Zakaria 4:9 - ÎVUKU RÎA ÛVORO MWARO

⁹ “Zerubabeli nîke ûtumîte mûcingi wa nyomba îno, na nîke ûkaamîrîkia. Namue nîmûkaamenya atî Ngai-Mûnene mwene vinya wonthe nîke ûndûmîte kûrî mue.

Zakaria 4:9 ပူးပေါင်းရင်းမြစ်များ

Ezira 5:16

Kwoguo Sheshibazaru nîwaûkire na agîtuma mûcingi wayo kûu Jerusalemu. Gûtumwa kwayo kwîthîrîtwe gûkîthiî na mbere kuuma vîndî îo nginya ûmûnthî. Nwatî hekarû tî ndîkiu gûtumwa.’

Isaia 48:16

“Nguvîvîriani mwîgue ûrîa nguga, kuuma tene ndianarîria nthithorî, kuuma rîrîa maûndû mau maambîrîîrie gwîkîka Nie naarî wa kuo.” Na rîu Ngai-Mûnene mwene vinya wonthe, nîandûmîte na akamva vinya wa Roho wake.

Hagai 2:18

Ûmûnthî nî mûthenya wa mîrongo îîrî na îna wa mweri wa kenda, mûthenya ûrîa mûcingi wa hekarû ya Ngai-Mûnene wathirire. Etererani mwone maûndû marîa mûkûthiî na mbere kwona kuuma rîu.

Zakaria 1:16

Kwoguo, nînjokete îtûûrarî rînene rîa Jerusalemu nîguo nîrîguîre ntha. Hekarû yakwa nîgaatumwa îtûûrarî rîu rîa Jerusalemu na rîcoke rîtumwe rîngî.”

Zakaria 2:11

Îvinda rîu ndûrîrî nyîngî nîigaacokerera Ngai-Mûnene, na nîigaatuîka andû ake, na atûûranie nao. Namue nîmûkaamenya atî nî Ngai-Mûnene mwene vinya wonthe ûndûmîte kûrî mue.

Zakaria 2:13

Andû onthe kirani mûrî mbere ya Ngai-Mûnene, nîûndû nîagûka aumîte kûndû gwake kûrîa kûtheru.

Zakaria 4:8

Ngai-Mûnene nîwambarîrie atîrî,

Zakaria 6:15

“Andû arîa matûûraga kûraca nîmagaûka na matethererie gûtuma hekarû ya Ngai-Mûnene. Namue nîmûkaamenya atî Ngai-Mûnene mwene vinya wonthe nîke ûndûmîte kûrî mue. Maûndû mau monthe makavinga ethîrwa nîmûkaathîkîra Ngai-Mûnene Ngai wenyu.”

Mathaayo 16:18

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Johana 17:21

Nîravoya atî onthe matuîke kîndû kîmwe. Maroekara ndaarî yetû, wata ûrîa we ûrî ndaarî yakwa nanie nîrî ndaarî yaku. Marotuîka kîndû kîmwe nîguo andû a gûkû nthî metîkie atî we nîwe wandûmire.

Johana 3:17

Ngai ndaatûma Mûriû gûkû nthî nîguo atuîre andû, nwatî aamûtûmire gûkû nthî nîguo atuîke mûvonokia wa andû.

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.