Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zefania 1:10 - ÎVUKU RÎA ÛVORO MWARO

10 Ngai-Mûnene arauga atîrî, “Kîrîro nîgîkeguîka kuuma Kîvingorî Kîam Nthamaki, kîrîro kuuma Gîcagi gîa Kaîrî, na kîrîro kînene kuuma irîmarî.

အခန်းကိုကြည့်ပါ။ ကော်ပီ




Zefania 1:10
18 ပူးပေါင်းရင်းမြစ်များ  

(Nwatî Daudi nîwacunanire îtûûra rîu rîao rîa Zayuni, rîrîa rîairigîrîtwe na nthingo cia vinya mûno na rîgîcoka gwîtwa “Îtûûra rîa Daudi.”)


Daudi arîkia gûcuunana îtûûra rîu rîairigîrîtwe na rûthingo rwa vinya, nîwatûûrire kuo na akîrîtuîra rîîtwa, “Îtûûra rîa Daudi.” Nîwacokire agîtuma îtûûra rîrigicîrîtie ambîrîrîtie mwena wa îrathîro wa kîrîma nîûndû kûu nîkuo mûthetu waikîrîtue gûkaragana waro.


Kwoguo mûthînjîri-Ngai Hilikia, Ahikamu, Akibori, Shafani, na Asaia nîmaathiîre kûrî mûndûmûka ûmwe mûrathi wetagwa Hulida, mûka wa Shalumu, mûvîcî wa Tikiva. Tikiva aarî mûvîcî wa Harihasi. Harihasi nîke wamenyagîrîra nguo cia hekarû. Vîndî îo Hulida aatûûraga Jerusalemu, îtûûrarî rîa kaîrî. Nao nîmaaranîrie nake,


Solomoni nîwambîrîrie gûtuma hekarû ya Ngai-Mûnene Jerusalemu kîrîmarî Kîam Moria varîa Ngai-Mûnene aaumîrîre Daudi, îthe wa Solomoni îtîrirî rîa Orinani wa kuuma Jebusi. Vau nîvo Daudi aathuurîte.


Kwoguo Ngai-Mûnene nîwavonokirie Hezekia na andû a Jerusalemu kuuma kûrî Senakeribu mûthamaki wa Asîria na kuuma kûrî nthû ciake cionthe. Ngai-Mûnene nîwatûmire andû a Jerusalemu mekaranie na thayû na andû onthe arîa maariganîtie nao.


Vuva wa ûguo Manase nîwatumire rîngî rûthingo rwa mwena wa nja rwa îtûûra rîa Daudi, mwena wa îthûîro wa kîthima Kîam Gihoni kîrîa kîrî Kîamndarî nginya kîvingorî kîrîa gîetagwa Kîvingo Kîam Nthamaki na kûthiûrûrûka nginya Ofeli na nîwarûtumire rûrî rûraca na îgûrû makîria. Wana nîwaigire anene a ikundi cia athigari a mbaara matûûrarî monthe ma Juda marîa maarî mairigîre.


Kwoguo Hilikia vamwe na andû arîa mûthamaki aatûmîte nîmaathiîre kûrî mûndûmûka mûrathi wetagwa Hulida mûka wa Shalumu, mûvîcî wa Tokihathi, nake Takihathi aarî mûvîcî wa Hasira, mûmenyereri wa nguo irîa ciatûmagîrwa hekarûrî. Hulida aatûûraga Jerusalemu îtûûrarî rîa kaîrî. Nao nîmaamwîrire maûndû marîa meekîkîte.


Kuuma vau nîtwavîtûkîrîre kîvingorî Kîam Efiraimu, na tûkîvîtûkîra kîvingorî kîrîa gîa tene (na nîkîo gîtagwa rîngî kîvingo Kîam Jeshana). Nîtwavîtûkîrîre kîvingorî Kîam nthamaki, na nyombarî ndaca na îgûrû ya îgana nginya tûgîkinya kîvingorî Kîam ng'ondu. Mûthiûrûrûko wetû warîkîre vakuvî na kîvingo Kîam njeera.


Mbarî ya Hasenaa nîyatumire Kîvingo Kîam Nthamaki. Nîmaacokire magîtuma mbaû cia kûrûngamia kîvingo na magîkîra mîrango na irenji wana mîkîgo ya kûvinga kîvingo.


Tuonthe tûraramaga ta ngatûnyi, twîkaraga tûgîcaga ta ndutuura. Twetagîrîra tûone waragania nwatî tûtiwonaga; twetagîrîra ûvonokio, nwatî ûrî kûraca natue.


Mûthenya wa mûgwanja wa mweri, mwaka wa îkûmi na ûmwe wa ûthamaki wa Zedekia rûthingo rwa îtûûra nîrwatûrirwe mwanya.


Nie nîneguire kîrîro ta Kîam mûndûmûka arî na ûrûrû wa gûciara, mûcao ta wa mûndûmûka agîkivîra mwana wa îrikithathi, Kîamrî kîrîro gîa Zayuni akîvevûka agîcaragia mîvevû, agîtambûrûkagia njara akiugaga atîrî, ‘Kaî nîrî na thîna-î! Nîmaûkîte kûmbûraga!’ ”


Ciimba ikaanyagania kûrîa ngai ciao cia mîvuanano irî mîenarî yonthe ya metha ciao cia magongoona, tûrîmarî tuonthe na irîmarî cionthe; mîtîrî yonthe mînene na mîtî îrîa mîruru ya mîvuru kûrîa maarutagîra magongoona marîa maanungaga waro ma gûkenia ngai ciao cia mîvuanano.


Mûthenya ûcio mûciî kwa mûthamaki gûkainwa nyîmbo cia macakaya. Gûkethîrwa na ciimba nyîngî, ikanyagarûkua kûndû kuonthe gûkirîtwe kivi.”


Ûcio ûkethîrwa wî mûthenya wa marakara, nî mûthenya wa mathîna na marûrû, nî mûthenya wa nduma na kîeva, nî mûthenya wa gûcûkangua, nî mûthenya wa matu na nduma nene,


Kirani mbere ya Ngai-Mûnene, nîûndû mûthenya ya Ngai-Mûnene ûrî vakuvî. Ngai-Mûnene nîavarîrîtie kîgongoona, na akamûra ageni ake a gîtîîo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ