Zakaria 3:7 - ÎVUKU RÎA ÛVORO MWARO

⁷ “Ngai-Mûnene mwene vinya wonthe augîte ûngîathîkîra maathani make na ûrûmagîrîre maûndû marîa akwathîte, nîagaakûva ûvoti wathanage hekarûrî yake na ivaarorî ciayo, na nîagaagwîtîkîria ûtungatage ta ûrîa aya marûngamîte ava matungataga.

Zakaria 3:7 ပူးပေါင်းရင်းမြစ်များ

Kîam 26:5

Nîngaakûrathima nîûndû Iburahimu nîwambathîkîre na akîathîkîra mataaro makwa na mawatho makwa monthe.”

Mathaayo 19:28

Nake Jesû nîwamerire atîrî, “Nîramwîra nama atî vîndî îrîa Mûrû wa Mûndû ageekarîra gîtî gîake Kîam ûnene kîrîa kîrî riiri kûu nthî îo njerû, mue arîa mûnûmagîrîra nîmûgeekarîra itî cia ûnene na nîmûkaatha mîvîrîga îrîa îkûmi na îîrî ya Isiraeli.

Alawi 8:35

Nwanginya mwîkare mûromorî wa îgema rîa Ngai-Mûnene ûtukû na mûthenya îvinda rîa mîthenya mûgwanja mûgîkaga ûrîa Ngai-Mûnene amwathîte nîguo mûtigakue. Ûguo nîguo Ngai-Mûnene ambathîte.”

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.

Johana 14:2

Mûciî kwa Vava kûrî na ciîkaro nyîngî, na nîngûthiî kûmûvarîrîria vandû. Nie ndingîamwîra ûguo angîthîrwa ûguo tîguo kûrî.

Luka 22:30

Nîmûkaarîra na mûnyuîre metharî yakwa Ûthamakirî wakwa, na mûcoke mwîkarîre itî cia Ûthamaki na mwathe mîvîrîga îrîa îkûmi na îrî ya Isiraeli.”

Zakaria 6:5

Mûraika ûcio nîwanjokerie atîrî, “Ikaari icio nî maroho mana ma îgûrû marîa matungatagîra Ngai-Mûnene Ngai wa nthî yonthe. Marathiî kûruta wîra wake.

Zakaria 4:14

Nîwacokire akîmbîra atîrî, “Aya nî andû aîrî arîa athuure na magetîrîrua maguta nîguo matungatagîre Mwathani wa nthî yonthe.”

Ezek 48:11

Gîcunjî kîu gîgaatuîka Kîam athînjîri-Ngai arîa amûre a njiarwa cia Zadoku arîa maandungatîre marî na wîvokeku. Acio matiandiganîria rîrîa Aisiraeli na Alawi acio engî maandiganîrie.

1Maû 23:32

Nîmaaveetwe wîra wa kûmenyerera îgema rîa Ngai-Mûnene na hekarû, na gûtethia athînjîri-Ngai arîa maarî njiarwa cia Aroni wîrarî wa hekarû.

1Atha 2:3

na wîkage ûrîa Ngai-Mûnene, Ngai waku akwathîte wîkage. Vingagia mawatho make monthe, maathani make, matuîro make ma ciira na kîrîra gîake, wata ûrîa kwandîkîtwe wathorî wa Musa, nîguo ûkaathatûkwa mawîrarî monthe marîa ûkaaruta kûrîa kuonthe ûkaathiî.

Ezek 44:8

Nîmûregete kûrûmîrîra mawatho makwa marîa mamûre ma hekarû, vandû va ûguo ageni nîo mwîtîkîrîtie mamarûmagîrîre.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

1Atha 3:14

Na ethîrwa ûkambathîkagîra na ûvingagie mawatho na maathani makwa ta ûrîa aguo Daudi eekaga, nîngaakûva ûtûûro mûraca.”

Isaia 62:9

Nwatî mue mwaikethire nîmue mûkaairîcaga, na mûngumagie, nie Ngai-Mûnene. Namue arîa mûvivaga ndivei îo, nîmue mûkaamînyunyaga mûrî ivaarorî cia hekarû yakwa.”

Zakaria 3:6

Mûraika wa Ngai-Mûnene nîwacokire akîra Joshua atîrî,

Zakaria 6:15

“Andû arîa matûûraga kûraca nîmagaûka na matethererie gûtuma hekarû ya Ngai-Mûnene. Namue nîmûkaamenya atî Ngai-Mûnene mwene vinya wonthe nîke ûndûmîte kûrî mue. Maûndû mau monthe makavinga ethîrwa nîmûkaathîkîra Ngai-Mûnene Ngai wenyu.”