Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zakaria 7:5 - ÎVUKU RÎA ÛVORO MWARO

5 na akîmbîra atîrî, “Ûria andû onthe a Isiraeli na athînjîri-Ngai kana rîrîa menyerekagia na magacakaya mweri wa gatano na wa mûgwanja îvinda rîa mîaka mîrongo mûgwanja îthirîte, mekaga ûguo nîûndû wakwa?

အခန်းကိုကြည့်ပါ။ ကော်ပီ




Zakaria 7:5
27 ပူးပေါင်းရင်းမြစ်များ  

Rîrîa anene onthe a athigari a mbaara meegwire atî Nebukadinezarû nîwathuura Gedalia atuîke mûthamaki, nîmaathiîre kûrî Gedalia kûu Mizipa. Anene acio maarî: Ishumaeli mûvîcî wa Nethania, Johanani mûvîcî wa Karea, na Seraia mûvîcî wa Tanihumethi wa kuuma Tofathi, na Jazania mûvîcî wa mûndû wa kuuma Maaka.


Nwatî mwerirî wa mûgwanja (7), Ishumaeli mûvîcî wa Nethania wa kuuma nyombarî ya mûthamaki nîwathiîre Mizipa na athigari îkûmi na akîtharîkîra Gedalia na akîmûraga vamwe na Ayahudi na Akalidei arîa maarî nake kûu Mizipa. Nethania aarî mûvîcî wa Elishama.


Ndwamindîre ng'ondu yaku ya matega ma kûvîvua, kana ûndîîa na magongoona maku. Ndiakûritûvîra ngîgwîtia matega, kana ngûnogia ngîgwîtia ûbani.


Andû maraûria atîrî, “Twînyerekagia nîkî, nawe Ngai-Mûnene ndwonaga? Twîimaga irio nîkî, nawe ndûtindanagîra na ûndû ûcio?” Nake Ngai-Mûnene aramacokeria atîrî, “Mûthenya ûrîa mûrenyerekia, mûrûmagîrîra wendi wenyu tu, na mûgakinyîrîria aruti wîra enyu onthe.


Vûrûri ûyû wonthe nîûkomomorwa ûtuîke îganjo na mavûrûri marîa mariganîtie naguo nîmagaatungatîra mûthamaki wa Babuloni îvinda rîa mîaka mîrongo mûgwanja.


“Ngai-Mûnene arauga atî, rîrîa mîaka mîrongo mûgwanja (70) mûrî Babuloni îkathira nîngamwîciria na mvingie kîîranîro gîakwa namue na nîmûcokie gûkû.


Mûthenya wa îkûmi wa mweri wa gatano, mwaka wa îkûmi na kenda wa wathani wa Nebukadinezarû mûthamaki wa Babuloni, Nebuzaradani mûnene wa athigari ake a mbaara ûrîa watungataga mûthamaki nîwathiîre Jerusalemu.


Mwaka wa mbere wa wathani wake, nie Danieli nînathomaga mandîko matheru na ngeciragia mûno ûvoro wîgiî mîaka mîrongo mûgwanja (70) îrîa Jerusalemu îgeekara îrî nyomomore, wata ûrîa Ngai-Mûnene aaguûrîrîtie mûrathi Jeremia.


O nîmangayagîra nwatî tî kuuma ngoro ndaarî. Maragaragara na magetemanga marî itandarî ciao, nîguo nyamûkîre matega mao ma ndivei na ngano; nwatî nîmareganîte nanie.


Nake mûraika ûcio wa Ngai-Mûnene nîwaûririe atîrî, “We Ngai-Mûnene mwene vinya wonthe wîthîrîtwe ûrakarîrîte Jerusalemu na matûûra ma Juda mîaka mîrongo mûgwanja. Nîwîkara îvinda rîgana atîa ûtakûmeguîra ntha?”


na maûrie athînjîri-Ngai arîa matungataga hekarûrî ya Ngai-Mûnene mwene vinya wonthe na arathi atîrî, “Nîwaro tûthiî na mbere gûcakaya na kwînyerekia mwerirî ûyû wa gatano ta ûrîa tûtwîre twîkaga mîaka mîîngî?”


Ngai-Mûnene mwene vinya wonthe nîwacokire akînginyîria ndûmîrîri îno,


Na rîrîa makûrîa na makanyua, kinthî matirîcaga na makanyua nîûndû wao o ene?”


“Kwînyerekia mweri wa kana, mweri wa gatano, mweri wa mûgwanja, wa mweri wa îkûmi igaatuîka irugo cia gîkeno na thayû kûrî andû a Juda. Kwoguo rûmagîrîrani ûvoro wa ma na wa thayû.”


Mekaga maûndû mao monthe nîguo monwe nî andû. Nîmaramagia ithitû ciao na nîmaracavagia mîcivi ya nguo ciao!


“Na vîndî îrîa mûrenyerekia tigagani kwiria mothiû menyu ta ûrîa mvinga ciîkaga. Mvinga ciragia mothiû ma cio nîguo cionwe nî andû onthe atî nîirenyerekia. Nîramwîra na ma atî, mvinga icio nîirîkîtie kûvewa mûcara wacio.


“Kwoguo, vîndî îrîa mûravecana indo cienyu nîguo itethie athîni, mûtikendage kwîyonania wata ûrîa mvinga ciîkaga vîndî îrîa irî îvoerorî na thokorî. Mvinga icio ciîkaga ûguo nîguo iganagwe nî andû. Nîramwîra na ma atî, mvinga icio nîirîkîtie kûrîvwa mûcara wacio.


“Na vîndî îrîa mûkûvoya, mûtikavoyage ta mvinga! Mvinga ciendaga kûvoya irûngamîte mavoerorî na makathîkanorî ma njîra, nîguo cionwe nî andû. Nîramwîra na ma atî, mvinga icio nîirîkîtie kûvewa mûcara wacio.


Kwoguo ûndû wa wonthe mwîkaga ethîrwa nî kûrîa kana nî kûnyua, îkagani nîguo mûgoocithie Ngai.


Kristû aakwire nîûndû wa andû onthe nîguo andû arîa matûûraga mwoyo matigatûûre mwoyo nîûndû wao o ene, nwatî nîûndû wake ûrîa wakwire na akîriûkua nîûndû wao.


Ûndû wa wonthe ûrîa mûgekaga, wîkageni na wendi takwa mûrarutîra Mwathani wîra nwatî tî andû.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ