Zakaria 7:2 - ÎVUKU RÎA ÛVORO MWARO

² Vîndî îo andû a Betheli nîmaatûmîte Sharezeri na Rege-mumeleki na andû ao mathiî makathaithe Ngai-Mûnene ameguîre ntha,

Zakaria 7:2 ပူးပေါင်းရင်းမြစ်များ

1Atha 13:6

Mûthamaki Jeroboamu nîwerire mûndû ûcio wa Ngai atîrî, “Nakûthaitha nthaithîra Ngai-Mûnene, Ngai waku ûmwîre amvonie njara yakwa!” Mûndû ûcio wa Ngai nîwathaithire Ngai-Mûnene na njara ya mûthamaki nîyavonirue, na îgîkara wata mbere.

Ezira 2:28

Matûûra ma Betheli na Ai andû magana maîrî ma mîrongo îîrî na athatû (223),

Ezira 6:10

Maûndû mau nîmekagwe nîguo athînjîri-Ngai marutage magongoona marîa makenagia Ngai wa îgûrû, na mavoyagîre mûthamaki na avîcî ake.

Ntha 32:11

Nwatî Musa nîwathaithire Ngai-Mûnene, Ngai wake na akiuga atîrî, “Ngai-Mûnene, ûrarakara ûguo nîkî nî andû aku arîa warutire vûrûri wa Misiri na vinya na ûvoti mwîngî?

Isaia 60:7

Ndîthia cionthe cia ng'ondu cia Kedari nîikaaûnganua vamwe iretwe kûrî we, nîûkaaruta ndûrûme cia Nebaiothi magongoona, ciathînjwa na cigîrîrwe metharî yakwa ya kîgongoona nîngaaciamûkîra, na nîngaathakaria hekarû yakwa gûkîra mbere.

Jeremia 26:19

“Mûthamaki Hezekia wa Juda na andû onthe a Juda nîmaamûragire? Kinthî tîkwa Hezekia etigîre Ngai-Mûnene na agîcaria wendi wake nake Ngai-Mûnene akîricûkwa gwîka maûndû macûku marîa augîte nîakûmeka? Nwatî tue nîkwa tûregîrîra ûndû mûcûku mûno.”

Zakaria 6:10

na akîmbîra atîrî, “Oca iveo irîa ivecanîtwe nî Helidai, Tobija, na Jedaia, arîa maraumire îthamîriorî Babuloni, na wa ûmûnthî ûthiî mûciî kwa Josia mûvîcî wa Zefania.

Zakaria 8:21

Andû a îtûûra rîmwe nîmakaathiî îtûûrarî rîngî na nîmakaauga atî, ‘Tigani tûthiî Jerusalemu nîguo tûkagooce Ngai-Mûnene mwene vinya wonthe na tûmûvoe atûrathime. Tûthiîcanie vamwe.’

1Sam 13:12

nie nînîîciririe na nona takwa Afilisiti mangîûka kûndonyerera gûkû Giligali, na ndirarî mûthaithu Ngai-Mûnene, nîguo twîtîkîrîke Nîke! Kwoguo nie nîmonire mbagîrîrwe nî kûruta kîgongoona.”