Zakaria 5:4 - ÎVUKU RÎA ÛVORO MWARO

⁴ Ngai-Mûnene mwene vinya wonthe augîte ke mwene nîke ûgaatûma kîrumi kîu kîthiî na gîtonye nyomba ya mûndû wa wonthe mwîi na gîtonye nyomba ya mûndû wa wonthe wîvîtaga na njîra ya maveeni akîgwetaga rîîtwa rîa Ngai-Mûnene. Nîgîgekara nyombarî yake na kîmîcûkangie, kîthirie mbaû wana mathiga.”

Zakaria 5:4 ပူးပေါင်းရင်းမြစ်များ

Ayubu 18:15

Nyomba yake rîu îtûûragwa nî andû engî, na kûu atûûraga gûakanaga ûviriti.

Ayubu 20:26

Mûthithû wake wonthe nîûgacûkangua, mwaki wa magegania nîûkaamûthiria, kîrîa kîonthe gîkethîrwa gîtigarîte nyomba gîkavîa viû.

Ayubu 8:15

Metiranagia na nyomba ciao, nwatî ndîrûngamagia, menyitagîrîra kûrî yo nwatî ndîtûûraga.”

Ayubu 8:22

Arîa makûmenete nîmagaconoka mûno, na mîciî ya arîa aganu nîîkathira.

Nthi 3:33

Kîrumi Kîam Ngai-Mûnene nîkînyitaga mîciî ya andû arîa aganu, nwatî nîarathimaga mîciî ya andû arîa athingu.

Isaia 24:6

Kwoguo nthî nîîkûthirua nî kîrumi, andû nao marathînîka nîûndû wa mavîtia mao. Andû arîa matûûraga nthî nîmarathira, na nî andû anini tu magaatigara marî mwoyo.

Jeremia 2:26

Wata ûrîa mwîi aconokaga agwatwa, nwata guo andû a Isiraeli magaconoko; o ene, athamaki ao, anene ao, athînjîri-Ngai na arathi ao.

Hosea 4:2

Kîrîa kîrî kuo nî kwîvîtanîra, ûthani, ûragani, wîi, na ûtharia. Kuna watho na kûûragana gwîkîkaga wa mûthenya.

Hosea 4:3

Kwoguo vûrûri wonthe nî werû, na kîûmbe kîonthe gîtûûraga vûrûrirî ûcio nîkîrathirua; wana nyamû cia kîthaka na iconi; wana nthamaki cia îriarî nîiracûkangua.”

Amosi 3:10

Ngai-Mûnene arauga atîrî, “Maigaga indo irîa maîîte na macunanîte na vinya nyombarî ciao. Kwoguo matimenyaga gwîka maûndû marîa magîrîru.

Zakaria 5:3

Nîwacokire akîmbîra atîrî, “Îvukuurî rîu rîa gîkûnjo nîkwandîke kîrumi kîrîa gîkaanyita vûrûri wonthe. Îvuku rîu rîa gîkûnjo, mwena ûmwe riugîte mûndû wa wonthe ûkaîa nîakaaûragwa. Naguo mwena ûcio wîngî riugîte mûndû wonthe ûkevîta na njîra ya maveeni nîakaaûragwa.

Zakaria 8:17

Ngororî cienyu mûtikavange mîvango mîcûku ya gûcûkia mûndû ûrîa wîngî, kana mûkenue nî mwîvîtwa wa maveeni nîûndû nînthûrîte maûndû mau monthe.”

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Gûco 28:16

Ngai-Mûnene nîagaatûma mûnyitwe nî kîrumi mûrî matûûrarî menyu na mûrî mîgûndarî yenyu.

Gûco 7:26

Mûtikavire ngai icio cia mûvuanano mîciîrî yenyu, nîguo mûtikarumwe ta cio. Nwanginya mûmene na mûnyarare ngai icio cia mîvuanano, nîûndû nî nume nî Ngai-Mûnene.

Josh 9:20

Nwanginya tûreke matûûre mwoyo nîûndû wa kîrîkanîro gîetû, na ethîrwa tîtwîka guo Ngai nîagûtûverithia.