Zakaria 7:9 - ÎVUKU RÎA ÛVORO MWARO

⁹ “Tucanagîrani ciira wa kîvooto, îgucanagîrani ntha, na mûtuganage mûndû na mûndû ûrîa wîngî.

Zakaria 7:9 ပူးပေါင်းရင်းမြစ်များ

2Sam 9:7

Daudi nîwamwîrire atîrî, “Tiga gwîtigîra nîngûgwîka maûndû ma ntha nîûndû wa aguo Jonathani; na nîngûgûcokeria kîthaka kîonthe kîrîa Kîamrî Kîam ûmaguo Saûlo, na tûkaarîcanagîra nawe vingo cionthe.”

Ayubu 31:20

ngîrega kûmûva nguo ya gwîkîra athirwe nî mvevo, nake nîandigagîra kîrathimo agacokia ngatho na ngoro.

Ayubu 6:14

“Ûrîa ûregaga kwîguîra mûrata wake ntha, aregaga gûkumia Ngai Mwene Vinya.

Nthi 21:3

Gwîka ûndû ûrîa mwagîrîru na wa kîvooto, nî gûkenagia Ngai-Mûnene gûkîra îgongoona.

Jeremia 21:12

Mue andû a nyomba ya Daudi! Ngai-Mûnene arauga atîrî: Tucagani ciira na kîvooto mîthenya yonthe, na onthe arîa macunîtwe indo ciao ûmavonokie, kuuma kûrî arîa mamavinyagîrîria. Ethîrwa tîmwîka guo marakara makwa nîmakana ta mwaki ûrîa ûtavorekagia, nîûndû wa maûndû menyu macûku marîa mwîkaga.”

Jeremia 22:3

Nie Ngai-Mûnene nîramwatha mwîkage maûndû ma kîvooto na ma ûthingu. Mûvonokie andû onthe arîa macunîtwe indo ciao kuuma kûrî arîa mamavinyagîrîria. Mûtigeke ûndû mûcûku kana mûnyamaria ageni, ciana irîa itarî methe, mûndûmûka wa ndigwa kana mûrage mûndû ûtarî na wîvia vandû ava.

Jeremia 7:23

Nwatî namaveere watho ngîmeera, ‘Athîkagîrani mûgambo wakwa, nîngûtuîka Ngai wenyu na mûtuîke andû akwa, na mûrûmagîrîre maûndû marîa ngûmwatha, nîguo maûndû menyu mavue.’

Jeremia 7:5

“Rûngariani mîthiîre yenyu na ciîko cienyu na mwîkage maûndû ma kîvooto, kûrî mûndû na mûndû ûrîa wîngî.

Ezek 18:8

Ethîrwa mûndû ûcio ndakovithanagia kîndû nîguo akaarîvwa kîndû kîu kîrî na umithio, nîerigagîrîria ndakavîtie, na atuithanagia ciira na kîvooto gatagatî ka mûndû ûrîa ûkovete na ûrîa ûkovithanîtie.

Ezek 45:9

Ngai-Mûnene augîte atîrî, “Mue anene a andû a Isiraeli nîmwîvîtie vandû va kavinda karaca. Thirwani nî waganu na mûtige kûvinyanîrîria mwîkage maûndû ma kîvooto na ma waragania. Tigani kûvinyûria andû akwa kuuma vûrûrirî wao. Nie Ngai-Mûnene nînie nauga ûguo.

Hosea 12:7

Andû a Efiraumu mekariî ta avûri a mbiacara a maveeni arîa matûmagîra ithimo cia maveeni na mendete gûkinyîrîria andû.

Alawi 19:15

“Tuithanagiani maciira na kîvooto; mûtikonanie kîmenyano kûrî athîni kana mwîtigagîre itonga, nwatî tucagîrani andû arîa engî ciira na kîvooto.

Amosi 5:24

Vandû va ûguo, tiga kîvooto kînyûrûrûkage ta karûnjî, na ûthingu ûnyûrûkage ta rûnjî rûtavûcaga.

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Zakaria 7:7

Ndûmîrîri îo nîyo Ngai-Mûnene aamûkinyîîrie na njîra ya arathi arîa maarî kuo mbere. Vîndî îo îtûûra rîa Jerusalemu nîrîagaacîrîte na rîgatûûrwa nî andû eengî. Wanamo matûûra marîa maarigicîrîtie Jerusalemu, vûrûri wa mwena wa îveti, na vûrûri ûrîa ûrî nthî ya irîma nîgwatûûraga andû eengî.

Zakaria 7:8

Ngai-Mûnene nîwakinyîrie Zakaria ndûmîrîri na akîmwîra atîrî,

Mathaayo 23:23

“Na kaî mue arimû a Watho na Afarisai mûrî na thîna-î! Mue mvinga ino! Mue mûrutagîra Ngai gîcunjî gîa îkûmi Kîam manyenyi ta ma rwoga, karîmî ka nthiia, na nderamûkîa, nwatî mûtirûmagîrîra maûndû marîa ma vata megiî watho ta, kîvooto, kwîgucanîra ntha na kwîvokeka. Maûndû mama nîmwagîrîrwe nî kûmeka mûtagûtiganîria mau mengî.

Luka 11:42

“Kaî mue Afarisai mûrî na thîna-î! Nîûndû mue mûrutagîra Ngai gîcunjî gîa îkûmi Kîam manyenyi ta ma rwoga, karîmî ka nthiia na nderamûkîa, nwatî mûgatiganîria ûthingu wa vamwe na kwenda Ngai. Maûndû mama mwagîrîrwe mûmekage mûtagûtiganîria marîa mengî.

Johana 7:24

Tigani gûtucanagîra ciira kûringana na ûrîa maûndû monekaga mekariî, nwatî tucanagîrani ciira kûringana na ivooto.”

Johana 7:51

“Kûringana na Watho wetû tûtingîvota gûtuîra mûndû ciira, tûtambîte kwîgua ûrîa akuga na kûmenya ûrîa ke ekîte.”

Gûco 22:1

“Ûngîona ng'ombe kana ng'ondu ya Mûisiraeli ûrîa wîngî îrî mbûru ndûkamîtige, nwatî ûkaamîcokia gwake mûciî.