Zefania 1:10 - ÎVUKU RÎA ÛVORO MWARO10 Ngai-Mûnene arauga atîrî, “Kîrîro nîgîkeguîka kuuma Kîvingorî Kîam Nthamaki, kîrîro kuuma Gîcagi gîa Kaîrî, na kîrîro kînene kuuma irîmarî. အခန်းကိုကြည့်ပါ။ |
Kwoguo mûthînjîri-Ngai Hilikia, Ahikamu, Akibori, Shafani, na Asaia nîmaathiîre kûrî mûndûmûka ûmwe mûrathi wetagwa Hulida, mûka wa Shalumu, mûvîcî wa Tikiva. Tikiva aarî mûvîcî wa Harihasi. Harihasi nîke wamenyagîrîra nguo cia hekarû. Vîndî îo Hulida aatûûraga Jerusalemu, îtûûrarî rîa kaîrî. Nao nîmaaranîrie nake,
Vuva wa ûguo Manase nîwatumire rîngî rûthingo rwa mwena wa nja rwa îtûûra rîa Daudi, mwena wa îthûîro wa kîthima Kîam Gihoni kîrîa kîrî Kîamndarî nginya kîvingorî kîrîa gîetagwa Kîvingo Kîam Nthamaki na kûthiûrûrûka nginya Ofeli na nîwarûtumire rûrî rûraca na îgûrû makîria. Wana nîwaigire anene a ikundi cia athigari a mbaara matûûrarî monthe ma Juda marîa maarî mairigîre.
Kwoguo Hilikia vamwe na andû arîa mûthamaki aatûmîte nîmaathiîre kûrî mûndûmûka mûrathi wetagwa Hulida mûka wa Shalumu, mûvîcî wa Tokihathi, nake Takihathi aarî mûvîcî wa Hasira, mûmenyereri wa nguo irîa ciatûmagîrwa hekarûrî. Hulida aatûûraga Jerusalemu îtûûrarî rîa kaîrî. Nao nîmaamwîrire maûndû marîa meekîkîte.
Kuuma vau nîtwavîtûkîrîre kîvingorî Kîam Efiraimu, na tûkîvîtûkîra kîvingorî kîrîa gîa tene (na nîkîo gîtagwa rîngî kîvingo Kîam Jeshana). Nîtwavîtûkîrîre kîvingorî Kîam nthamaki, na nyombarî ndaca na îgûrû ya îgana nginya tûgîkinya kîvingorî Kîam ng'ondu. Mûthiûrûrûko wetû warîkîre vakuvî na kîvingo Kîam njeera.