu ciayo.

Gûco 28:39

Nîmûkaavanda mîthavibu mîgûndarî yenyu na mûmîmenyerere, nwatî mûtikaanyua ndivei kana mûkethe thavibu icio, nîûndû thavibu nîikaarîwa nî igunyû.

Gûco 28:51

Andû acio nîmakaarîa ndîthia cienyu na irio cienyu, nginya rîrîa mûkaarîwa nî yûra. Matikaamûtigarîria wanarî ngano, ndivei, maguta ma ndamaiyû, ng'ombe kana ng'ondu, nginya rîrîa mûgaakua.